Yuudi 1:1 - New Testament

¹ Ma lɛ Yuudi weyi ɛkɛ Yesu Krɩstʋ tʋmlaɖʋ nɛ Yakubu neu yɔ. Mamaɣnɩ takayaɣ kanɛ mbá mɩ Caa Ɛsɔ ya-mɩ yɔ. Mɩ ɛsɔɔlaa nɛ ɛsɩɩ-mɩ nɛ hɔɔlʋʋ se ɩkɛ Yesu Krɩstʋ ñɩma.

Yuudi 1:1 ပူးပေါင်းရင်းမြစ်များ

1 Pɩyɛ 1:5

Mbá mɩ ɩwɛnɩ lidaʋ Krɩstʋ yɔɔ yɔ, Ɛsɔ huuzi mɩ-yɔɔ nɛ e-ɖoŋ se ihiɣ ñʋʋ yabʋ. Ɛtɛm ɖaŋʋʋ kpam se ɛwɩlɩ-pʋ ɛyáa kɛtɛzaɣ alɩwaatʋ taa.

1 Tesalooniki 5:23

Ɛsɔ laŋhɛzɩyɛ tʋ maɣmaɣ eyele nɛ ɩtɛzɩ wɛʋ cɩɖɩcɩɖɩ. Ɛɖɔkɩ mɩ-kalɩzasɩ nɛ mi-ciyamnaa nɛ mi-tomnasɩ camɩyɛ nɛ pataana kawanaɣ nakɛyɛ pɔ-yɔɔ puwiye nɖɩ́ Kɩpaɣlʋ Yesu Krɩstʋ kɔŋ yɔ.

2 Timootee 1:9

Ɛnʋ yabɩnɩ ɖa-ñʋʋ nɛ ɛ́yáa-ɖʋ se ɖɩkɛ ɛ-ñɩma. Pɩtɛkɛ tʋma wena ɖɩlaba yɔ a-yɔɔ ɛlabɩ-ɖʋ ḿbʋ́. Ɛlɛ́, pʋcɔ ɛla kedeŋa lɛ, ɛɛɖʋwa se ɛtɩŋɩɣnɩ Krɩstʋ Yesu yɔɔ nɛ ɛlabɩ-ɖʋ lootiye.

Yohanɛɛsɩ 14:22

Yudaasɩ kɛwɛ peeɖe, ɛlɛ́, pɩtɛkɛ Iskarɩyɔɔtɩ pɩyalʋ. Ɛ́lɛ́ pɔzɩnɩ-ɩ se: «Kɩpaɣlʋ! Ɖa pʋwɛɛ se ŋlɩzɩ ña-tɩ nɛ ŋwɩlɩ, pɩtɛkɛ kedeŋa ñɩma. Se we nɛ ŋlakɩ ḿbʋ́?»

1 Pɩyɛ 2:9

Piyele mɩ yɔ, mɩ lɛ liɖe nɖɩ́ Ɛsɔ lɩzaa yɔ ɖɩ-taa ñɩma. Ɩkɛ wiyaʋ sɔsɔ cɔjɔnaa. Mɩ lɛ Ɛsɔ ɛjaɖɛ taa ñɩma, mɩ-ñʋʋ ɛyaba. Mɩ ɛlɩzɩ cɩkpɛndʋʋ taa nɛ ewoni ɛ-ñalɩmɩyɛ nɖɩ́ ɖɩkɩlɩ pɩtɩŋa payɩ yɔ ɖɩ-taa se isusi ɛ-tʋma sɔsɔna tɔm.

Room 1:1

Ma Krɩstʋ Yesu tʋmlaɖʋ Pɔɔlɩ, mamaɣnɩ-mɩ takayaɣ kanɛ, mɛnsɛ-mɩ. Ɛsɔ ya-m se mɛnkɛ Yesu tiyiyu nɛ ɛsɩ-m nɛ hɔɔlʋʋ se monsusi ɛ-Laŋhɛzɩyɛ Tɔm.

