Yohanɛɛsɩ 9:16 - New Testament

¹⁶ Pa-taa nabɛyɛ tɔŋaɣ se: «Abalʋ weyi ɛlabɩ ḿbʋ́ yɔ, ɛɛpɩzɩɣ ɛlɩnɩ Ɛsɔ cɔlɔ, mbʋ́ pʋyɔɔ yɔ, ɛɛɖɔŋ kɩyakʋ kɩhɛzʋʋ paɣtʋ yɔɔ.» Lɛlaa se: «Ɛzɩma kɩwɛɛkɩm laɖʋ pɩzɩɣ ɛla hama lakasɩ ḿbʋ́?» Peeɖe pɩtayɩ pɛ-hɛkʋ taa.

Yohanɛɛsɩ 9:16 ပူးပေါင်းရင်းမြစ်များ

Maatiyee 12:10

Abalʋ nɔɔyʋ kɛwɛ peeɖe, e-nesi camaa. Mbá pɛwɛ peeɖe yɔ, pacaɣaɣ se pehiɣ kawanaɣ nakɛyɛ nɛ pakʋyɩ ɛ-yɔɔ. Pʋ-yɔɔ pɔpɔzɩ-ɩ se: «Pɩha nʋmɔʋ se pala nɛ kʋdɔndʋ nɔɔyʋ yɔɔ cɛ kɩyakʋ kɩhɛzʋʋ wiye yaa pataala?»

Maatiyee 12:2

Palakaɣ ḿbʋ́ lɛ, Farɩsɩ ñɩma nabɛyɛ na-wɛ nɛ powolo peheyi Yesu se: «Cɔnɩ ŋna ñɔ-tɔmkpɛlɩkɩyaa lakʋʋ mbʋ́ paɖʋ Mooyiizi paɣtʋ taa se pataala kɩyakʋ kɩhɛzʋʋ wiye yɔ.»

Luka 13:14

Ɛzɩ Yesu tɩɩlabʋ nɛ halʋ ɛnʋ ɛ-yɔɔ cɛ kɩyakʋ kɩhɛzʋʋ wiye ḿbʋ́ yɔ lɛ, Ɛsɔ ɖɩsɛyɛ taa wiyaʋ hɔyɛ pɩsɩ nɛ eheyi ɛyáa samaɣ se: «Kɩyakɩŋ loɖo palakɩ tʋmɩyɛ kɩyakʋ kɩsɩŋʋʋ taa. Yee weyi ɛcaɣ se ɛ-kʋdɔndʋ yɔɔ ɛcɛ yɔ, ɛtʋʋzɩnɩ kɩyakɩŋ ɩnʋ ɩ-taa nakʋyʋ nɛ ɛkɔɔ. Ɛtaakɔɔ kɩyakʋ kɩhɛzʋʋ wiye.»

Yohanɛɛsɩ 10:19

Tɔm ńdʋ́ tɩ-yɔɔ lɛ, Yuda ñɩma hɛkʋ taa ɖaɣnɩ tayʋʋ.

Yohanɛɛsɩ 14:11

Itisi se ma nɛ Caa ɖɩwɛ ɖama taa. Yee iitisiɣ ḿbʋ́ yɔ, tʋma wena malakɩ yɔ a-yɔɔ lɛ, itisi-tʋ.

Yohanɛɛsɩ 15:24

Yee mantaala tʋma wena nɔɔyʋ tala pɛ-hɛkʋ taa kaʋ yɔ yɔ, pataakʋ pɔ-tɔm. Ŋgʋ́, lɛɛlɛɛyɔ pana man-tʋma, ɛlɛ́, papaɖɩɣ ma nɛ man-Caa.

Yohanɛɛsɩ 2:11

Ḿbʋ́ Yesu labɩ ɛ-kajalaɣ hama lakasɩ. Kana tɛtʋ ndʋ́ tɩwɛ Galilee egeetiye taa yɔ, tɩ-taa ɛlabɩ-sɩ. Ḿbʋ́ ɛwɩlɩnɩ e-ɖoŋ koboyaɣ ñɩŋ nɛ ɛ-tɔmkpɛlɩkɩyaa wɛnɩ lidaʋ ɛ-yɔɔ.

