Yuudi 1:3 - New Testament

³ Mɛ-ɛgbaɣdɩnaa! Me-liu kɛwɛɛ kpem se mama-mɩ takayaɣ ɛzɩma mbʋ́ Ɛsɔ yabɩ ɖatɩŋa payɩ ɖa-ñʋʋ yɔ pʋ-tɔm taa. Peeɖe manawa se pɩkɛnɩ-m kɩcɛyʋʋ se mama-mɩ kanɛ nɛ pɩlabɩ-mɩ hʋnʋm nɛ ɩlʋ lidaʋ yɔɔ. Lidaʋ ŋ́gʋ́, kʋ-tɔm pɛkɛdɩ Ɛsɔ ñɩma mɩ kpaagbaa kɛdʋʋ.

Yuudi 1:3 ပူးပေါင်းရင်းမြစ်များ

Tʋma Labʋ 17:3

Ɛlɩzɩ-wɛ tɩ-tɔbʋʋ nɛ ɛtɩŋnɩ tɩ-yɔɔ nɛ eheyi-wɛ se Weyi Ɛsɔ Lɩzaa Yɔ, pɩɩwɛ ḿbʋ́ se ɛtɔɔ kʋñɔŋ siŋŋ nɛ ɛkɔɔ ɛsɩ nɛ efe nɛ ɛlɩɩnɩ sɩɖaa taa. Eheyi-wɛ se Yesu weyi ɛkɛdɩɣ-wɛ ɛ-tɔm yɔ, ɛnʋ lɛ Weyi Ɛsɔ Lɩzaa Yɔ.

Tʋma Labʋ 18:28

Mbʋ́ pʋyɔɔ yɔ, ekizini Yuda ñɩma tɔm nɛ abalɩtʋ ɛyáa tɩŋa ɛsɩndaa kaŋŋ nɛ ɛtɩŋnɩ Ɛsɔtɔm Takayaɣ taa tɔm yɔɔ nɛ ɛwɩlɩ-wɛ se Yesu lɛ Weyi Ɛsɔ Lɩzaa Yɔ.

Tʋma Labʋ 20:27

Mbʋ́ pʋyɔɔ yɔ, meheyi-mɩ mbʋ́ Ɛsɔ ɖʋwa se ɛkɔŋ labʋ yɔ pɩtɩŋa payɩ, mɛntɛmɛsɩ-mɩ natʋyʋ.

Tʋma Labʋ 28:28

Pɔɔlɩ tasɩ-wɛ heyuu se pʋwɛɛ se patɩlɩ se mbá pɛtɛkɛ Yuda ñɩma yɔ, ḿbá Ɛsɔ tiyini ñʋʋ yabʋ tɔm tʋnɛ. Paba kɔŋnɩ-tʋ welesuu!

Tʋma Labʋ 4:12

Ñʋʋ yaɖʋ nɔɔyʋ fɛyɩ nɛ pɩtasɩnɩ-ɩ. Mbʋ́ pʋyɔɔ yɔ, Ɛsɔ talɩzɩ nɔɔyʋ kedeŋa yɔɔ cɩnɛ se pɩtɩŋnɩ ɛ́lɛ́ yɔɔ nɛ pɩpɩzɩ pɩya ɖa-ñʋʋ.»

Tʋma Labʋ 6:7

Ɛsɔtɔm tɛzaɣ cɔʋ paa le nɛ Yesu wayɩ tɩŋɩyaa ñɛtɛzɩɣ ɖɔʋ Yeruusalɛm nɛ halɩ pɩkpɛndɩnɩ cɔjɔnaa sakɩyɛ nɛ pɛwɛnɩ ɖɔɖɔ lidaʋ Yesu yɔɔ.

Tʋma Labʋ 9:13

Anaanɩyaasɩ cosi-i se: «Kɩpaɣlʋ! Ɛyáa sakɩyɛ heyi-m abalʋ ɛnʋ ɛ-tɔm nɛ pɛkɛdɩ-m ɛzaɣ́tʋ ndʋ́ ɛlabɩ ña-ñɩma mbá pɛwɛ Yeruusalɛm yɔ.

