1 Abhakorinto 1:9 - Eriragano Erihya

⁹ Waryubha arikora gayo kwa okubha m-muheene, weeki yaabhabhirikira bheenyu, mubhe na obhumwi na Omwana waaye Yeesu Kiristu, Omukuru weetu.

1 Abhakorinto 1:9 ပူးပေါင်းရင်းမြစ်များ

Mataayo 24:35

Ekyaro na orwire bhirihita, nawe, amangʼana gaani gariguma koko!

Yoana 17:21

Ndasabha ega, bhayo bhabhe ekintu kimwi. Taata, ndasabha bhabhe munsi weetu, kya ego uuwe oringi munsi waani, na oni ndingi munsi yaaho. Ndasabha ega, bhabhe ekintu kimwi, naho abhantu bha ekyaro bheekirirye ega, nuuwe waantuma.

Abharuumi 11:17

Bhoono, gati ya amasagi gaageejwa, na amasagi agandi ga omujeituni gwa mwisisi gaahambirirwa ahasi ha amasagi ganú gaageejwa. Amasagi gonsego garanyoora ebhyakurya okurwa kumiri giryagirya gya omujeituni. Bheenyu, mbo amasagi ga emijeituni gya mwisisi ganú gaahambwa gatigati ya amasagi ga mbere.

Abharuumi 8:28

Tumanyiri ega, Waryubha arakora amangʼana gonsego okureeta amajomu, kubhantu bhonsego bhanú bhamuhanjiri, bhanú bhaabhirikirwa okurekana na obhwendi bhwaye.

Abharuumi 8:30

Mbe, bhayo yaaringa abhasoreri okurwa ekyaro kitarabhumbwa, mbo yaabhirikira akabhabhara okubha abhaheene embere yaaye, na mbo yaamura ega, aribhahaana obhukuru.

Abharuumi 9:24

Gati ya abhantu bhanú yaabhirikira, na bheetu turimo. Ataabhirikira Abhayahudi abheenego, nawe, abhirikiiri kora bhanú bhataringi Abhayahudi.

1 Abhakorinto 1:30

Waryubha omwene ngʼo yaabhagwatanʼya bheenyu na Kiristu Yeesu. Weeki yaamukora Kiristu abhe egintungwa gyetu. Ensonga yaaye niiga, kwa enjira ya Yeesu tubheeri abhaheene embere ya Waryubha, tubheeri abhantu bhaaye, kweki tutunguriibhwe.

1 Abhakorinto 10:13

Amasakyo ganú gabhanyooreri, n-kya ganú abhantu abhandi bharanyoora. Nawe, Waryubha m-muheene, weeki ataabhatige musakibhwe okukira eginguru gyenyu. Hanú bheenyu murasakibhwa, Waryubha arabhahaana eginguru gya okwigumirirya na enjira ya okuhurukira.

1 Abhakorinto 10:16

Bhoono, hanú turamukumya Waryubha kurusumo rwa ekikombe kya enonkwe kirya turanywera, kwibhaga rya ebhyakurya bhya Omukuru, tutakubha tusangiri amanyinga ga Kiristu? Na hanú turasuunura omukaate, tutakubha tusangiri omubhiri gwa Kiristu?

2 Abhakorinto 1:18

Nawe bhoono, kya ego Waryubha aringi omuheene, amangʼana ganú twabhakeerya bheenyu, gataaringa ga omuntu, ega, agambe, “Yee,” amare kweki agambe, “Tiigo-ha.”

Abhagaratia 1:15

Nawe, Waryubha kwa eriruguto ryaye, yaaringa yansoreri nkyari munda ya maayi, akambirikira mmukorere emirimu gyaye, akaamura

Abhagaratia 2:20

Obhuhoru bhwani bhwa akare, bhwakwa hamwi na Kiristu hanú yaabhambwa kumusarabha. Bhoono ndingi omuhoru, nawe, etaringi kya ego naaringa akare, kwa okubha n-Kiristu areekara munsi waani. Obhuhoru bhunú niinabho bhoonwego, ndeekara kwa okumwikirirya Omwana wa Waryubha. Weeki yaanhanja na yaaruusya obhuhoru bhwaye, kurusumo rwani, naho yantuurye.

Abhaefeso 3:6

Ekinyerera kya Waryubha kinu, niiga, abhantu bha ebhyaro ebhindi, hamwi na Abhayahudi bhonsego bhanú bhareekirirya Amangʼana Amajomu, bhonsego bharagabha kiringʼaanʼya, amajomu ganú Waryubha yaaseemerya abhantu bhaaye. Bhonsego bhabheeri kya omubhiri gumwi, na bharaabhenga bharasanga hamwi, eriruguto rinú Waryubha yaaraga okuhitira ku Kiristu Yeesu.

Abhakorosai 1:24

Bhoono, ndajomererwa enyanko inú ndanyoora kurusumo rwenyu. Kwa enjira ya okunyanka kumubhiri gwani, ndasanga enyanko ya Kiristu inú eragendererya kurusumo rwa omubhiri gwaye. Omubhiri guyo, ngo erikanisa.

