1 Abhakorinto 2:6 - Eriragano Erihya

⁶ Bhoono bheetu, turagamba amangʼana ga egintungwa, kubhantu bhanú bhanagiri kuimani, nawe egintungwa giyo, gitaringi gya mukyaro kinu, kweki gitaringi gya abhatungi bha ekyaro kinu. Bhayo bheeki mbo bharihwa.

1 Abhakorinto 2:6 ပူးပေါင်းရင်းမြစ်များ

Mataayo 13:22

Egimbusuro ginú gyagwa gatigati ya emiti gya amahwa, girahunkana na omuntu unú areegwa Amangʼana Amajomu ga obhukama bhwa murwire, nawe, arangʼeenwa na amangʼana ga ekyaro na obhuniibhi. Kwa ego, Amangʼana Amajomu ga obhukama bhwa murwire garahigwa, na gatakunagya okwibhura emisumo.

Mataayo 19:21

Yeesu akamukeerya ega, “Nyoore oreenda okukunaana, genda ogurye ebhintu bhyonsego bhinú uunabhyo, egimbirya obhagabhire abhatobhu. Nyoore oraakore ego, orabha wituuriiri ekibhumbiko murwire. Hanú orimara, uuje unsoorane.”

Mataayo 5:48

Mbe, mubhe mukuneeni, kya ego Eseweenyu owa murwire akuneeni.

Ruuka 16:8

“Mbe, omuniibhi uyo, hanú yaamanya amangʼana gayo, akamugungya omwimiririri uyo, kwa obhungʼeeni bhwaye bhunú yaakora. “Mbakeererye ekirengyo kiyo, kwa okubha, abhantu bhanú bharanyankira ekyaro kinu, bhaana obhungʼeeni bhukongʼu hanú bharabheerana na abharikyabho, okukira abhantu bhanú bharagwata amangʼana ga Waryubha.

1 Abhakorinto 1:28

Kweki Waryubha yaagasora amangʼana ganú abhantu bhararora ega, gatakusuukwa na ganú garajeerwa, na ganú bhararora ega, gataana obhwera, naho asarye amangʼana ganú abhantu bhararora ega, gaana obhwera.

1 Abhakorinto 12:8

Omutima aramuhaana omuntu oumwi okugamba amangʼana ga egintungwa, na oundi okugamba amangʼana ga obhumanyi. Omutima uyouyo ngʼo araruusya ebhibharo bhiyo kya ego areenda.

1 Abhakorinto 14:20

Abhahiiri bhaani kuimani, muteeganirirya kya abhaana, nawe mubhenga mureeganirirya kya abhantu abhakuru. Nawe, eguru ya obhubhiibhi, mubhe kya abhaana abharera.

1 Abhakorinto 2:1

Bhoono, abhahiiri bhaani kuimani, hanú oni naaja kubheenyu, ntaaja okubharaarikira ekinyerera kya Waryubha, kwa okugamba bhujomu, kasi, kwa egintungwa.

1 Abhakorinto 2:13

Kweki tutakugamba amangʼana ganú tweehigiribhwa na egintungwa gya abhantu, nawe, amangʼana ganú tweehigiribhwa na Omutima wa Waryubha. Turoonjoora amangʼana ga Omutima wa Waryubha kubhanú bhaana Omutima uyo.

1 Abhakorinto 2:8

Atariho kora oumwi kubhatungi bha ekyaro kinu, unú yaaringa amanyiri egintungwa giyo, kwa okubha bhakaabheeri bhagimanyiri, bhatakaamubhambiri kumusarabha Omukuru wa okutogoonibhwa.

1 Abhakorinto 3:1

Abhahiiri bhaani kuimani, hanú naaringa kubheenyu, ntaaringa ndagamba na bheenyu kya abhantu bhanú bharoorokereribhwa na Omutima Omurabhu. Nawe, naaringa ndagamba na bheenyu kya abhantu bhanú bharoorokereribhwa na amangʼana ga ekyaro, kweki kya abhaana abharera kukumwikirirya Kiristu.

