1 Abhakorinto 10:4 - Eriragano Erihya

⁴ Kweki bhonsego bhaanywa amanji garyagarya Waryubha yaabhahaana kwa enjira ya ekika, okurwa kwitare. Eritare riyo ryaringa n-Kiristu. Weeki yaaringa arasoorana nabho hamwi.

1 Abhakorinto 10:4 ပူးပေါင်းရင်းမြစ်များ

Yoana 4:10

Yeesu akamukyukya ega, “Nyoore okaamanyiri omutuho gwa Waryubha, na ega, niwi arakusabha amanji, okaamusabhiri, na wonse akaaturiri okukuhaana amanji ga obhuhoru.”

Yoana 4:14

Nawe, omuntu unú arinywa amanji ganú oni ndimuhaana, atariigwa enyonta koko. Amanji ganú ndimuhaana, garibha muna ekisekaani kya amanji munsi waaye, na garibha gararuusya obhuhoru bhwa koko.”

Yoana 7:37

Orusiku rwa okumariisirya enyangi ya Ebhihuuna, rwaringa orusiku orunene. Mbe, Yeesu akeemirira murubhanja rwa erisyengerero erikuru, akagamba kwa eriisi erinene ega, “Omuntu akeegwa enyonta, yaaje kuoni, anywe amanji!

Abhagaratia 4:25

Hajiri areemiririra enkuku ya Sinai mukyaro kya Arabhia, kweki areemiririra omugi gwa Yerusaremu ya bhoonwego, kwa okubha abhaana bhaaye bharingi mubhugaya bhwa amaragiriryo ganú bhaahaanwa munkuku ya Sinai.

Abhakorosai 2:17

Amangʼana gayo gonsego n-kiiriiri kya amangʼana ganú gariija. Nawe, obhuheene bhuringi ku Kiristu omwenego.

Abhaebhurania 10:1

Mbe, amaragiriryo ga Musa n-kirengyo kya amangʼana amajomu ganú gariija, nawe, gataringi amangʼana gayo ageene. Kiyo nkyo kirakora ebhimwenso bhinú abhantu bhararuusya kira omwaka, okurekana na amaragiriryo gayo, bhitakutura okuraama abhantu bhanú bharamusyengera Waryubha kora orusiku orumwi.

Obhukundukuri 22:17

Omutima wa Waryubha na omwenga wa Omwana wa Eringʼondi bharamubhirikira Omukuru Yeesu ega, “Nuuje!” Na abhantu bhonsego bhanú bhariigwa amangʼana ga ekitabho kiyo bhagambe ega, “Nuuje!” Wowonse unú yaana enyonta, na unú areenda amanji, yaaje anywe bhusa amanji ga obhuhoru bhwa koko.