1 Abhakorinto 11:3 - Eriragano Erihya

³ Nawe, bhoono ndeenda mumanye ega, omutwe gwa omusaaja wowonse omwikirirya n-Kiristu, omutwe gwa omukari m-musaaja waaye na omutwe gwa Kiristu ngʼ-Waryubha.

1 Abhakorinto 11:3 ပူးပေါင်းရင်းမြစ်များ

Mataayo 28:18

Mbe, Yeesu akabhaaja-ko akabhakeerya ega, “Waryubha yangʼeeri obhutungi bhonsego, murwire na mukyaro.

Yoana 14:28

Mwigwiri ganú ndabhakeerya ega, ‘Ndagya, nawe, ndiija kweki kubheenyu.’ Nyoore heene munhanjiri, mukaabheeri murajomerwa okwigwa ega, ndagya ku Taata, kwa okubha Taata m-mukuru okunkira oni.

1 Abhakorinto 3:23

Nawe, bheenyu, m-ba Kiristu, na Kiristu ngʼ-wa Waryubha.

Abhaefeso 4:15

Nawe, hanú turaagambiranenga obhuheene kwa omutima gwa obhuhanje, turanaga kumangʼana gonsego, kora turingʼaane na Kiristu. Weeki ngʼo omutwe gwa abheekirirya.

Abhakorosai 1:18

Weeki ngʼo omutwe gwa omubhiri, ensonga yaaye niiga, ngʼo omukangati wa erikanisa. Weeki ngʼo obhwambiro bhwa erikanisa, kwa okubha yaabha owa mbere okuhyukibhwa okurwa mubhaku, naho abhe omukuru eguru ya ebhintu bhyonsego.

Abhakorosai 2:10

Na bheenyu muheerwe obhuhoru bhunú bhukuneeni kwa okugwatana kwenyu na Kiristu. Weeki ngʼo omutwe eguru ya abhakuru na abhatungi bhonsego bha orwire rwa eginkoro.

Abhakorosai 2:19

Kweki omuntu kya uyo, yeeyahwiri okurwa ku Kiristu unú aroorokererya erikanisa kya ego omutwe guroorokererya omubhiri. Kiristu ngʼo arariisya na okugwatanʼya hamwi omubhiri gwaye gonsego kwa emiki gyago. Kwa ego, omubhiri gwaye gonsego, gurakiina bhwaheene kya ego Waryubha areenda.

Abhakorosai 3:18

Bheenyu abhakari, musuukenga abhasaaja bheenyu, kya ego ereenderwa ku Mukuru Yeesu.

1 Petero 3:1

Egoego, bheenyu abhakari, musuukenga abhasaaja bheenyu, naho nyoore bhariho abhasaaja bhobhonse bhanú bhatakwikirirya amangʼana ga Waryubha, bhature okwikirirya okuhitira kuginteemo gyenyu eginjomu. Ego, bharitura okumwikirirya Waryubha bira okukeeribhwa eringʼana.