1 Abhatesaronike 2:12

ega, mubhenga mureekara kya ego Waryubha ahanjiri. Waryubha ngʼo arabhabhirikira, naho mubhe insi ya obhukama bhwaye na okusanga obhukuru bhwaye.

2 Abhatesaronike 2:14

Waryubha yaabhabhirikira, naho mutuuribhwe kwa enjira ya Amangʼana Amajomu ganú twabharaarikira. Yaabhabhirikira, naho munyoore obhukuru bhwa Omukuru weetu Yeesu Kiristu.

2 Abhatesaronike 3:3

Nawe, Omukuru m-muheene, weeki aribhanagya bheenyu na okubhaangararira kumusarya urya Erisambwa.

2 Timoteo 1:9

Weeki yaatutuurya, akatubhirikira tubhe abhaana bhaaye. Ataakora ego, kwa ekisigo kya amakorwa geetu amajomu, nawe, kwa ekisigo kya obhwendi bhwaye na eriruguto ryaye. Weeki yaatuhaana eriruguto riyo kurusumo rwa Kiristu Yeesu, kora ekyaro kitarabhumbwa.

2 Timoteo 2:13

Nyoore bheetu tutakubha abhaheene, nawe weeki aragendererya okubha omuheene, kwa okubha atakutura okwiyanga omwene.”

Tiito 1:2

na bhurabhahaana obhwisige bhwa obhuhoru bhwa koko. Waryubha yaabharaga obhuhoru bhuyo, kora ekyaro kitarabhumbwa, na weeki atakugamba obhubheehi.

Abhaebhurania 10:23

Twikongʼererye bhukongʼu okugagwata ganú tureekirirya na okugeesigira, kwa okubha Waryubha m-muheene, arakora kya ego oranyoora aragiri.

Abhaebhurania 11:11

Eimani yaakora Saara akanyoora obhuturo bhwa okugega enda, na okwibhura omwana, onyoora yaaringa agoteri, kwa okubha yaaringa areekirirya ega, Waryubha arakunaanʼya egindago gyaye.

Abhaebhurania 2:17

Kiyo nkyo kyakora akabha kya abhahiiri bhaaye kumangʼana gonsego, naho abhe Omusyengeri Omukuru unú yaana ekyabhira na m-muheene kumirimu gyaye, embere ya Waryubha. Kwa enjira iyo yaatura okwiruusya ekimwenso, naho Waryubha yaabhire abhantu obhusarya bhwabho.

Abhaebhurania 3:1

Kwa ego, bheenyu abhahiiri bhaani kuimani, bhanú Waryubha abhasoreri okubha abhantu bhaaye, mwiganirirye eguru ya Yeesu unú aringi Omutumwa wa Waryubha, kweki m-Musyengeri Omukuru unú turamwikirirya.

Abhaebhurania 3:14

Tukore ego, kwa okubha turagwatana hamwi na Kiristu, nyoore turamwisigira okuhikira obhuteero, kya ego twaringa turamwisigira kubhwambiro.

Abhaebhurania 6:18

Mbe, Waryubha yaakora ebhintu ebhibhiri bhinu, okuteena na okuraga. Ebhintu bhiyo, Waryubha ataribhikyukya kora orusiku rumwi, kwa okubha weeki ataringi omubheehi. Yaakora ebhintu bhibhiri bhiyo, naho atuteremye emitima bheetu bhanú tungʼoseeri kumwene, tugwatirire obhwisige bhwa amangʼana ganú garaaja embere yeetu.

1 Petero 5:10

Waryubha arabhahaana eriruguto ryonsego! Yaabhabhirikira bheenyu, naho mugwatane nawe mubhukuru bhwaye bhwa koko, hamwi na Kiristu. Muranyanka kwa eribhaga ekego, nawe weeki omwene aribhakora munage, aribhahaana eginguru, na okubhakora mwime.

1 Yoana 1:3

Kinú twamaaha na okwigwa, nkyo turabharaarikira, naho bheenyu bhonse, muture okugwatana na bheetu kubhumwi hamwi na Taata Waryubha na Omwana waaye Yeesu Kiristu.

1 Yoana 1:7

Nawe, nyoore tureekara mundingaasi, kya ego Waryubha aringi mundingaasi, nho turabha na obhumwi, bheetu abheene kwa abheene. Kweki amanyinga ga Omwana waaye Yeesu, garaturaama obhusarya bhwetu bhonsego.

1 Yoana 4:13

Bheetu tumanyiri ega, tuuna obhumwi na Waryubha, na Waryubha wonse, yaana obhumwi na bheetu, kwa okubha atuheeri Omutima waaye Omurabhu.

Obhukundukuri 19:11

Kimwi nkarora orwire rusiikukiri. Nkarora efaraasi endabhu na unú yeekeeri eguru yaayo. Uyo yaabhirikirwanga “Omuheene” na “Owa heene.” Wonse arabhutura ekiina na okurwana eriihe kwa obhuheene.