2 Abhakorinto 1:12

Mbe, ekisigo kinú kirakora tureegungya niiga, ameetegeerero geetu garatwimiririra ega, eginteemo gyetu ni-njomu mukyaro hanu, ekinene n-kubhugwatani bhwetu na bheenyu. Twikeeri kwa omutima omujomu na obhuheene bhunú bhurarwa ku Waryubha. Tutaakora ego, kwa egintungwa gyetu abheenego, nawe, eriruguto rya Waryubha, ndyo ryakora tukakora gayo.

2 Abhakorinto 13:11

Bhoono, abhahiiri bhaani kuimani, turimaahana! Mubhe mukuneeni kunteemo yeenyu, muhorisanʼye, mubhe na obhumwi, mubhe na omurembe. Na Waryubha wa obhuhanje na omurembe aribha hamwi na bheenyu.

2 Abhakorinto 4:3

Nawe, nyoore Amangʼana Amajomu ganú turaraarika, garibhiirwe gatamanyikana, garabha garibhiirwe kubhanú bharabhura.

2 Abhakorinto 4:4

Abhantu bhayo bhatakumwikirirya Yeesu, kwa okubha Erisambwa, rinú riratunga ekyaro kinu, rikundikiirye obhungʼeeni bhwabho. Kiyo nkyo kirakora bhatamwe okurora endingaasi ya Amangʼana Amajomu ga obhukuru bhwa Kiristu. Kiristu ngʼo ekirengekanʼyo kya Waryubha.

Abhaefeso 2:2

Eribhaga riyo, mwaringa murakora amangʼana amabhiibhi ga mukyaro kinu. Na mwaringa murariigwa Erisambwa, omukama wa ebhihwi bhya obhuturo bhwa orwire, unú bhoono arakora emirimu kubhanú bhatakumwigwa Waryubha.

Abhakorosai 1:28

Kiristu ngʼo turaraarika amangʼana eguru yaaye, enu turakemera na okwihigirya kira omuntu kwa egintungwa gyonsego. Turamuraarika weeki, naho tubhareete abhantu bhonsego embere ya Waryubha, bhabhe bhanagiri okurekana na okugwatana kwabho na Kiristu.

Abhakorosai 4:12

Epafura, omuntu wa oweenyu eyo, omugaya wa Kiristu Yeesu, arabhakeeranʼya. Arakora ekituunyo okubhasabhira bheenyu eginsiku gyonsego, ega, munage na mubhe mwimiri, na mubhe abhateremu kugonsego ganú Waryubha areenda.

Abhaebhurania 5:14

Nawe, ebhyakurya ebhikongʼu m-bya abhantu abhakuru, bheeki bheehigira okoonjoora amajomu na amabhiibhi.

Abhaebhurania 6:1

Kwa ego, tutatama kuganú tweehigira eguru ya Kiristu kubhwambiro, nawe, tukore ekituunyo okugendererya okwihigira, naho tubhe abheehigira bhanú bhanagiri kuimani. Tutaamba bhuhya okwihigira eguru ya okwihunjura amakorwa ganú garareeta oruku, na okwihigira eguru ya okumwikirirya Waryubha.

Yakobho 3:15

Egintungwa kya giyo, gitakurwa eguru ku Waryubha, nawe, n-gya mukyaro hanu, n-gya abhantu, girarwa ku Risambwa.

Yakobho 3:2

M-maheene, abhantu bhonsego turakora obhusarya kwa amangʼana amaaru. Na nyoore ariho omuntu unú atakuhabha kubhugambi bhwaye, omuntu uyo akuneeni, na aratura okwiribhira omubhiri gwaye gonsego.

1 Petero 5:10

Waryubha arabhahaana eriruguto ryonsego! Yaabhabhirikira bheenyu, naho mugwatane nawe mubhukuru bhwaye bhwa koko, hamwi na Kiristu. Muranyanka kwa eribhaga ekego, nawe weeki omwene aribhakora munage, aribhahaana eginguru, na okubhakora mwime.