Yohanɛɛsɩ 17:15

Maatendiɣ-ŋ se ŋkʋsɩ-wɛ kedeŋa yɔɔ, ɛlɛ́, mentendiɣ-ŋ se ŋcɔnɩ pɔ-yɔɔ nɛ Satanɩ ɛtaalabɩ-wɛ pʋyʋ.

2 Pɩyɛ 1:1

Ma Siimɔɔ Pɩyɛ weyi ɛkɛ Yesu Krɩstʋ tʋmlaɖʋ nɛ e-tiyiyu yɔ, mamaɣnɩ takayaɣ kanɛ. Mamaɣ-kɛ mbá mɩ ɩwɛnɩ lidaʋ ɛ-yɔɔ ɖɔɖɔ ɛzɩ ɖa yɔ. Yesu Krɩstʋ weyi ɛkɛ ɖa-ñʋʋ yaɖʋ nɛ ɖɛ-Ɛsɔ yɔ, ɛtʋʋzaa yɔɔ eyebi se ɩwɛnɩ-kʋ. Lidaʋ ŋ́gʋ́, kɩkɛnɩ ɖatɩŋa payɩ pʋyʋ sɔsɔ.

1 Pɩyɛ 5:10

Paa pɩɩwɛɛ se ɩla kʋñɔŋ alɩwaatʋ pazɩ yɔ, Ɛsɔ ɛnʋ ɛ-maɣmaɣ ɛtɛzɩ-mɩ ñɔɔzʋʋ nɛ ɩpɩɩ ɛ-nʋmɔʋ taa nɛ ɩkpa ɖoŋ nɛ nabʋyʋ ɛtaaciɣdi-mɩ kaʋ. Ɛnʋ labɩnɩ-mɩ lootiye siŋŋ. Ɛnʋ ɖɔɖɔ yanɩ-mɩ se ɩsʋʋ e-koboyaɣ ŋgá kaatɛŋ wiɖiyi kaʋ yɔ ka-taa mɩ nɛ Krɩstʋ mɩ-kpɛndʋʋ taa.

Ebree 3:1

Pʋ-yɔɔ lɛ, taabalaa Ɛsɔ ñɩma mbá mɩ ɛya-mɩ ɖɔɖɔ yɔ, ɩcɔnɩ Yesu weyi Ɛsɔ tiyaa se ɛkɛ cɔjɔnaa ñʋʋdʋ yɔ. Ɛ-tɔm ɖiheyiɣ ɛyáa, ɛ-yɔɔ ɖɩwɛnɩ lidaʋ.

Room 8:30

Mbá ɛɛɖʋ ɖooo lɔŋ se ɛlakɩ-wɛ ḿbʋ́ yɔ, ɛya-wɛ ɖɔɖɔ, nɛ mbá ɛya-wɛ yɔ, ɛpɩsɩ-wɛ kʋtʋʋzaa, nɛ mbá ɛpɩsɩ-wɛ kʋtʋʋzaa yɔ, eyele nɛ pɛwɛɛ e-Koboyaɣ taa.

Room 6:22

Ɛlɛ́, lɛɛlɛɛyɔ, Ɛsɔ holi-mɩ nɛ kɩwɛɛkɩm nesi taa nɛ ɩpɩsɩ e-yomaa. Mbʋ́ pɩlɩ-mɩ pɩ-taa yɔ lɛ se ɩpɩsɩ ɛ-ñɩma nɛ pɩtɛmna se ihikiɣ wezuu maatɛŋ.

