1 Abhakorinto 13:4 - Eriragano Erihya

⁴ Obhuhanje bhuramukora omuntu abhe omwigumirirya, abhe omuserenʼya, abhe ataana orwango, abhe ataana ekisiraani na abhe atakwiheema.

1 Abhakorinto 13:4 ပူးပေါင်းရင်းမြစ်များ

Mataayo 27:18

Pirato yaabhabhuurya ego, kwa okubha yaaringa amanyiri ega, abhakangati bha Ekiyahudi bhaamuhira Yeesu kuweeki kurusumo rwa orwango rwabho.

Amakorwa ga Abhatumwa 7:9

“Bhajaaji weetu bhayo, bhakamukorera orwango Yusufu omuhiiri waabho, bhakamugurya abhe omugaya mukyaro kya Misiri. Nawe, Waryubha yaaringa hamwi nawe.

Abharuumi 1:29

M-bakori bha obhusarya bhwa amanga gonsego, amabhiibhi amanga gonsego, kweki bhaana orunamba rwa ebhintu bhyonsego na bhaana orwango. Bhareenda eritoongʼana, obhwiti na obhugwatanʼya. M-babheehi, m-bantu bha ameetegeerero amabhiibhi na m-bagambi bha abhantu,

Abharuumi 13:13

Tubhe na eginteemo eginjomu kya abhantu bhanú bhareekara mundingaasi ya orusiku oruhya. Tutabha abhantu bhanú bharakora eginyangi gya okunywa amarwa na abhareebhi. Tutakora eginteemo gyogyonse gya obhusimbe, kora amangʼana ga eginsoni. Tutabha abhatindi kora abha orwango.

1 Abhakorinto 3:3

kwa okubha mukyoorokereribhwa na amangʼana ga ekyaro. Neegwiri ega, gati yeenyu muuna orwango na eritoongʼana. Bhoono, gayo gatakoorokya ega, mukyoorokereribhwa na amangʼana ga ekyaro na mukyeekara kya abhantu bha ekyaro?

1 Abhakorinto 4:18

Bhoono, abhandi gati yeenyu, bhareeheema, kwa okubha bhareeganirirya ega, ntakyaaja kweki kubheenyu eyo.

1 Abhakorinto 4:6

Abhahiiri bhaani kuimani, ngambiri amangʼana gayo gonsego, eguru yaani na Apooro, naho tubhe ekirengekanʼyo kurusumo rwenyu. Okurekana na ekirengekanʼyo kiyo, mugwate ganú garagambwa mungamba inu, “Mutatuuma ganú gaangʼoorwa mu Mangʼoore Amarabhu.” Kwa okukora ego, ataabhe-ho omuntu wowonse unú areeheemere omuntu oumwi na okumujeera oundi.

1 Abhakorinto 5:2

Nawe, bheenyu mureeheema! Kora mutakusurumbara, na okumwahura omuntu unú arakora ego, arwe gati yeenyu.

1 Abhakorinto 8:1

Bhoono ndagamba eguru ya ebhyakurya bhinú bhimwenseerwe ebhisusano. Tumanyiri ega, “Bheetu bhonsego tuuna obhumanyi,” kya ego bheenyu muragamba. Nawe, obhumanyi bhurakora abhantu bheeheeme. Na obhuhanje bhurakora abhantu bhanage kuimani.

2 Abhakorinto 12:20

Ndoobhoha ega, eribhaga rinú ndiija kubheenyu, ndibhanyoora muuna eginteemo ginú gitakunjomera. Riyo ririkora nkore ganú gatakubhajomera bheenyu. Ndoobhoha ega, ndatura okubhanyoora muuna eritoongʼana, orwango, enkoro, eginhaka, obhugambani, obhubheehi, ameeheemo na eriihe.

2 Abhakorinto 6:6

Kweki turoorokya ega, bheetu m-bakori bha emirimu bha Waryubha kwa omutima omujomu, kwa obhumanyi, kwa obhwigumirirya, kwa obhuserenʼya, kwa enjira ya okoorokereribhwa na Omutima Omurabhu, kwa obhuhanje bhunú bhutaana orwambe,

Abhagaratia 5:26

Tuteegungya bhusa, tutatindirana kora okumaahirana orungʼeera.

Abhaefeso 4:2

Mubhenga mureesuuhya, mubhe abhanyoohu, mwigumiriryenga, na mugegeranenga kwa obhuhanje.

