1 Abhakorinto 13:3 - Eriragano Erihya

³ Kweki nkaaruusya ebhintu bhyani bhyonsego okubhahaana abhatobhu, na kora nkaaruusya omubhiri gwani, naho gusambwe mumururo, nawe nyoore ntaana obhuhanje, ntakunyoora obhwera bhobhonse.

1 Abhakorinto 13:3 ပူးပေါင်းရင်းမြစ်များ

Mataayo 23:5

Kweki, bharakora amakorwa gaabho gonsego, naho bheeyorokye kubhantu. Bhareebhoha mubhusu na kumabhoko gaabho, ebhibhaara bhya amaseero bhinú bhingʼoorerwe-ko amaragiriryo ga Waryubha, na oranyoora bharabhigarihya bhibhe ebhinene okukira ebhya abhandi. Kweki oranyoora bharoongerya amapindo ga emyenda gyabho gya esaara gabhe amatambi okukira aga abhandi.

Ruuka 18:22

Yeesu hanú yeegwa ego, akamukeerya ega, “Okyasuuhirwa na eringʼana rimwi ego. Genda ogurye ebhintu bhyaho bhyonsego. Egimbirya ginú oraanyoore, ogabhire abhatobhu. Nyoore oraakore ego, orabha wituuriiri ekibhumbiko murwire. Hanú orimara, uuje unsoorane.”

Ruuka 18:28

Kimwi Petero akamukyukya ega, “Maaha! Bheetu twatiga ebhintu bhyetu bhyonsego, tukakusoorana!”

Ruuka 19:8

Nawe, Jakaayo akeemirira, akamukeerya Omukuru Yeesu ega, “Omukuru, itegeerera! Bhoono, etuugati rya ebhintu bhyani, ndabhagabhira abhatobhu. Na nyoore naaruusya omuntu wowonse ekintu kwa okumwihonera, ndamuhunjukirya mara kane ya kinú naamuruusya.”

Yoana 12:43

Abhatungi bhayo, bhaaringa bhahanjiri bhukongʼu okusuukwa na abhantu, okukira okusuukwa na Waryubha.

Yoana 13:37

Petero akamubhuurya ega, “Ee Omukuru, kwa ekisigo-ki ntakutura okukuseeta bhoonwego? Oni ndikwa kurusumo rwaho!”

Yoana 15:13

Atariho omuntu unú yaana obhuhanje okukira bhunu, obhwa omuntu okuruusya obhuhoru bhwaye kurusumo rwa abhasaani bhaaye.

Yoana 6:63

Omutima wa Waryubha ngʼo arabhahaana abhantu obhuhoru. Omuntu atakutura okukora kyokyonse kwa eginguru gyaye omwene. Amangʼana ganú mbakeererye n-ga Omutima wa Waryubha, na garareeta obhuhoru bhwa koko.

Amakorwa ga Abhatumwa 21:13

Nawe, Pauro akatukyukya ega, “Ndasabha mutige okunkuurira na okunyita omutima. Oni niseemerye okubhohwa kora okukwira Yerusaremu hayo, kurusumo rwa Omukuru Yeesu.”

Abhagaratia 5:26

Tuteegungya bhusa, tutatindirana kora okumaahirana orungʼeera.

Abhafiripi 2:3

Mutakora eringʼana ryoryonse kwa omutima gwa orwango kora kwa ameeheemo. Nawe, mwisuuhye na mubhare abhandi okubha abha obhwera bhukongʼu okukira bheenyu abheene.

1 Timoteo 4:8

Emanyikeeni ega, “Ekituunyo kya okunyoora eginguru gya omubhiri, kiina obhwera obhukego, nawe, okwinarya okwikara kya ego Waryubha areenda kuuna obhwera bhonsego. Ensonga yaaye niiga, oranyoora uuna endago ya obhuhoru bhwa bhoonwego na bhunú bhuriija.”

Abhaebhurania 13:9

Mutangʼeenwa na ameehigiryo agandi amahya, ga amanga amaaru, kwa okubha eginguru gya emitima gyenyu girarwa kwiruguto rya Waryubha, etaringi mumaragiriryo eguru ya ebhyakurya. Amaragiriryo gayo, gatakubhabheera kyokyonse bhanú bharagagwata.