1 Pɩyɛ 1:2

Caa Ɛsɔ kalɩzɩ-mɩ ɛzɩ ɛɛɖʋʋ yɔ se ɩkɛ ɛ-ñɩma. E-Fezuu Kiɖeɖeu ɖoŋ yebina nɛ ɩkɛ ḿbʋ́ nɛ ɩña Yesu Krɩstʋ. Mbʋ́ pʋyɔɔ yɔ, ɛ-calɩm pɔsɔ-mɩ se ɩpɩzɩ ɩwɛɛ cɩɖɩcɩɖɩ Ɛsɔ ɛsɩndaa. Mɛnsɛ-mɩ: Caa Ɛsɔ ɛtɛzɩ-mɩ labʋ lootiye nɛ ɛtɛzɩ mɩ-laŋa hɛzʋʋ.

Yakubu 1:1

Ma Yakubu weyi ɛkɛ Ɛsɔ nɛ Kɩpaɣlʋ Yesu Krɩstʋ pa-tʋmlaɖʋ yɔ, mamaɣnɩ takayaɣ kanɛ Ɛsɔ ñɩma mbá mɩ ɩmɩzɩnɩ kedeŋa kpeekpe yɔɔ yɔ. Ɩsɛɛ ɖeu!

2 Timootee 4:18

Ɛkɔŋ-m lɩzʋʋ ɖɔɖɔ kɩdɛkɛdɩm mbʋ́ pɩtɩŋa payɩ pɩtalɩ-m yɔ pɩ-taa cɩŋɩlɩm nɛ ewoni-m e-Kewiyaɣ taa ɛsɔdaa. Ɛtɩɣyɩ koboyaɣ pɩnzɩ ɛgbaŋ ɛgbaŋ! Pɩla ḿbʋ́!

1 Tesalooniki 2:12

Điiyeba pɩlabɩ-mɩ hʋnʋm nɛ ɖɩhɛzɩ mɩ-laŋa nɛ ɖɩka mɩ-ñʋŋ taa se ɩɖɔ ɛzɩ pʋmʋnaʋ Ɛsɔ ɛsɩndaa yɔ. Ɛnʋ yaɣnɩ-mɩ se ɩkɛ e-Kewiyaɣ nɛ e-koboyaɣ pa-taa ñɩma.

Efɛɛzɩ 5:26

Ɛlabɩ ḿbʋ́ se ɛtɩŋnɩ lɩm nɛ tɔm pɔ-yɔɔ nɛ eyele pɛwɛɛ cɩɖɩcɩɖɩ nɛ papɩsɩ Ɛsɔ ñɩma.

1 Kɔrɛntɩ 6:11

Ḿbʋ́ mɩ-taa lɛlaa lakaɣ. Ɛlɛ́ lɛɛlɛɛyɔ, Ɛsɔ ñalɩ mɩ-kɩwɛɛkɩm nɛ ɛpɩsɩ-mɩ ɛ-ñɩma nɛ pɩtɩŋnɩ e-Fezuu Kiɖeɖeu yɔɔ nɛ ɩkɛ kʋtʋʋzaa ɛ-ɛsɩndaa Kɩpaɣlʋ Yesu Krɩstʋ yɔɔ.

1 Kɔrɛntɩ 1:2

Đɩmaɣ-kɛ mbá mɩ ɩkɛ Ɛsɔ ŋgbɛyɛ taa ñɩma Kɔrɛntɩ yɔ. Ɛya-mɩ se pɩtɩŋnɩ Krɩstʋ yɔɔ nɛ ɩcaɣ wezuu ɛzɩ pɩkɛdɩnaʋ-ɩ yɔ. Pɩtɩŋnɩ mɩ nɛ Krɩstʋ Yesu mɩ-kpɛndʋʋ yɔɔ nɛ ɩkɛ ɛ-ñɩma. Đɩmaɣ-kɛ mɩ nɛ mbá patɩŋa payɩ pɛwɛ paa le nɛ payaɣ ɖa-Kɩpaɣlʋ Yesu Krɩstʋ hɩɖɛ yɔ. Yesu Krɩstʋ lɛ pa-Kɩpaɣlʋ. Ɛnʋ ɖɔɖɔ lɛ ɖa-Kɩpaɣlʋ.

