1 Abhakorinto 2:1 - Eriragano Erihya

¹ Bhoono, abhahiiri bhaani kuimani, hanú oni naaja kubheenyu, ntaaja okubharaarikira ekinyerera kya Waryubha, kwa okugamba bhujomu, kasi, kwa egintungwa.

1 Abhakorinto 2:1 ပူးပေါင်းရင်းမြစ်များ

Amakorwa ga Abhatumwa 20:21

Naaringa ndabhakeerya Abhayahudi hamwi na Abhayunani ega, bhamwihunjurire Waryubha okurwa mubhusarya bhwabho na bhamwikirirye Omukuru weetu Yeesu Kiristu.

Amakorwa ga Abhatumwa 22:18

Mubhurori bhuyo, naarora Omukuru Yeesu arankeerya ega, ‘Kora bhwangu, orwe mumugi gwa Yerusaremu munu, kwa okubha abhantu bha mumugi munu bhateekirirye amangʼana ganú oraabhenga oragamba eguru yaani.’

Abharuumi 16:18

Abhantu bhayo, bhatakumukorera emirimu Kiristu, Omukuru weetu, nawe, kinú bhareenda, nu-kwigutya orunamba rwabho orubhiibhi. Bharagamba amangʼana amasambaaruku ga okwikangatirirya, naho bhangʼeene abheekirirya bhanú bhatakwisigira obhubhiibhi bhobhonse.

Abharuumi 16:25

Bhoono, tumugungye Waryubha! Weeki aratura okubhakora mubhenga muranaga kuimani yeenyu, okuhitira ku Mangʼana Amajomu eguru ya Yeesu Kiristu ganú naaringa ndaraarika kubheenyu. Amangʼana gayo, akare gaaringa ekinyerera kya Waryubha kinú kyaringa kiibhisiri.

1 Abhakorinto 1:17

Kiristu ataantuma oni okubhatiija abhantu. Yaantuma okuraarika Amangʼana Amajomu, bira okwisigira obhungʼeeni bhwani bhwa okuhaira bhujomu, naho oruku rwa Kiristu kumusarabha rutabhura eginguru.

1 Abhakorinto 1:6

Gayo garoorokya ega, amangʼana eguru ya Kiristu ganú twabharaarikira n-ga maheene.

1 Abhakorinto 2:13

Kweki tutakugamba amangʼana ganú tweehigiribhwa na egintungwa gya abhantu, nawe, amangʼana ganú tweehigiribhwa na Omutima wa Waryubha. Turoonjoora amangʼana ga Omutima wa Waryubha kubhanú bhaana Omutima uyo.

1 Abhakorinto 2:4

Eribhaga naaringa ndeehigirya na okuraarika, ntaagambanga amangʼana kwa egintungwa gyani, naho mbangʼeenererye bheenyu munyikirirye. Tiigo-ha! Nawe, eginguru gya Omutima Omurabhu ngyo gyoorokereryanga obhuheene.

1 Abhakorinto 2:7

Egintungwa ginú turaraarika n-kinyerera kya Waryubha, kinú kyaringa kiibhisiri kubhantu. Eribhaga Waryubha yaaringa atarabhumba ekyaro, yaamura okutumira egintungwa giyo, naho okutukorera amajomu.

2 Abhakorinto 10:10

Ndagamba ego, kwa okubha abhandi bharagamba ega, “Eginyarubha gya Pauro giina amangʼana amahaari, kweki giina amangʼana amakongʼu. Nawe, hanú aringi hamwi na bheetu arabha ataana eginguru, kweki amangʼana gaaye garabha gataana ensonga.”

2 Abhakorinto 11:6

Onyoora ndamaahikana ega, ntakugamba bhujomu, nawe, niina obhumanyi. Eringʼana riyo turyorokerye harabhu kubheenyu, kira ahasi eribhaga ryonsego.

2 Abhatesaronike 1:10

Obhujibhu bhuyo, bhuribha orusiku runú Omukuru ariija okugungibhwa na okusuukwa, na abhantu bhanú bhaamwikirirya. Bheenyu bhonse muribha gati ya bhayo, kwa okubha mwikiriirye amangʼana ganú twabhareetera.

1 Timoteo 1:11

Ameehigiryo gayo, garingi mu Mangʼana Amajomu, ganú garoorokya obhukuru bhwa Waryubha, wa eginonkwe gyonsego. Amangʼana gayo, ngo naagwatibhwa na Waryubha ndaarike.

2 Timoteo 1:8

Bhoono, otarora eginsoni okugamba amangʼana eguru ya Omukuru weetu, kasi okurora eginsoni kwa okubha ndingi mukibhohe kurusumo rwaye. Nawe, wikongʼererye enyanko hamwi na oni, kurusumo rwa okuraarika Amangʼana Amajomu eguru yaaye, okuringʼaana na eginguru ginú orahaanwa na Waryubha.

1 Yoana 4:14

Na bheetu turuuji na tureemiririra ega, Taata Waryubha yaatuma Omwana waaye abhe Omutuurya wa ekyaro.

Obhukundukuri 1:2

Oni nkeemiririra amangʼana gonsego ganú naarora. Amangʼana gayo, m-buheene bhunú bhwatubhurwa na Yeesu Kiristu. Obhuheene bhuyo, mbo eringʼana rya Waryubha.

Obhukundukuri 1:9

Oni Yoana omuhiiri weenyu kuimani, ndagwatana na bheenyu kukunyanka na okwigumirirya kurusumo rwa Yeesu na obhukama bhwaye. Naajibhibhwa kwa okutuurwa kwiginga rinú rirabhirikirwa ega, Patimo, kwa okubha naaringa ndaraarika eringʼana rya Waryubha na okuruusya obhwimiririri eguru ya Yeesu.

Obhukundukuri 19:10

Nho, nkagwa bhwibhumbike mumaguru ga maraika uyo, naho mmusyengere. Nawe, akankeerya ega, “Tiga! Oni nonse m-mukori wa emirimu omurikyaho, hamwi na abhahiiri bhaaho bhanú bharamwimiririra Yeesu. Omusyengere Waryubha omwenego, kwa okubha obhwimiririri eguru ya Yeesu, mbo obhwambiro bhwa obhurooti.”