1 Abhakorinto 3:1 - Eriragano Erihya

¹ Abhahiiri bhaani kuimani, hanú naaringa kubheenyu, ntaaringa ndagamba na bheenyu kya abhantu bhanú bharoorokereribhwa na Omutima Omurabhu. Nawe, naaringa ndagamba na bheenyu kya abhantu bhanú bharoorokereribhwa na amangʼana ga ekyaro, kweki kya abhaana abharera kukumwikirirya Kiristu.

1 Abhakorinto 3:1 ပူးပေါင်းရင်းမြစ်များ

Mataayo 16:23

Nawe, Yeesu akamwikyukirya Petero, akamukeerya ega, “Nuurwe embere yaani Erisambwa! Orasakya okundibhira ntakora obhwendi bhwa Waryubha! Otakwiganirirya aga Waryubha, nureeganirirya aga abhantu.”

Abharuumi 7:14

Tumanyiri ega, amaragiriryo gaarwa ku Waryubha, nawe, oni kwa obhusimuka bhwani bhwa obhusarya, ndingi omugaya wa obhusarya.

1 Abhakorinto 14:20

Abhahiiri bhaani kuimani, muteeganirirya kya abhaana, nawe mubhenga mureeganirirya kya abhantu abhakuru. Nawe, eguru ya obhubhiibhi, mubhe kya abhaana abharera.

1 Abhakorinto 14:37

Nyoore omuntu areerora ega, yaana ekibharo kya okuruusya obhurooti, kasi ega, yaana ekibharo ekindi kya Omutima Omurabhu, amanye ega, ganú ndabhangʼoorera, m-maragiriryo okurwa ku Mukuru.

1 Abhakorinto 2:6

Bhoono bheetu, turagamba amangʼana ga egintungwa, kubhantu bhanú bhanagiri kuimani, nawe egintungwa giyo, gitaringi gya mukyaro kinu, kweki gitaringi gya abhatungi bha ekyaro kinu. Bhayo bheeki mbo bharihwa.

Abhagaratia 6:1

Abhahiiri bhaani kuimani, mukaamanya ega, omurikyenyu akoreri obhusarya bhobhonse, bheenyu bhanú muroorokereribhwa na Omutima Omurabhu, mumukemere na mumuhindye kwa obhunyoohu. Nawe, mwiyangararire mutaaja okusakibhwa okubha na enteemo kya yaaye.

Abhaebhurania 5:13

Omuntu unú akyaneena, uyo akyari omwana omurera, atakutura okumanya amajomu na amabhiibhi.

1 Yoana 2:12

Ndabhangʼoorera bheenyu abhaana bhaani abhahanje kuimani, kwa okubha mwabhiirwe obhusarya bhwenyu, okuhitira ku Yeesu Kiristu.