Room 16:18

Mbʋ́ pʋyɔɔ yɔ, pɩtɛ ɛyáa ḿbá, paalakɩ ɖa-Kɩpaɣlʋ Krɩstʋ tʋmɩyɛ. Ɛlɛ́, pe-hiliŋ taa ɖeke pɔcɔŋna nɛ palakɩ nɔɔ leleŋ nɛ pɛcɛtɩɣnɩ mbá patasɩmdɩ pʋyʋ yɔ.

Room 9:24

Toovenim lɛ, ɖa lɛ ɛyáa ḿbá. Paa ɖɩkɛ Yuda ñɩma yaa ɖɩtɛkɛ Yuda ñɩma yɔ, ɖa ɛyawa.

Tʋma Labʋ 27:23

Ɛsɔ weyi ɛtɩnɩ-m nɛ moluŋuu ɛ-tɛɛ yɔ, etiyi e-tiyiyu mɔn-cɔlɔ ɖoó ana a-taa

Luka 6:16

nɛ Yakubu pɩyalʋ Yudaasɩ nɛ Yudaasɩ Iskarɩyɔɔtɩ. Ɛnʋ kitini ɛkpa Yesu nɛ ɛ́ɖʋzɩ koyindinaa nesi taa.

Tʋma Labʋ 20:32

Lɛɛlɛɛyɔ, manɖʋzʋʋ mɩtɩŋa payɩ Ɛsɔ nɛ e-lootiye tɔm pe-nesi taa. Ɛlabɩ-mɩ lootiye. Ɛnʋ pɩzɩɣnɩ eyele nɛ ɩkpa ɖoŋ nɛ ɛha-mɩ ñɩm mbʋ́ ɛsɩwa se ɛhaɣ mbá patɩŋa payɩ eyeba nɛ papɩsɩ ɛ-ñɩma yɔ.

Tʋma Labʋ 1:13

Patalaa lɛ, pakpa ɛsɔdaa kuduyuu ŋgʋ́ kɩ-taa paakpeɣlaɣ yɔ kɩ-taa. Mbá pekpeɣlaɣ kɩ-taa yɔ, ḿbá yɔ: Pɩyɛ nɛ Yohanɛɛsɩ nɛ Yakubu nɛ Andree nɛ Filiipu nɛ Tomaa nɛ Bartelemii nɛ Maatiyee nɛ Alfee pɩyalʋ Yakubu nɛ Siimɔɔ weyi payaɣ se Yɔɔ Kandɩyʋ yɔ nɛ Yakubu pɩyalʋ Yuudi

Yohanɛɛsɩ 17:19

Pɔ-yɔɔ lɛ, mɛncɛlɩɣ-ŋ ma maɣmaɣ man-tɩ se pɩtɩŋnɩ toovenim yɔɔ nɛ ḿbá ɖɔɖɔ pɛkɛ ña-ñɩma.

Yohanɛɛsɩ 17:17

Yele se pɩtɩŋnɩ toovenim yɔɔ nɛ pɛkɛ ña-ñɩma pilim. Ñɔ-tɔm lɛ toovenim.

Yohanɛɛsɩ 15:16

Pɩtɛkɛ mɩlɩzɩnɩ-m, ɛlɛ́, ma malɩzɩnɩ-mɩ nɛ mentiyi-mɩ se iwolo ɩla tʋmɩyɛ nɛ ɩwɛnɩ wazaɣ nɛ kɛwɛɛ ḿbʋ́. Peeɖe man-Caa haɣ-mɩ mbʋ́ pɩtɩŋa payɩ ɩpɔzʋʋ-ɩ nɛ mɔ-nɔɔ yɔ.

