1 Abhakorinto 2:8 - Eriragano Erihya

⁸ Atariho kora oumwi kubhatungi bha ekyaro kinu, unú yaaringa amanyiri egintungwa giyo, kwa okubha bhakaabheeri bhagimanyiri, bhatakaamubhambiri kumusarabha Omukuru wa okutogoonibhwa.

1 Abhakorinto 2:8 ပူးပေါင်းရင်းမြစ်များ

Mataayo 11:25

Eribhaga riyo, Yeesu akagamba ega, “Ee Taata, Omukuru wa orwire na ekyaro, ndakukumya kwa okubha amangʼana ganú obhabhisiri abhangʼeeni na abhasomi, obhatubhuriiri abhantu bhanú bhaana eimani kya abhaana abhake.

Mataayo 13:22

Egimbusuro ginú gyagwa gatigati ya emiti gya amahwa, girahunkana na omuntu unú areegwa Amangʼana Amajomu ga obhukama bhwa murwire, nawe, arangʼeenwa na amangʼana ga ekyaro na obhuniibhi. Kwa ego, Amangʼana Amajomu ga obhukama bhwa murwire garahigwa, na gatakunagya okwibhura emisumo.

Ruuka 23:34

Yeesu akagamba ega, “Taata! Obhaabhire, kwa okubha bhatamanyiri kinú bharakora.” Abhasirikare bhayo hanú bhaamara, bhakagabhana emyenda gyaye kwa okugitemera ekuura.

Yoana 16:3

Bharibhakorera ego, kwa okubha bhatamumanyiri Taata, na kora oni nonse bhataammanyiri.

Yoana 7:48

Bhoono, ariho omutungi wowonse urya kasi Omufarisaayo kora oumwi unú aramwikirirya?

Yoana 8:19

Nho, Abhafarisaayo bhakamubhuurya Yeesu ega, “Bhoono, Eseweenyu aringi-ha?” Yeesu akabhakyukya ega, “Bheenyu mutammanyiri oni, na kora Taata mutamumanyiri. Nyoore mukaamanyiri oni, mukaamumanyiri Taata wonse.”

Amakorwa ga Abhatumwa 13:27

Abhamenyi bha Yerusaremu na abhatungi bhaabho, bhataaringa bhamanyiri ega, Yeesu ngʼo Omutuurya. Kora bhataamanya amangʼana ga abharooti ganú gaasomwanga kira orusiku rwa Esabhato. Bhaakunaanʼya amangʼana gayo kwa okumubhuturira ekiina Yeesu.

Amakorwa ga Abhatumwa 7:2

Sitefano akagamba ega, “Abhahiiri bhaani na bhataata, munyitegeerere! Waryubha owa obhukuru yaamwibhukira jaaji weetu Abhurahamu, hanú yaaringa akyari mukyaro kya Mesopotamia. Eribhaga riyo, yaaringa akyari okungʼaanyira mumugi gwa Haraani.

1 Abhakorinto 1:20

Bhoono bharingi-ha bhanú turagamba ega, bhaana egintungwa? Bharingi-ha bhanú turagamba ega, m-beehigirya bha amaragiriryo, kora bharingi-ha abhantu bhanú bharoonjoora amangʼana bhujomu eginsiku ginu? Waryubha yoorokya ega, egintungwa gya mukyaro kinu m-bukangi.

1 Abhakorinto 2:6

Bhoono bheetu, turagamba amangʼana ga egintungwa, kubhantu bhanú bhanagiri kuimani, nawe egintungwa giyo, gitaringi gya mukyaro kinu, kweki gitaringi gya abhatungi bha ekyaro kinu. Bhayo bheeki mbo bharihwa.

2 Abhakorinto 3:14

Nawe, obhungʼeeni bhwabho bhwaringa bhuribhirwe. Nawanyareero, hanú eriragano rya akare rirasomwa, bharatamwa okumanya obhuheene, bharabha muna bharibhirwe ekitambaara kirya. Ekitambaara kirya kitararuusibhwa-ho, kiraruusibhwa-ho kwa enjira ya okumwikirirya Kiristu okwenego.

Abhaefeso 1:17

Ndamusabha Waryubha wa Omukuru weetu Yeesu Kiristu, Taata wa obhukuru, abhahaane omutima gwa egintungwa na okubhatubhurira, naho muture okumumanya weeki bhukongʼu.

Abhaefeso 4:18

Na obhungʼeeni bhwabho eguru ya obhuheene bhwa Waryubha, bhuribhirwe. Bharingi hare na obhuhoru obhujomu bhunú bhurarwa ku Waryubha. Bhaakorwa ego, kwa ekisigo kya obhukangi bhwabho, bhunú bhurarekana na obhukongʼu bhwa emitima gyabho.

1 Timoteo 1:13

Na onyoora kubhwambiro hayo, naaringa ndamutuka na okunyankya abhantu bhaaye, na naaringa omukana, nawe weeki yaandorera ekyabhira. Yaakora ego, kwa okubha naaringa ndakora gayo kwa obhukangi na ntaaringa na eimani.

Yakobho 2:1

Abhahiiri bhaani kuimani, kwa okubha mumwikirirye Omukuru weetu Yeesu Kiristu wa obhukuru, mutabha na ekisorooro kubhantu.