1 Abhakorinto 1:1 - Eriragano Erihya

¹ Enyarubha inu, erwiri kuoni Pauro, unú Waryubha yaambirikira kwa obhwendi bhwaye, naho mbe omutumwa wa Kiristu Yeesu. Oni na omuhiiri weetu kuimani Sositene,

1 Abhakorinto 1:1 ပူးပေါင်းရင်းမြစ်များ

Ruuka 6:13

Na hanú bhwakya, akabhirikira abheehigira bhaaye. Gati yaabho akasora-mo ekumi na bhabhiri, akabhatoga abhatumwa. Abhatumwa bhayo, m-banu,

Yoana 15:16

Etaringi ega, bheenyu mbo mwansora oni, nawe, nooni naabhasora bheenyu. Naabhasora, naho mwibhure emisumo ginú gitakuhwa. Mukaakora ego, gonsego ganú murasabha kwa eriina ryani, Taata arabhahaana.

Yoana 20:21

Yeesu akabhakeeranʼya kweki ega, “Omurembe gubhe na bheenyu. Kya ego Taata Waryubha yaantuma oni, egoego na oni ndabhatuma bheenyu mukyaro hanu.”

Amakorwa ga Abhatumwa 1:15

Kuginsiku giyo, abheekirirya bha Yeesu bhanú bhaaringa bheekumeenʼye muyo, bhaaringa muna egana rimwi na mirongo ebhiri (120). Mbe, Petero akeemirira gati yaabho akagamba ega,

Amakorwa ga Abhatumwa 1:2

okuhikira orusiku runú yeenurwa okugya murwire. Hanú yaaringa akyari okwinurwa, yaabharagirirya abhatumwa bhaaye, bhanú yaaringa asoreri. Yaabharagirirya kwa enjira ya Omutima Omurabhu, eguru ya emirimu ginú bharikora.

Amakorwa ga Abhatumwa 18:17

Nho bhonsego, bhakamugwata Sositene. Sositene uyo, ngʼo yaaringa omukuru wa erisinagogi, bhakamutemera hayohayo embere ya abhatungi bha omugi. Nawe, gayo bhaakora, Gario yaagajeera.

Amakorwa ga Abhatumwa 22:21

Wonse akakyukya ega, ‘Genda, kwa okubha ndakutuma hare kubhantu bhanú bhataringi Abhayahudi.’”

Abharuumi 1:1

Enyarubha inu, erwiri kuoni Pauro, omugaya wa Kiristu Yeesu. Oni naabhirikirwa okubha omutumwa waaye, nkasorwa mbenga ndaraarika Amangʼana Amajomu ga Waryubha.

Abharuumi 1:10

Ndamusabha kira eribhaga ega, akaahanja, hamwi bhoono yangʼaane omweya gwa okuuja kubheenyu eyo.

Abharuumi 1:5

N-kuhitira kumwene, Waryubha yaangʼaana eriruguto rya okubha omutumwa waaye, naho abhantu bhonsego bhanú bhataringi Abhayahudi, bhature okumwikirirya na okumwigwa Omukuru Yeesu, na eriina ryaye rigungibhwe.

1 Abhakorinto 15:9

Oni m-mutumwa wa obhusuuku obhuke gati ya abhatumwa bhonsego, kora ntakwenderwa okubhirikirwa omutumwa, kwa okubha naanyankyanga erikanisa rya Waryubha.

1 Abhakorinto 3:9

Ndagamba ego, kwa okubha bheetu turakora emirimu gya Waryubha. Na bheenyu m-mugunda gwaye, na enyumba yaaye.

2 Abhakorinto 1:1

Enyarubha inu, erwiri kuoni Pauro, unú Waryubha yaambirikira kwa obhwendi bhwaye, naho mbe omutumwa wa Kiristu Yeesu. Oni na omuhiiri weetu kuimani Timoteo, turabhangʼoorera bheenyu bhanú muringi mwikanisa rya Waryubha, erya mumugi gwa Korinto eyo. Turabhangʼoorera bheenyu hamwi na abhantu bhonsego bha Waryubha bhanú bharingi mukyaro kya Akaya.

2 Abhakorinto 11:5

Oni ntakwirora ega, ndingi omutumwa omuke okukira bhanú muragamba ega, mbo abhatumwa abhakuru.

2 Abhakorinto 12:12

M-maheene ega, ganú garoorokya omuntu ega, oni m-mutumwa, gaakoreka kubheenyu. Naakora ebhimanyiiriryo, ebhiruguuryo na ebhika kwa obhwigumirirya obhunene.

2 Abhakorinto 8:5

Bhaakora ego, okukira kya ego twaringa turakanya ega, bharikora. Bheeruusya ku Mukuru mbere, bhakamara bhakeeruusya na kubheetu bhonse, okurekana na obhwendi bhwa Waryubha.

Abhagaratia 1:1

Enyarubha inu erwiri kuoni Pauro. Oni omutumwa, ntaatumwa na abhantu kasi okuragiriribhwa na omuntu wowonse, nawe, naatumwa na Yeesu Kiristu, na Taata Waryubha unú yaamuhyukya Yeesu okurwa mubhaku.

Abhaefeso 1:1

Enyarubha inu, erwiri kuoni Pauro. Oni naabhirikirwa kwa obhwendi bhwa Waryubha, okubha omutumwa wa Kiristu Yeesu. Ndabhangʼoorera bheenyu abhantu bha Waryubha bhanú mureekara mumugi gwa Efeso, bhanú muramwikirirya Kiristu Yeesu.

Abhaefeso 4:11

Weeki ngʼo yaasora abhantu abhandi okubha abhatumwa, abhandi abharooti, abhandi abharaariki, abhandi abhariisya na abheehigirya.

Abhakorosai 1:1

Enyarubha inu, erwiri kuoni Pauro. Oni naabhirikirwa kwa obhwendi bhwa Waryubha, okubha omutumwa wa Kiristu Yeesu, ndingi hamwi na Timoteo, omuhiiri weetu kuimani.

1 Timoteo 1:1

Enyarubha inu, erwiri kuoni Pauro, omutumwa wa Kiristu Yeesu, kwa eriragiriryo rya Waryubha Omutuurya weetu. Kiristu Yeesu ngʼo obhwisige bhwetu.

1 Timoteo 2:7

Na kwa ekisigo kiyo, oni naatuurwa okubha omuraariki na omutumwa waaye. Ndagamba obhuheene, ntakugamba obhubheehi! Kweki naakorwa okubha omwihigirya wa okuraarika amangʼana ga eimani na obhuheene kubhantu bhanú bhataringi Abhayahudi.

2 Timoteo 1:1

Enyarubha inu, erwiri kuoni Pauro. Oni naatumwa kwa obhwendi bhwa Waryubha, okubha omutumwa wa Kiristu Yeesu, naho okuraarika amangʼana ga obhuhoru. Waryubha yaaturaga ega, obhuhoru bhuyo, bhuratuuka kwa okumwikirirya Kiristu Yeesu.