Abhaefeso 4:32

Mubhenga abhaserenʼya, abha ekyabhira, na mwabhiranenga kya ego Waryubha yaabhaabhira bheenyu kwa enjira ya Kiristu.

Abhafiripi 1:15

M-buheene ega, bhariho abhandi bhanú bhararaarika amangʼana eguru ya Kiristu kwa orwango na kwa obhutindi. Nawe, abhandi bharagaraarika kwa omutima omujomu.

Abhakorosai 1:11

Turasabha ega, Waryubha agendererye okubhabheera kwa eginguru gyaye ginú gitaana obhuteero, naho muture okwigumirirya kugonsego bira okurosa. Bhoono, kwa obhujomerwa,

Abhakorosai 2:18

Mutamwitegeerera omuntu wowonse unú areeyorokya ega, areesuuhya kwa kibhara na okusyengera bhamaraika. Omuntu kya uyo, atabharuusya omutuho gwenyu gwa koko. Weeki areeheemera obhurori bhwaye. Nawe maheene, akangiheeri kwa ameetegeerero gaaye amabhiibhi ga mukyaro.

Abhakorosai 3:12

Bhoono, kwa okubha bheenyu m-basorwa bha Waryubha, abharabhu bha omitima bhanú abhahanjiri, mubhe na omutima gwa ekyabhira, kweki mubhe abhaheene, abheesuuhya, abhanyoohu na abheegumirirya.

1 Abhatesaronike 5:14

Abhahiiri bheetu kuimani, turabhakomererya, mubhenga murakemera abharosu na okubhateremya bhanú bharakwa emitima. Kweki mubhenga murabhateremya bhanú bhatarakongʼa kuimani na okubheegumirirya abhantu bhonsego.

1 Timoteo 6:4

uyo, areeheema bhukongʼu, enu atamanyiri ekintu. Weeki m-muntu wa okuhanja eginhaka, na okutoongʼana eguru ya amangʼana ageenego. Na gayo, gareebhukya orwango, eritoongʼana, amatuki, obhuhaamirirya,

2 Timoteo 2:25

Areenderwa abhe aratongera abhantu kwa obhunyoohu bhanú bharahakaananʼya nawe, naho hamwi Waryubha abhahunjure bhamanye obhuheene.

2 Timoteo 3:10

Nawe, uuwe ogwatiri ameehigiryo gaani, egintungwa gyani, obhwendi bhwani, eimani yaani, obhwigumirirya bhwani,

2 Timoteo 4:2

Bhoono, obhenga oraraarika eringʼana rya Waryubha. Wiseemye okukora ego, kwibhaga rinú rireenderwa na rinú ritakwenderwa. Obhenga orakaanʼya, orakemera, orateremya abhantu. Okore ego, enu oreehigirya kwa obhwangarariri bhukongʼu.

Tiito 3:3

Akare hayo, bheetu abheene bhonse, eribhaga twaringa tutaramwikirirya Yeesu, twaringa abhakangi, abhajeemi, kweki twaringa tungʼeenerwe. Twaringa abhagaya bha orunamba orubhiibhi rwa amanga amaaru ga ekyaro. Okwikara kwetu kwaringa kwa okukora amabhiibhi na orwango. Abhantu bhaaringa bharatubhihirirwa, na bheetu twaringa turabhabhihirirwa.

Yakobho 4:5

Mbe, muteeganirirya ega, engʼoorerwe bhusa mu Mangʼoore Amarabhu, hanú garagamba ega, Omutima unú Waryubha yaatuura munsi weetu, aratwigomba bhukongʼu okuhikira okurora orwango.

1 Petero 2:1

Mbe, mutige obhubhiibhi bhonsego, obhungʼeenererya bhwa amanga gonsego, orwambe na orwango, kora mutakorerana amasoro kora amake.

1 Petero 3:8

Kubhuteero ndabhakeerya bhonsego ega, mugwatane, mubhe na ameetegeerero gamwi, muhanjane kihiiri, mwabhirane, na mubhe abheesuuhya.

1 Petero 4:8

Okutiga gayo gonsego, muhanjane bhukongʼu, kwa okubha obhuhanje bhurabhisa obhusarya obhwaru.

2 Petero 1:7

Hamwi na okumwigwa Waryubha, muhanjanenga bheenyu abheene kwa abheene, na hanú murahanjana abheene kwa abheene, muhanjenga na abhantu abhandi bhonsego.

1 Yoana 4:11

Abhahanje bhaani, kwa okubha Waryubha yaatuhanja ego, mbe, bheetu bhonse tureenderwa tuhanjane.