1 Abhakorinto 13:2 - Eriragano Erihya

² Kweki kora nkaabha ndaruusya obhurooti na okumanya gonsego ganú geebhisiri, na okubha na obhumanyi bhonsego, kora nkaabha na eimani enene ya okutura okungʼanʼya eginkuku, nawe nyoore ntaana obhuhanje, oni m-busa.

1 Abhakorinto 13:2 ပူးပေါင်းရင်းမြစ်များ

Mataayo 13:11

Wonse akabhakyukya ega, “Waryubha abhatubhuriiri bheenyu okumanya ekinyerera kya obhukama bhwa murwire, nawe bheeki, atabhatubhuriiri.

Mataayo 17:20

Wonse akabhakyukya ega, “N-kwa ekisigo kya eimani yeenyu okubha enke. Ndabhakeerya obhuheene ega, nyoore mukaabheeri na eimani enke kya akabhusuro ka eharadari, mukaakeererye enkuku inu ega, ‘Nuurwe hanu, ogye erya,’ yonse ekaarwiri-ho. Kora ritakaabheeri-ho eringʼana ryoryonse rinú ritakaaturikeeni kubheenyu. [

Mataayo 21:19

Nho, akarora embarika wa enjira omuti gunú gurabhirikirwa ega, omutini. Akasuntara haangʼi, akanyoora gutaana emisumo gyogyonse, nawe, gwaringa na amasya ageenego. Akagwihiima ega, “Uuwe otaryama emisumo kweki kora orusiku orumwi!” Hayohayo, gukooma.

Mataayo 21:21

Yeesu akabhakyukya ega, “Ndabhakeerya obhuheene ega, nyoore muramwikirirya Waryubha na mutaana enkubhi, na bheenyu murikora rinú rikorekeri kumuti guyo. Kweki mutarikora riyo eryenego, nawe kora mukaakeerya enkuku inu ega, ‘Ihika na wiyese munyanja,’ ryonse rirakoreka.

Amakorwa ga Abhatumwa 13:1

Mwikanisa rya mumugi gwa Antiokia bhaaringa-ho abharooti na abheehigirya. Abhantu bhayo m-banu, Bharinabha, Simeoni unú yaabhirikirwanga Nigeri, Rukio okurwa mumugi gwa Kirene, Manaeni unú yaaringa arererwe hamwi na omukama Herode Antipa, na oundi yaaringa Sauri.

Abharuumi 11:25

Abhahiiri bhaani kuimani, ndeenda mumanye eguru ya ekinyerera kya Waryubha kinú akare kyaringa kiibhisiri, naho mutariija okwirora muuna obhungʼeeni bhukongʼu. Mumanye ega, m-Baisiraeri nyabhurebhe mbo bhaaringa na emitima emikongʼu, nawe, n-kuhikira eribhaga rinú Waryubha ariikirirya endengo yonsego ya abhantu bhanú bhataringi Abhaisiraeri okunyoora obhutuurya.

Abharuumi 15:14

Abhahiiri bhaani kuimani, oni omwene niina obhuheene ega, bheenyu m-bantu abhaheene bhukongʼu, na mumanyiri bhujomu kya ego mureenderwa okukora, kweki muuna obhuturo bhwa okwihigiranʼya.

Abharuumi 16:25

Bhoono, tumugungye Waryubha! Weeki aratura okubhakora mubhenga muranaga kuimani yeenyu, okuhitira ku Mangʼana Amajomu eguru ya Yeesu Kiristu ganú naaringa ndaraarika kubheenyu. Amangʼana gayo, akare gaaringa ekinyerera kya Waryubha kinú kyaringa kiibhisiri.

1 Abhakorinto 11:4

Kwa ego, omusaaja wowonse omwikirirya unú arakundikirya omutwe hanú arasabha, kasi hanú araruusya obhurooti, uyo arasuukya omutwe gwaye, omutwe guyo n-Kiristu.

1 Abhakorinto 12:28

Waryubha yaatuura abhantu mwikanisa okurekana na ebhibharo bhyabho. Yaatuura-mo abhatumwa, abharooti, na abheehigirya. Kweki akatuura abhakori bha ebhika, abha ekibharo kya okuhwenʼya abharweri, abha ekibharo kya okubheerana, abha ekibharo kya obhutungi, na abha ekibharo kya okugamba ebhigambo ebhindi.

1 Abhakorinto 13:1

Kora nkaagamba kwa ebhigambo bhya abhantu na ebhigambo bhya bhamaraika, nawe nyoore ntaana obhuhanje, ndabha kya ekituri kya eridebhe rinú ritaana ekintu na kya ekituri kya enkengere inú eratemwa bhusa.

