Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Abhakorinto 2:7 - Eriragano Erihya

7 Egintungwa ginú turaraarika n-kinyerera kya Waryubha, kinú kyaringa kiibhisiri kubhantu. Eribhaga Waryubha yaaringa atarabhumba ekyaro, yaamura okutumira egintungwa giyo, naho okutukorera amajomu.

အခန်းကိုကြည့်ပါ။ ကော်ပီ




1 Abhakorinto 2:7
21 ပူးပေါင်းရင်းမြစ်များ  

Eribhaga riyo, Yeesu akagamba ega, “Ee Taata, Omukuru wa orwire na ekyaro, ndakukumya kwa okubha amangʼana ganú obhabhisiri abhangʼeeni na abhasomi, obhatubhuriiri abhantu bhanú bhaana eimani kya abhaana abhake.


Yaakora ego, naho rikunaane eringʼana rinú Waryubha yaagamba kwa enjira ya omurooti waaye ega, “Ndihaira na abhantu kwa ebhirengyo. Ndibhakeerya amangʼana ganú gaabhiswa okurwa okubhumbwa kwa ekyaro.”


Abhahiiri bhaani kuimani, ndeenda mumanye eguru ya ekinyerera kya Waryubha kinú akare kyaringa kiibhisiri, naho mutariija okwirora muuna obhungʼeeni bhukongʼu. Mumanye ega, m-Baisiraeri nyabhurebhe mbo bhaaringa na emitima emikongʼu, nawe, n-kuhikira eribhaga rinú Waryubha ariikirirya endengo yonsego ya abhantu bhanú bhataringi Abhaisiraeri okunyoora obhutuurya.


Waryubha yaamanya abhantu bhaaye, okurwa ekyaro kitarabhumbwa. Bhayo mbo yaabhasora bhabhe kya ego Omwana waaye, Yeesu Kiristu aringi. Yaakora ego, naho Omwana waaye abhe omutangi gati ya abhahiiri abhaaru.


Mbe, bhayo yaaringa abhasoreri okurwa ekyaro kitarabhumbwa, mbo yaabhirikira akabhabhara okubha abhaheene embere yaaye, na mbo yaamura ega, aribhahaana obhukuru.


Bhoono, abhahiiri bhaani kuimani, hanú oni naaja kubheenyu, ntaaja okubharaarikira ekinyerera kya Waryubha, kwa okugamba bhujomu, kasi, kwa egintungwa.


Eribhaga Waryubha yaaringa atarabhumba ekyaro, yaatusora tubhe bhaaye kwa enjira ya okugwatana kwetu na Kiristu. Yaakora ego, naho tubhe abhantu abharabhu bha omutima bhanú bhataana amasoro embere yaaye. Na kwa okubha atuhanjiri,


Yaakora ego, naho kwibhaga rinu, egintungwa gyaye gya amanga amaaru, gimanyikane kubhakuru na abhatungi bha murwire, kwa enjira ya erikanisa.


Weeki yaatutuurya, akatubhirikira tubhe abhaana bhaaye. Ataakora ego, kwa ekisigo kya amakorwa geetu amajomu, nawe, kwa ekisigo kya obhwendi bhwaye na eriruguto ryaye. Weeki yaatuhaana eriruguto riyo kurusumo rwa Kiristu Yeesu, kora ekyaro kitarabhumbwa.


Nawe, kuginsiku gya obhuteero ginu, Waryubha ahairi na bheetu okuhitira ku Mwana waaye. Yaamusora Omwana uyo, agabhe ebhintu bhyonsego, kweki okuhitira kuweeki, Waryubha yaabhumba ekyaro.


Kwa eimani tumanyiri ega, Waryubha yaabhumba orwire na ekyaro kwa amangʼana gaaye. Kweki tumanyiri ega, yaabhumba ebhintu bhyonsego bhinú bhiramaahikana okurwa kubhinú bhitakumaahikana.


Omutima wa Kiristu yaaringa munsi waabho araroota ega, Kiristu arinyanka, na hanú enyanko iyo erihwa, arihaanwa obhukuru. Mbe, bhaatuna bhukongʼu okumanya amangʼana gayo, ega, garibha ruuha na garimunyoora egaki.


Bhoono, ndagamba na bheenyu abhakangati bha erikanisa. Oni m-mukangati omurikyenyu, naarora kwa ameeso gaani kya ego Kiristu yaanyankibhwa. Kweki oni m-mugwatani omurikyenyu wa obhukuru bhunú bhuringi haangʼi okumaahikana. Kwa ego, ndabhakomererya bheenyu,


Waryubha arabhahaana eriruguto ryonsego! Yaabhabhirikira bheenyu, naho mugwatane nawe mubhukuru bhwaye bhwa koko, hamwi na Kiristu. Muranyanka kwa eribhaga ekego, nawe weeki omwene aribhakora munage, aribhahaana eginguru, na okubhakora mwime.


Waryubha kwa obhuturo bhwaye, yaatuheeri gonsego ganú tureenda, naho twikare obhwikari bhunú bhuramujomera. Weeki yaatuheeri gayo, kwa enjira ya okumumanya. Omwene atubhirikiiri okurekana na obhukuru na obhujomu bhwaye.


Abhantu bhonsego bhanú bhamenyeri mukyaro, bharisyengera ogutyenyi guyo. M-bantu bhonsego bhanú amariina gaabho gataangʼoorwa mukitabho kya obhuhoru bhwa koko eribhaga rinú ekyaro kyabhumbwa. Ekitabho kiyo n-kya Omwana wa Eringʼondi unú yaagoogwa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