1 Abhakorinto 1:7 - Eriragano Erihya

⁷ Bhoono, mutakusuuhirwa kora ekibharo ekimwi kya Omutima Omurabhu, enu muraganyirira kwa enamba okuhunjuka kwa Omukuru weetu Yeesu Kiristu.

1 Abhakorinto 1:7 ပူးပေါင်းရင်းမြစ်များ

Mataayo 25:1

Nho, Yeesu akakeerya abheehigira bhaaye, ekirengyo ekindi ega, “Kwibhaga rinú Omwana wa Adamu arihunjuka, obhukama bhwa murwire bhurihunkana na abhahara ekumi, bhanú bhaagega egikorobhoi gyabho, bhakagya okumuturuungʼana omuteti.

Ruuka 12:36

Mubhe kya abhakori bha emirimu bhanú bharaganyirira omukuru waabho ahinde okurwa mubhwenga. Hanú araaje asiikurye, bhamusiikurire ekiseku bhwangu.

Ruuka 17:30

“Ego niigo eribha, orusiku runú Omwana wa Adamu arihunjuka mukyaro hanu, Waryubha arimukundukura.

Abharuumi 8:19

Ebhibhumbwa bhyonsego bhinú bhyabhumbwa, bhiraganyirira kwa enamba enene eribhaga rinú Waryubha aryorokya, kya ego bharingi abhaana bhaaye.

Abharuumi 8:23

Nawe, etaringi ega, ebhintu bhiyo mbyo ebhyenego bhiranyahaarika, nawe, kora bheetu bhanú tuuna Omutima Omurabhu, unú twahaanwa kya enonkwe ya mbere, turanyahaarika mumitima gyetu. Turanyahaarika, kwa okubha turaganyirira bhukongʼu eribhaga rinú Waryubha aritukunaanʼya okubha abhaana bhaaye. Hayo nho, turitunguribhwa bhonsego na okuhaanwa emibhiri emihya.

1 Abhakorinto 4:5

Mbe bhoono, mutabhuturira ekiina abhantu eribhaga ryabho ritarahika, muganye okuhikira orusiku runú Omukuru ariija. Weeki ngʼo aritubhura ebhintu bhyonsego bhinú bhibhisirwe mukisunte na okoorokya ganú garingi mumitima gya abhantu. Nho kira omuntu arinyoora eginkuma gyaye ginú areenderwa, okurwa ku Waryubha.

2 Abhakorinto 12:13

Ritariho eringʼana ryoryonse rinú naakora mumakanisa agandi, rinú ntarakora kubheenyu. Ririho eringʼana rimwi ego, rinú ntaakora kubheenyu, ntaabha omujigo kubheenyu. Ndeegwa muragamba ega, riyo ndyo obhubhiibhi bhwani! Bhoono, heene mureenda mbasabhe munyabhire?

Abhagaratia 5:5

Nawe, Omutima Omurabhu aratubheera bheetu okwisiga ega, Waryubha aritubhara okubha abhantu abhaheene, kwa okubha turamwikirirya Yeesu.

Abhafiripi 3:20

Nawe bheetu, m-bamenyi bha murwire, na turaganyirira kwa enamba enene, Omutuurya na Omukuru Yeesu Kiristu, yaaje okurwa eyo.

Abhakorosai 3:4

Obhuhoru bhwetu bhurarekana na Kiristu. Eribhaga rinú arimaahikana, nho na bheenyu murisanga hamwi nawe mubhukuru bhwaye.

1 Abhatesaronike 1:10

na okumuganya omwana waaye Yeesu okurwa murwire. Uyo ngʼo, Waryubha yaahyukya okurwa mubhaku, na ngʼo aratutuurya okurwa kunkoro ya Waryubha inú eraaja.

2 Abhatesaronike 1:7

na aribhamuunyia enyanko bheenyu hamwi na bheetu. Arikora gayo eribhaga rinú Omukuru Yeesu ariija, okurwa murwire na egindimi gya omururo, hamwi na bhamaraika bhaaye bha eginguru.

2 Timoteo 4:8

Bhoono, ndaganyirira okuhaanwa eritaaji, kwa okubha neekara kwa obhuheene embere ya Waryubha. Omukuru Yeesu Omubhuturi wa ekiina owa obhuheene, arintuha orusiku runú ariija. Ntaringi oni omwenego, na abhandi bhonsego bhanú bhareegomba, okuhunjuka kwaye.

Tiito 2:13

Tubhenga ego, eribhaga turaganyirira orusiku rwa enonkwe, rurya rwa okuhunjuka kwa Yeesu Kiristu. Orusiku ruyo, arimaahikana mubhukuru bhwaye. Weeki ngʼo Waryubha weetu omukuru, na ngʼo Omutuurya weetu.

Abhaebhurania 9:28

Egoego Kiristu yaaruusibhwa okubha ekimwenso rumwigo, naho agege obhusarya bhwa abhantu abhaaru. Kweki Kiristu ariija orwa kabhiri, kwibhaga riyo atariija okuruusya-ho obhusarya. Nawe, ariija okubhahaana obhutuurya abhantu bhanú bharamuganyirira kwa ekituunyo.

1 Petero 1:13

Kwa ego, mwiseemye na mwiyangararire. Mutuure obhwisige bhonsego kwiruguto rinú murihaanwa, hanú Yeesu Kiristu ariija na okwiyorokya kubhurabhu.

1 Petero 4:13

Nawe, mujomerwe ega, muranyanka, kya ego Kiristu yaanyanka, naho muriija okubha na obhujomerwa deke, eribhaga rinú obhukuru bhwaye bhuryorokibhwa harabhu.

1 Petero 5:4

Na Omwangarariri Omukuru wa erikanisa hanú aritubhuka, bheenyu murituhwa eritaaji rya obhukuru rinú ritakugunda.

2 Petero 3:12

enu muraganyirira orusiku rwa Waryubha ruyo, na okukomererya ega, ruuje bhwangu. Orusiku ruyo, ndo Waryubha arisamba orwire kwa omururo na okurusikya, na ebhintu bhinú bhirimo, bhirirungura chwe!

1 Yoana 3:2

Abhahanje bhaani, turamanya ega, bhoonwego bheetu m-baana bha Waryubha, nawe, etaramanyikana kya ego turibha. Nawe, tumanyiri ega, eribhaga rinú Kiristu arihunjuka, turituubhana nawe, kwa okubha turimurora kya ego aringi.

Yuda 1:21

Mwiyangararire okunaga kubhuhanje bhwa Waryubha, enu muraganyirira Omukuru weetu Yeesu Kiristu, abhamaahire ekyabhira naho okubhasohya mubhuhoru bhwa koko.