Tʋma Labʋ 9:22

Paa ḿbʋ́ yɔ, Sɔɔlɩ tɛzaɣ kpaʋ ɖoŋ ɛ-tɔm susuu taa: ɛwɩlaɣ Yuda ñɩma mbá paawɛ Damaasɩ yɔ se Yesu lɛ Weyi Ɛsɔ Lɩzaa Yɔ nɛ paba ɛɛtasɩɣ naʋ ndʋ́ paacosi-i yɔ.

1 Kɔrɛntɩ 15:3

Tɔm ndʋ́ maanɩwa nɛ mentisi nɛ tɩkɩlɩ wazaɣ yɔ, ńdʋ́ meheyi-mɩ. Ńdʋ́ lɛ se: ɖa-kɩwɛɛkɩm yɔɔ Krɩstʋ sɩba. Ḿbʋ́ pama Ɛsɔtɔm Takayaɣ taa ɖooo lɔŋ.

Galaatɩ 2:5

Đɩtatɩɩhaʋ-wɛ waɖɛ paa ñɩɩɩ. Mbʋ́ pʋyɔɔ yɔ, ɖɩñɩnaɣ se Laŋhɛzɩyɛ Tɔm toovenim ɛwɛɛ mɩ-taa ḿbʋ́.

Galaatɩ 3:28

Tayʋʋ nabʋyʋ fɛyɩ Yuda ñɩma nɛ mbá pɛtɛkɛ Yuda ñɩma yɔ, yomaa nɛ mbá pɛtɛkɛ yomaa yɔ, nɛ halaa nɛ abalaa, pɛ-hɛkʋ taa. Mbʋ́ pʋyɔɔ yɔ, mɩtɩŋa payɩ ɩpɩsɩ kʋɖʋm, mɩ nɛ Krɩstʋ Yesu mɩ-kpɛndʋʋ taa.

Galaatɩ 6:11

Ɩcɔnɩ ɩna ɛzɩma mbʋ́ lɛɛlɛɛyɔ ma-maɣmaɣ mamanɩ me-nesi nɛ pɩpaɣlɩ camɩyɛ kpooluu kpooluu yɔ.

Efɛɛzɩ 1:1

Ma Pɔɔlɩ weyi pɩkɛdɩnɩ Ɛsɔ nɛ eyele se mɛnkɛ Krɩstʋ Yesu tiyiyu yɔ, mamaɣnɩ takayaɣ kanɛ. Ɛsɔ ñɩma mbá mɩ ɩwɛ Efɛɛzɩ nɛ ɩtɩŋɩɣ Krɩstʋ Yesu nʋmɔʋ yɔ mamaɣ-kɛ.

Filiipu 1:1

Ma Pɔɔlɩ, ma nɛ Timootee ɖɩkɛ Krɩstʋ Yesu tʋmlaɖaa. Ɖamaɣnɩ takayaɣ kanɛ. Đɩmaɣ-kɛ mbá mɩ ɩkɛ Ɛsɔ ñɩma mɩ nɛ Krɩstʋ Yesu mɩ-kpɛndʋʋ yɔɔ nɛ ɩwɛɛ Filiipu tɛtʋ taa yɔ mɩtɩŋa payɩ. Đɩmaɣ-kɛ mɩ nɛ mɩ-ŋgbɛyɛ taa ñɩma yɔɔ cɔnɩyaa nɛ mbá pɛkɛ tayɩyaa ɖɩ-taa yɔ.

Filiipu 1:27

Mbʋ́ pʋwɛɛ yɔ lɛ se: ɩɖɔ camɩyɛ ɛzɩ Krɩstʋ Laŋhɛzɩyɛ Tɔm pɔzʋʋ yɔ. Yee ḿbʋ́, paa mɔnkɔm se mana-mɩ yaa mɔntɔkɔɔ yɔ, manɩɩ se ɩɖɔkɩ mɩ-tɩ kpam ḿbʋ́ nɛ ɩwɛnɩ lɩmaɣza kʋɖʋmɛɛ nɛ laŋɩyɛ kʋɖʋmɖɩyɛ, tʋmɩyɛ nɖɩ́ ɩlakɩ se ɛyáa etisi Laŋhɛzɩyɛ Tɔm ńdʋ́ yɔ ɖɩ-taa.