1 Abhakorinto 13:3

Kweki nkaaruusya ebhintu bhyani bhyonsego okubhahaana abhatobhu, na kora nkaaruusya omubhiri gwani, naho gusambwe mumururo, nawe nyoore ntaana obhuhanje, ntakunyoora obhwera bhobhonse.

1 Abhakorinto 13:8

Obhuhanje bhutaana obhuteero kora hake. Nawe ebhibharo bhya okuruusya obhurooti, okugamba ebhigambo ebhindi, na okubha na obhumanyi, bhyeki bhiina obhuteero.

1 Abhakorinto 14:29

Na bhanú bhararuusya obhurooti bhonse, bharuusye abhabhiri kasi abhasatu, na abhandi bheekomye amangʼana gayo.

1 Abhakorinto 14:39

Ego, abhahiiri bhaani kuimani, mwikongʼereryenga okuruusya obhurooti, kora mutabha muramuribhira omuntu okugamba kwa ekigambo ekindi.

1 Abhakorinto 14:4

Unú aragamba ekigambo ekindi, areenagya omwene kuimani, nawe, unú araruusya obhurooti arakora abheekirirya abhandi bhanage kuimani.

1 Abhakorinto 15:51

Mwitegeerere, ndabhakeerya ekinyerera, ega, bheetu tutarikwa bhonsego, nawe bhonsego turihunjurwa.

1 Abhakorinto 16:22

Omuntu wowonse unú atamuhanjiri Omukuru, yeehiimwe. Omukuru weetu uuje!

1 Abhakorinto 4:1

Kwa ego, abhantu bhatubhare ega, bheetu m-bakori bha emirimu bha Kiristu, tuheerwe emirimu gya okuraarika amangʼana ga Waryubha ganú gaaringa geebhisiri.

1 Abhakorinto 7:19

Okusaarwa kutaana obhwera na okwanga okusaarwa kutaana obhwera. Kinú kiina obhwera n-kugwata amaragiriryo ga Waryubha.

1 Abhakorinto 8:4

Bhoono, eguru ya okurya ebhyakurya bhinú bhimwenseerwe ebhisusano, tumanyiri ega, ebhisusano bhinú bhirasyengerwa, bhitaringi ekintu mukyaro munu. Kweki tumanyiri ega, ariho Waryubha oumwi omwenego.

2 Abhakorinto 12:11

Ngambiri kya omukangi, kwa okubha bheenyu mbo mukoreri ngambe ego. Bheenyu mwaringa mureenderwa okungungya. Onyoora ndamaahikana ega, ntakwenderwa, oni ntaringi omutumwa omuke okukira bhanú muragamba ega, mbo abhatumwa abhakuru.

Abhagaratia 5:16

Mbe, kinú ndabhakeerya niiga, enteemo yeenyu ebhe eroorokereribhwa na Omutima Omurabhu. Mukaakora ego, mutarigwata orunamba orubhiibhi rwa omubhiri.

Abhagaratia 5:22

Nawe, emisumo gya Omutima Omurabhu, m-buhanje, obhujomerwa, omurembe, obhwigumirirya, obhuserenʼya, obhusambaaruku na eimani,

Abhagaratia 6:3

Mbe, omuntu wowonse unú areerora ega, yaana obhwera okukira abharikyaye, enu ataana obhwera bhobhonse, uyo areengʼeena omwene!

Abhaefeso 3:4

Hanú muraasomenga amangʼana gayo naangʼoora, muraature okumanya, kya ego mmanyiri ekinyerera kya Waryubha eguru ya Kiristu.

Abhaefeso 6:19

Munsabhirenga na oni, ega, Waryubha yangʼaanenga amangʼana ga okugamba, kira hanú ndahaira, naho ndaarikenga bira obhoobha obhuheene bhunú Waryubha yaatutubhurira mu Mangʼana Amajomu.

Abhakorosai 1:26

Eringʼana riyo, ndyo ekinyerera kyaye kinú kyaringa kiibhisiri okurwa akare kunyibhuro gyonsego. Nawe bhoono, Waryubha akitubhwiri kubhantu bhaaye.

1 Timoteo 3:16

Obhuheene bhunú Waryubha yaatutubhurira m-bwa okuruguurya, bhunú tureekirirya m-bunu ega, Kiristu yeeyorokya kwa enjira ya omubhiri, akoorokibhwa na Omutima Omurabhu ega, m-muheene, bhamaraika bhakamurora, amangʼana eguru yaaye, gakaraarikwa kubhantu bha ebhyaro bhyonsego, akeekiriribhwa na abhantu bha ebhyaro bhyonsego, na akasakwa okugya eguru mubhukuru.

1 Yoana 4:8

Nawe, omuntu unú atakuhanja abharikyaye, atamumanyiri Waryubha, kwa okubha Waryubha m-buhanje.