1 Abhakorinto 1:2 - Eriragano Erihya

² turabhangʼoorera bheenyu bhanú muringi mwikanisa rya Waryubha, erya mumugi gwa Korinto eyo. Waryubha abhasoreri okubha na obhumwi na Kiristu Yeesu na okubhabhirikira mubhe abhantu bhaaye. Turabhangʼoorera bheenyu hamwi na abhantu bhonsego bha mbaara gyonsego bhanú bharamusabha Yeesu Kiristu, Omukuru waabho na Omukuru weetu bhonse.

1 Abhakorinto 1:2 ပူးပေါင်းရင်းမြစ်များ

Amakorwa ga Abhatumwa 10:36

Weeki yaatuma amangʼana gaaye ku Bhaisiraeri arabharaarikira Amangʼana Amajomu ga omurembe kwa okuhitira ku Yeesu Kiristu. Yeesu uyo, ngʼo Omukuru wa abhantu bhonsego.

Amakorwa ga Abhatumwa 15:9

Waryubha ataatuura-ho ekisorooro gati yeetu na bheeki, kwa okubha bhonse yaabharaama emitima gyabho, kwa enjira ya okumwikirirya Yeesu.

Amakorwa ga Abhatumwa 18:1

Amangʼana gayo hanú gaahwa, Pauro akarwa Atene hayo, akagya mumugi gwa Korinto.

Amakorwa ga Abhatumwa 22:16

Bhoono okyaganya-ki? Imirira! Obhatiijwe, osabhe Waryubha, naho woogibhwe obhusarya bhwaho.’

Amakorwa ga Abhatumwa 26:18

naho obharibhure ameeso, bheehunjure okurwa mukisunte, bhasohe mundingaasi, bharwe mubhutungi bhwa Erisambwa, bhamwihunjurire Waryubha. Kwa okukora ego, nho bharyabhirwa obhusarya bhwabho, bharibha hamwi na abhandi bhonsego, bhanú bhaaraamwa kwa enjira ya okunyikirirya oni.’

Amakorwa ga Abhatumwa 9:13

Nawe, Anania akakyukya ega, “Omukuru, neegwiri okurwa kubhantu abhaaru, kya ego Sauri uyo, yaaringa aranyankya abheekirirya bhaaho, mumugi gwa Yerusaremu eyo!

Amakorwa ga Abhatumwa 9:14

Na bhoono yaajiri Damasikasi hanu, na obhutungi okurwa kubhasyengeri abhakuru, naho abhabhohe bhonsego bhanú bharasabhanga kuriina ryaye.”

Amakorwa ga Abhatumwa 9:21

Abhantu bhonsego bhanú bheegwa amangʼana ga Sauri, bhakaruguura bhukongʼu. Bhakabhuuranʼya ega, “Omuntu unu, ti-urya yeetanga abhantu bhanú bharasabhanga kuriina rya Yeesu, Yerusaremu erya? Na yaaja hanu, kwa ekisigo kiyo, naho abhabhohe na abhahire kubhasyengeri abhakuru!”

Abharuumi 1:7

Ndabhangʼoorera bheenyu abheekirirya bhonsego bhanú muringi Ruumi eyo. Waryubha abhahanjiri bhukongʼu, na abhabhirikiiri, naho mubhe abhantu bhaaye abharabhu bha omutima. Ndabheendera eriruguto na omurembe okurwa ku Taata Waryubha, na ku Mukuru Yeesu Kiristu, bhibhe hamwi na bheenyu.

Abharuumi 10:12

Amangʼana gayo, garoorokya ega, kitariho ekisorooro gati ya Abhayahudi na bhanú bhataringi Abhayahudi. Ariho Omukuru oumwi ego, kubhantu bhonsego. Weeki m-muserenʼya bhukongʼu, kubhantu bhonsego bhanú bharamusabha.

Abharuumi 3:22

Enjira iyo, nu-kumwikirirya Yeesu Kiristu. Abhantu bhonsego bhanú bharamwikirirya Yeesu Kiristu, Waryubha arabhabhara okubha abheene embere yaaye. Atakungʼahirya omuntu wowonse,

Abharuumi 8:28

Tumanyiri ega, Waryubha arakora amangʼana gonsego okureeta amajomu, kubhantu bhonsego bhanú bhamuhanjiri, bhanú bhaabhirikirwa okurekana na obhwendi bhwaye.

1 Abhakorinto 1:30

Waryubha omwene ngʼo yaabhagwatanʼya bheenyu na Kiristu Yeesu. Weeki yaamukora Kiristu abhe egintungwa gyetu. Ensonga yaaye niiga, kwa enjira ya Yeesu tubheeri abhaheene embere ya Waryubha, tubheeri abhantu bhaaye, kweki tutunguriibhwe.

1 Abhakorinto 10:32

Mutabhahabhya Abhayahudi, abhantu bhanú bhataringi Abhayahudi, na kora erikanisa rya Waryubha.

1 Abhakorinto 12:27

Mbe, bheenyu bhonsego m-mubhiri gwa Kiristu, na kira oumwi weenyu n-kiroobhero kumubhiri guyo.

1 Abhakorinto 8:6

Nawe, kubheetu, ariho Waryubha umwi omwenego, ngʼo Taata, ngʼo yaabhumba ebhintu bhyonsego. Bheetu tureekara kurusumo rwaye. Kweki ariho Omukuru umwi ego, ngʼo Yeesu Kiristu, na ebhintu bhyonsego bhyabhumbwa okuhitira kuweeki, kweki turingi abhahoru okurekana na weeki.

