1 Abhakorinto 1:8 - Eriragano Erihya

⁸ Waryubha aribhakora munage okuhikira kubhuteero, naho mutariija okubha na amasoro, orusiku runú Omukuru weetu Yeesu Kiristu ariija okubhuturira ekiina abhantu.

1 Abhakorinto 1:8 ပူးပေါင်းရင်းမြစ်များ

1 Abhatesaronike 3:13

Kweki abhateremye, naho mubhe abharabhu bha omutima, mutaana amasoro embere ya Waryubha Taata weetu, eribhaga rinú Omukuru weetu Yeesu ariija, hamwi na abharabhu bha omutima bhaaye bhonsego.

Abhakorosai 1:22

Kwa enjira ya omubhiri gwa Kiristu, kwa okukwa kwaye, yaabhagwatanʼya naho abhareete embere yaaye mubheeri abharabhu bha omutima, mutaana akakorikori kora amasoro.

Abhafiripi 1:6

Niina obhuheene ega, Waryubha unú yaamba emirimu emijomu mumitima gyenyu, arigigendererya okuhikira gikunaane kurusiku runú Kiristu Yeesu arihunjuka.

2 Abhatesaronike 3:3

Nawe, Omukuru m-muheene, weeki aribhanagya bheenyu na okubhaangararira kumusarya urya Erisambwa.

Abhaefeso 5:27

Yeendanga yeenyoorere erikanisa erirabhu, rinú ritaana akakorikori kora amasoro gogonse.

Abharuumi 16:25

Bhoono, tumugungye Waryubha! Weeki aratura okubhakora mubhenga muranaga kuimani yeenyu, okuhitira ku Mangʼana Amajomu eguru ya Yeesu Kiristu ganú naaringa ndaraarika kubheenyu. Amangʼana gayo, akare gaaringa ekinyerera kya Waryubha kinú kyaringa kiibhisiri.

1 Petero 5:10

Waryubha arabhahaana eriruguto ryonsego! Yaabhabhirikira bheenyu, naho mugwatane nawe mubhukuru bhwaye bhwa koko, hamwi na Kiristu. Muranyanka kwa eribhaga ekego, nawe weeki omwene aribhakora munage, aribhahaana eginguru, na okubhakora mwime.

Abhafiripi 1:10

naho muture okusora amajomu kwa egintungwa. Hayo nho muribha abha emitima gya heene, kweki muribha mutaana amasoro okuhikira orusiku runú Kiristu arihunjuka.

2 Petero 3:14

Kwa ego, abhahanje bhaani, eribhaga muraganyirira amangʼana gayo, mukorenga ekituunyo, mutabha na obhusarya kora amasoro hanú muriija embere ya Waryubha, na mubhenga na omurembe hamwi nawe.

Abharuumi 14:4

Uuwe otaana obhutungi bhobhonse bhwa okubhuturira ekiina omugaya wa omuntu oundi. Omukuru waaye ngʼo amanyiri, nyoore omugaya waaye areegumirirya kuimani, kasi atakwigumirirya kuimani. Wonse areegumirirya kwa okubha Omukuru Yeesu, aratura okumukora yeegumirirye.

2 Petero 3:10

Nawe, orusiku rwa Omukuru ruriija kya omwibhi. Orusiku ruyo, orwire rurirwa-ho kwa omukindo omunene, na ebhintu bhyonsego bhinú bhirimo bhirisambwa kwa omururo, ekyaro kyonse kirisikibhwa hamwi na ebhintu bhyonsego bhinú bhirimo.

2 Abhakorinto 1:21

Mbe, Waryubha ngʼo aratukora bheetu hamwi na bheenyu, turanaga kukugwatana kwetu na Kiristu. Atusoreri

2 Abhakorinto 1:14

onyoora bhoonwego mutumanyiri hakego. Nawe, orusiku runú Omukuru weetu Yeesu arihunjuka, murimanya bhujomu ega, bheetu mbo ekisigo kya okwigungya kwenyu, kya ego bheenyu muringi ekisigo kya okwigungya kwetu.

1 Abhakorinto 5:5

Hayo mumugwatye omuntu uyo mubhutungi bhwa Erisambwa, naho enteemo yaaye ya obhusarya esikibhwe, nawe, weeki omwene atuuribhwe orusiku rwa okuhunjuka kwa Omukuru Yeesu.

Ruuka 17:24

Mumanye ega, Omwana wa Adamu hanú arihunjuka, ariija kya ego orukubha ruramesya, rumwigo na okungʼarabha egimbaara gyonsego gya orwire.

Ruuka 17:30

“Ego niigo eribha, orusiku runú Omwana wa Adamu arihunjuka mukyaro hanu, Waryubha arimukundukura.

Abharuumi 8:19

Ebhibhumbwa bhyonsego bhinú bhyabhumbwa, bhiraganyirira kwa enamba enene eribhaga rinú Waryubha aryorokya, kya ego bharingi abhaana bhaaye.

1 Abhakorinto 3:13

Kira omuntu, emirimu gyaye girimaahikana ega, giringi egaki. Orusiku rurya rwa okubhutura ekiina, emirimu gyonsego giribha kubhurabhu, kwa okubha emirimu gya omuntu wowonse, girirengwa kwa omururo gwa okubhuturira ekiina.

2 Abhakorinto 1:13

Tutakubhangʼoorera amangʼana amakongʼu, nawe ganú muratura okusoma na okugamanya bhujomu. Ndeesiga ega, muritumanya bhujomu,

Abhakorosai 2:7

Mugendererye okunaga, na okukiina kubhumwi bhwenyu na Kiristu. Mugume kuimani kya ego mweehigiribhwa. Kweki mubhenga muramukumya Waryubha bhukongʼu.

1 Abhatesaronike 5:2

kwa okubha bheenyu abheene mumanyiri ega, orusiku rwa okuuja kwa Omukuru, ruriija kya ego omwibhi araaja obhutiku.

2 Abhatesaronike 2:2

mutige okubha na enkubhi bhwangu na okoobhoha ega, orusiku rwa okuuja kwa Omukuru rwahikiri. Hamwi mureegwa ego, okurekana na obhurooti nyabhurebhe, kasi obhuraariki, kasi enyarubha inú ereeganiriribhwa ega, erwiri kubheetu.

2 Timoteo 1:12

Oni ndanyanka kwa ekisigo kya gayo. Nawe, ntakurora eginsoni, kwa okubha mmumanyiri unú neekirirya, na okwikirirya ega, Amangʼana Amajomu ga obhuheene bhunú yaangʼaana, aragaangararira bhujomu, okuhikira orusiku rwa okuhunjuka kwaye.

2 Timoteo 1:18

Uuwe omanyiri bhujomu, kya ego yaambeeranga amaaru, mumugi gwa Efeso eyo. Omukuru Yeesu amusabhire Onesiforo ekyabhira ku Mukuru Waryubha, orusiku rurya rwa okubhutura ekiina.