Yohanɛɛsɩ 3:2

Abalʋ ɛnʋ, ɛkʋyɩ ɖoó naayɛ taa nɛ ewolo Yesu cɔlɔ nɛ eheyi-i se: «Wɩlɩyʋ! Đɩnawa se Ɛsɔ tiyini-ŋ se ŋkɔɔ ŋwɩlɩ-ɖʋ ɛ-tɔm. Mbʋ́ pʋyɔɔ yɔ, nɔɔyʋ fɛyɩ se ɛpɩzɩɣ ɛla hama lakasɩ nzɩ́ ŋlaba yɔ nɛ Ɛsɔ fɛyɩ ɛ-cɔlɔ.»

Yohanɛɛsɩ 5:10

Pʋ-yɔɔ Yuda ñɩma awiya heyi-i se: «Sɔnɔ pɩkɛ kɩyakʋ kɩhɛzʋʋ, ɖa-paɣtʋ taha nʋmɔʋ se ŋsɩɣlɩ ña-ñalʋʋ.»

Yohanɛɛsɩ 5:36

Ma lɛ, malɩzɩɣ aseɣɖe nɖɩ́ ɖɩkɩlɩ Yohanɛɛsɩ ñɩnɖɛ yɔ. Mbʋ́ pʋyɔɔ yɔ, tʋma wena man-Caa ɖʋ-m nɛ malakɩ yɔ, a-maɣmaɣ alɩzɩɣnɩ ma-aseɣɖe se Caa Ɛsɔ tiyini-m.

Yohanɛɛsɩ 6:52

Ɛyɔɔdɩ ḿbʋ́ lɛ, Yuda ñɩma pazɩ you pa-taa pe-ɖeke nɛ pɔpɔzʋʋ pa-tɩ se: «Ɛzɩma ɛnɛ ɛtɔŋ se ɛhaɣ-ɖʋ e-tomnaɣ nɛ ɖɩtɔɔ?»

Yohanɛɛsɩ 7:12

Ɛyáa samaɣ yɔɔdaɣ ɛ-tɔm siŋŋ: nabɛyɛ se: «Ɛkɛ ɛyʋ kɩbanʋ.» Lɛlaa se: «Aayɩ, epeɣziɣ ɛyáa.»

Yohanɛɛsɩ 7:23

Yee ɩpɩzɩɣ se ɩpɛlɩ abalɩbɩɣa nakɛyɛ kɩyakʋ kɩhɛzʋʋ wiye nɛ ɩɖɔ Mooyiizi paɣtʋ yɔɔ lɛ, pɩlabɩ ɛzɩma mɩ-pana kpaɣnɩ-m se malaba nɛ ɛyʋ maɣmaɣ pilim yɔɔ cɛ kɩyakʋ kɩhɛzʋʋ wiye yɔ?

Yohanɛɛsɩ 7:43

Ḿbʋ́ tayʋʋ sʋ ɛyáa hɛkʋ taa Yesu yɔɔ.

Yohanɛɛsɩ 9:24

Peeɖe Farɩsɩ ñɩma tasɩ abalʋ ɛnʋ yaʋ nɛ peheyi-i se: «Ɛsɔ ɛsɩndaa ŋwɛɛ, yɔɔdɩ toovenim. Đa lɛ, ɖɩnawa se weyi ekuli ñɛ-ɛsɛ yɔ, ɛkɛ kɩwɛɛkɩm laɖʋ.»

Tʋma Labʋ 14:4

Peeɖe Ikoniyɔm ñɩma tayɩ ɖama tam naalɛ nɛ lɛlaa tɩnɩ Yuda ñɩma yɔɔ nɛ pɩsɛɣ lɛlaa ñatɩnɩ Pɔɔlɩ nɛ Barnaabaasɩ pɔ-yɔɔ.