Yohanɛɛsɩ 12:26

Yee nɔɔyʋ liu ɛwɛɛ se ɛlabɩ-m tʋmɩyɛ yɔ, ɛtɩŋ-m. Ḿbʋ́ man-tʋmlaɖʋ kɔŋ wɛʋ ɖenɖe mɛwɛɣ yɔ. Yee nɔɔyʋ ɛlakɩ-m tʋmɩyɛ yɔ, man-Caa ɖʋʋ-ɩ hɩɖɛ.»

Yohanɛɛsɩ 6:39

Ɩɩnaɣ mbʋ́ weyi etiyi-m yɔ e-liu wɛɛ yɔ. Ḿbʋ́ lɛ se: mantaalesi mbá ɛcɛlɩ-m yɔ pa-taa nɔɔyʋ. Ɛlɛ́, menfezi patɩŋa payɩ kɛtɛzaɣ kɩyakʋ wiye nɛ sɩm taa nɛ pɛwɛɛ wezuu.

Maarkɩ 3:18

nɛ Andree nɛ Filiipu nɛ Bartelemii nɛ Maatiyee nɛ Tomaa nɛ Alfee pɩyalʋ Yakubu nɛ Taadee nɛ Siimɔɔ weyi payaɣ se Yɔɔ Kandɩyʋ yɔ

Maatiyee 10:3

nɛ Filiipu nɛ Bartelemii nɛ Tomaa nɛ tikee mʋyʋ Maatiyee nɛ Alfee pɩyalʋ Yakubu nɛ Taadee

Maatiyee 13:55

Pɩtɛkɛ ɛnʋ lɛ weyi ɛkaŋ kuduyiŋ yɔ ɛ-pɩyalʋ? Pɩtɛkɛ e-ɖoo lɛ Maarɩɩ? Pɩtɛkɛ e-newaa lɛ Yakubu nɛ Yozɛɛfʋ nɛ Siimɔɔ nɛ Yuudi yaa we?

Maarkɩ 6:3

Pɩtɛkɛ ɛnʋ lɛ kuduyiŋ kanɖʋ naa we? Pɩtɛkɛ ɛnʋ lɛ Maarɩɩ pɩyalʋ? Yaa pɩtɛkɛ e-newaa lɛ Yakubu nɛ Yoosi nɛ Yuudi nɛ Siimɔɔ? Pɩtɛkɛ ɖa nɛ e-newaa halaa ñɩma ɖɩwɛnɩ cɩnɛ yɔ?» Pa-lɩmaɣza ana ayebina nɛ pa-laŋa wɛɛ kpɩzɩŋ nɛ petetisi Yesu tɔm.

Room 1:6

Mbá mɩ Yesu Krɩstʋ ya-mɩ yɔ, ɩwɛ ɖɔɖɔ ɛyáa ḿbá pa-taa.

Yuudi 1:3

Mɛ-ɛgbaɣdɩnaa! Me-liu kɛwɛɛ kpem se mama-mɩ takayaɣ ɛzɩma mbʋ́ Ɛsɔ yabɩ ɖatɩŋa payɩ ɖa-ñʋʋ yɔ pʋ-tɔm taa. Peeɖe manawa se pɩkɛnɩ-m kɩcɛyʋʋ se mama-mɩ kanɛ nɛ pɩlabɩ-mɩ hʋnʋm nɛ ɩlʋ lidaʋ yɔɔ. Lidaʋ ŋ́gʋ́, kʋ-tɔm pɛkɛdɩ Ɛsɔ ñɩma mɩ kpaagbaa kɛdʋʋ.

Yuudi 1:21

Mɩ-ɛsɛ ɛsɛɛnɩ Ɛsɔ sɔɔlʋʋ nɛ ɩwɛɛ ɖaŋʋʋ yɔɔ se ɖa-Kɩpaɣlʋ Yesu Krɩstʋ naɣ mɩ-pʋtɔdɩyɛ nɛ ɛha-mɩ wezuu maatɛŋ.