2 Abhakorinto 1:1

Enyarubha inu, erwiri kuoni Pauro, unú Waryubha yaambirikira kwa obhwendi bhwaye, naho mbe omutumwa wa Kiristu Yeesu. Oni na omuhiiri weetu kuimani Timoteo, turabhangʼoorera bheenyu bhanú muringi mwikanisa rya Waryubha, erya mumugi gwa Korinto eyo. Turabhangʼoorera bheenyu hamwi na abhantu bhonsego bha Waryubha bhanú bharingi mukyaro kya Akaya.

2 Abhakorinto 4:5

Bheetu tutakuraarika amangʼana eguru yeetu abheene, nawe, turaraarika ega, Kiristu Yeesu ngʼo Omukuru, na kweki turaraarika ega, bheetu turingi abhagaya bheenyu kwa enjira ya okumukorera emirimu Yeesu.

Abhagaratia 1:2

Oni na abhahiiri bheetu kuimani bhonsego bhanú bharingi hamwi na oni, turabhakeeranʼya bheenyu bhanú muringi mumakanisa ga Waryubha mukyaro kya Garatia.

Abhaefeso 5:26

Yaakora ego, naho araame erikanisa kwa eringʼana rya Waryubha, na okurirabhya kwa amanji ga obhubhatiijo.

1 Abhatesaronike 1:1

Enyarubha inu erwiri kubheetu Pauro, Siriwano na Timoteo. Turabhangʼoorera bheenyu bhanú muringi mwikanisa rya mumugi gwa Tesaronike, bheenyu omuganda gwa abhantu bhanú mwamwikirirya Taata Waryubha na Omukuru Yeesu Kiristu. Turabheendera eriruguto na omurembe, bhibhe hamwi na bheenyu.

1 Abhatesaronike 4:7

Waryubha ataatubhirikira okukora obhusimbe, nawe, yaatubhirikira twikare mubhurabhu.

2 Abhatesaronike 1:1

Enyarubha inu erwiri kubheetu Pauro, Siriwano na Timoteo. Turabhangʼoorera bheenyu bhanú muringi mwikanisa rya mumugi gwa Tesaronike, bheenyu omuganda gwa abhantu bhanú mwamwikirirya Taata Waryubha na Omukuru Yeesu Kiristu.

1 Timoteo 2:8

Mbe, kira ahasi hanú mureekumanʼya okusabha, ndeenda abhasaaja hanú bharasabha bheenure amabhoko eguru. Bhakore ego, kwa ameetegeerero amajomu, bhasabhe bira enkoro kasi eginhaka.

1 Timoteo 3:15

Ndatura okutigita, kwa ego, onyoore omanyiri ganú gareenderwa kubhantu bha Waryubha omuhoru, kwa okubha abhantu bhaaye mbo erikanisa ryaye. Riyo ndyo riragumya obhuheene kwa okubha ndyo entimu na obhurusa bhwaye.

2 Timoteo 1:9

Weeki yaatutuurya, akatubhirikira tubhe abhaana bhaaye. Ataakora ego, kwa ekisigo kya amakorwa geetu amajomu, nawe, kwa ekisigo kya obhwendi bhwaye na eriruguto ryaye. Weeki yaatuhaana eriruguto riyo kurusumo rwa Kiristu Yeesu, kora ekyaro kitarabhumbwa.

2 Timoteo 2:19

Nawe, abhantu bhanú bheemiri, n-kya obhurusa bhunú bhwatuurwa na Waryubha. Na kubhurusa kuyo rungʼoorerwe-ko orubhaaso runu, “Omukuru Waryubha amanyiri abhaana bhaaye,” kweki, “Omuntu wowonse unú areebhirikira ega, weeki ngʼ-wa Omukuru Waryubha, atige obhusarya.”

2 Timoteo 2:22

Otige orunamba rwa obhumura, ogwate obhuheene, eimani, obhuhanje na omurembe. Ogwate gayo, hamwi na bhonsego bhanú bharamusabha Omukuru kwa omutima omujomu.

Abhaebhurania 10:10

Mbe, kwa okubha Yeesu Kiristu yaaringa aragwata obhwendi bhwa Waryubha, Waryubha araturaama obhusarya bhwetu, kwa enjira ya Yeesu okwiruusya rumwigo okubha ekimwenso.

Abhaebhurania 13:12

Nkyo kyakora Yeesu wonse yaanyankibhwa na okwitwa kibhara wa omugi gwa Yerusaremu, naho abharaame abhantu obhusarya bhwabho kwa enjira ya amanyinga gaaye.

Abhaebhurania 2:11

Yeesu na abhantu bhanú araraama obhusarya bhwabho, Esewaabho ngʼ-umwi. Kiyo nkyo kirakora Yeesu atakurora eginsoni okubhabhirikira ega, abhahiiri bhaaye.

Yuda 1:1

Enyarubha inu, erwiri kuoni Yuda, omugaya wa Yeesu Kiristu na omumura waabho Yakobho. Ndabhangʼoorera bheenyu bhanú mwabhirikirwa na Taata Waryubha, bheenyu bhanú mureekara mubhuhanje bhwaye, na okwangararirwa bhwaheene na Yeesu Kiristu.

Obhukundukuri 19:16

Kunkanju yaaye ahasi ha kukiimo, haaringa hangʼoorerwe eriina rinu, Omukama wa abhakama bhonsego na Omukuru wa abhakuru bhonsego.