Koloosi 1:2

ɖɩmaɣnɩ takayaɣ kanɛ taabalaa Ɛsɔ ñɩma mbá mɩ ɩwɛ Koloosi nɛ ɩtɩŋɩɣ Krɩstʋ nʋmɔʋ ɛzɩ pʋpɔzʋʋ mɩ nɛ ɩ mɩ-kpɛndʋʋ yɔɔ yɔ. Đɩsɛ-mɩ: ɖa-Caa Ɛsɔ ɛlabɩ-mɩ lootiye nɛ ɛhɛzɩ mɩ-laŋa!

1 Tesalooniki 2:2

Ɩtɛm naʋ ɖɔɖɔ se pʋcɔ ɖɩtalɩ mɩ-tɛ lɛ, ɖɩɩlaba kʋñɔŋ siŋŋ nɛ patʋʋ-ɖʋ Filiipu tɛtʋ taa. Đɔɖɔ lɛ, ɛyáa cɛyaɣ-ɖʋ siŋŋ mɩ-tɛ. Paa ḿbʋ́ yɔ, Ɛsɔ yeba nɛ ɖisusi-mɩ ɛ-Laŋhɛzɩyɛ Tɔm kaalɛyɩtʋ.

1 Timootee 1:18

Man-pɩɣa Timootee, manɖʋzʋʋ tɔm ndʋ́ mamaɣ takayaɣ kanɛ ka-taa yɔ ñe-nesi taa ɛzɩ paayɔɔdʋʋ tɔm ndʋ́ tɩlɩnɩ Ɛsɔ cɔlɔ yɔ ñɔ-yɔɔ yɔ. Pʋwɛɛ se ŋtɩŋnɩ tɩ-yɔɔ nɛ ŋlʋ lʋbɩyɛ nɖɩ́ ɖɩmʋnaa yɔ

1 Timootee 6:12

Lʋ lidaʋ taa lʋbɩyɛ kɩbanɖɛ. Ñaɣ pana nɛ ŋhiɣ wezuu maatɛŋ. Mbʋ́ pʋyɔɔ yɔ, kʋ-yɔɔ Ɛsɔ ya-ŋ nɛ ŋkaɖɩ aseɣɖe tɩnaa sakɩyɛ ɛsɩndaa kpayɩ se ŋwɛnɩ lidaʋ ɛ-yɔɔ.

2 Timootee 1:13

Yele nɛ toovenim tɔm ndʋ́ meheyi-ŋ yɔ, tɩkɛnɩ ña-nʋmɔʋ lidaʋ wɛnaʋ nɛ sɔɔlɩm mbá ŋwɛnɩ ña nɛ Krɩstʋ Yesu mɩ-kpɛndʋʋ taa yɔ pa-taa.

Tiiti 1:4

Tiiti weyi ña ŋkɛ man-pɩɣa mbʋ́ pʋyɔɔ yɔ ŋwɛnɩ lidaʋ ɛzɩ ma yɔ, ña mamaɣ takayaɣ kanɛ, mɛnsɛ-ŋ: Caa Ɛsɔ nɛ ɖa-ñʋʋ yaɖʋ Krɩstʋ Yesu palabɩ-ŋ lootiye nɛ pɛhɛzɩ ña-laŋɩyɛ.

Ebree 13:22

Taabalaa, meheyiɣ-mɩ se ɩɖɔkɩ mɩ-hɔ nɛ itisi sazʋʋ tɔm tʋnɛ. Mbʋ́ pʋyɔɔ yɔ, tɔm tobi yem mama-mɩ.

Ebree 6:9

Mɛ-ɛgbaɣdɩnaa! Paa ɖɩyɔɔdɩ ḿbʋ́ yɔ, ɖɩtaɣ-mɩ liu siŋŋ se ɩwɛ nʋmɔʋ kɩbaŋgʋ taa, ŋ́gʋ́ lɛ ñʋʋ yabʋ nʋmɔʋ.

1 Pɩyɛ 5:12

Silaasɩ kɛ taabalʋ weyi ɛlakɩ mbʋ́ ɛɖʋwa yɔ. Ɛnʋ sɩnɩnɩ-m nɛ mama-mɩ takayaɣ cikpelaɣ kanɛ se pɩlabɩ-mɩ hʋnʋm. Mama-mɩ-kɛ ɖɔɖɔ se mawɩlɩ-mɩ ɛzɩma mbʋ́ Ɛsɔ labɩ-mɩ lootiye yɔ. Ɩɖɔkɩ-ɖɩ nesi naalɛ kpam.

2 Pɩyɛ 1:1

Ma Siimɔɔ Pɩyɛ weyi ɛkɛ Yesu Krɩstʋ tʋmlaɖʋ nɛ e-tiyiyu yɔ, mamaɣnɩ takayaɣ kanɛ. Mamaɣ-kɛ mbá mɩ ɩwɛnɩ lidaʋ ɛ-yɔɔ ɖɔɖɔ ɛzɩ ɖa yɔ. Yesu Krɩstʋ weyi ɛkɛ ɖa-ñʋʋ yaɖʋ nɛ ɖɛ-Ɛsɔ yɔ, ɛtʋʋzaa yɔɔ eyebi se ɩwɛnɩ-kʋ. Lidaʋ ŋ́gʋ́, kɩkɛnɩ ɖatɩŋa payɩ pʋyʋ sɔsɔ.

2 Pɩyɛ 2:21

Mbʋ́ pʋyɔɔ yɔ, pɩɩkɩlɩ wee wee se pataatɩlɩ mbʋ́ pʋtʋʋzaa yɔ pʋ-nʋmɔʋ ɛzɩ paatɩlɩ-kʋ nɛ pʋwayɩ palɩɩ kɩ-taa nɛ paatasɩɣ ɖɔm paɣtʋ ndʋ́ Ɛsɔ ɖʋwa nɛ pɛkɛdɩ-wɛ yɔ tɩ-yɔɔ yɔ.

Yuudi 1:1

Ma lɛ Yuudi weyi ɛkɛ Yesu Krɩstʋ tʋmlaɖʋ nɛ Yakubu neu yɔ. Mamaɣnɩ takayaɣ kanɛ mbá mɩ Caa Ɛsɔ ya-mɩ yɔ. Mɩ ɛsɔɔlaa nɛ ɛsɩɩ-mɩ nɛ hɔɔlʋʋ se ɩkɛ Yesu Krɩstʋ ñɩma.

Yuudi 1:17

Mɛ-ɛgbaɣdɩnaa! Mɩ lɛ, ɩtɔzɩ tɔm ndʋ́ ɖa-Kɩpaɣlʋ Yesu Krɩstʋ tiyiyaa keheyi-mɩ se tɩkɔŋ labʋ yɔ tɩ-yɔɔ. Paaheyi-mɩ se: «Kɛtɛzaɣ alɩwaatʋ taa lɛ, nabɛyɛ wɛɣ nɛ powoŋuu-mɩ. Ḿbá ɛɛñaŋnɩ Ɛsɔ, palakɩ kɩdɛkɛdɩm mbʋ́ pa-maɣmaɣ pe-liu wɛɛ yɔ.»

Yuudi 1:20

Mɛ-ɛgbaɣdɩnaa! Mɩ lɛ, ɩñaɣ pana nɛ ɩtɛzɩ pɩʋ lidaʋ kɩbaŋgʋ ŋgʋ́ Ɛsɔ yeba se ɩwɛnɩ ɛ-yɔɔ yɔ kɩ-taa. Ɩsɛɛ Ɛsɔ nɛ e-Fezuu Kiɖeɖeu ɖoŋ.

Wɩlʋʋ 12:11

Pɩtɩŋnɩ Heɣa calɩm nɛ aseɣɖe nɖɩ́ ɖa-taabalaa lɩzaa yɔ pɔ-yɔɔ nɛ pawabɩ-ɩ. Đɔɖɔ lɛ, patakpaɣ pe-wezuu payaa pʋyʋ nɛ petisi se yee paa sɩm yɔ, pasɩ.

Wɩlʋʋ 2:10

Sɔɔndʋ ɛtaakpa-wɛ nɛ kʋñɔŋ ŋgʋ́ pɔkɔŋ tɔɔʋ yɔ. Nɩɩ se eleeu kɔŋ ñɛ-ŋgbɛyɛ taa ñɩma nabɛyɛ ɖʋʋ salaka se ɛtakɩ-mɩ nɛ ɛna. Ɩkɔŋ nɩʋ siziŋ kɩyakɩŋ hiu. Ɩla mbʋ́ pʋpɔzʋʋ yɔ nɛ pʋkɔɔ pɩsɩɩnɩ mɩ-sɩm wiye nɛ maha-mɩ wezuu hulaɣ.