Yohanɛɛsɩ 8:54 - New Testament

⁵⁴ Peeɖe Yesu cosi-wɛ se: «Yee ma-maɣmaɣ meyekina se ma-hɩɖɛ ɛsɛɛ yɔ, pɩfɛyɩnɩ waɣzaɣ nakɛyɛ. Ɛlɛ́, man-Caa yekina se ɖɩsɛɛ. Ɛnʋ ɩtɔŋ se ɛnʋ lɛ mɩ-Ɛsɔ.

Yohanɛɛsɩ 8:54 ပူးပေါင်းရင်းမြစ်များ

Yohanɛɛsɩ 17:1

Yesu tɛm yɔɔdɩnaʋ ɛ-tɔmkpɛlɩkɩyaa lɛ, ɛkpazɩ ɛsɛ ɛsɔdaa nɛ ɛtɔ se: «Caa! Alɩwaatʋ talaa. Yele nɛ ña-Pɩyalʋ ma, ma-hɩɖɛ sɛɛ nɛ meyele ɖɔɖɔ ña-ñɩnɖɛ sɛɛ.

Yohanɛɛsɩ 17:5

Pʋ-yɔɔ lɛ, Caa! Lɛɛlɛɛyɔ, mɔnpɔzʋʋ-ŋ se ŋyele nɛ ma-hɩɖɛ sɛɛ ñɔ-cɔlɔ ɛzɩ ɖɩɩsɛʋ nɛ pʋcɔ ŋla kedeŋa yɔ.

Yohanɛɛsɩ 2:11

Ḿbʋ́ Yesu labɩ ɛ-kajalaɣ hama lakasɩ. Kana tɛtʋ ndʋ́ tɩwɛ Galilee egeetiye taa yɔ, tɩ-taa ɛlabɩ-sɩ. Ḿbʋ́ ɛwɩlɩnɩ e-ɖoŋ koboyaɣ ñɩŋ nɛ ɛ-tɔmkpɛlɩkɩyaa wɛnɩ lidaʋ ɛ-yɔɔ.

Yohanɛɛsɩ 5:41

Pɩtɛkɛ ɛyáa samtʋ mañɩnɩɣ.

Yohanɛɛsɩ 7:18

Weyi ɛyɔɔdʋʋ ɛ-maɣmaɣ ɛ-tɔm yɔ, ɛcaɣ se pasam-ɩ. Weyi ɛ́lɛ́ caɣ se pasa weyi etiyi-i yɔ, ɛkɛ toovenim tʋ, ɛzaɣ́tʋ natʋyʋ fɛyɩ ɛ-yɔɔ.

Yohanɛɛsɩ 7:39

Fezuu Kiɖeɖeu tɔm Yesu yɔɔdaɣ ḿbʋ́. Ŋ́gʋ́ Ɛsɔ kɔŋ haʋ mbá pɛwɛɣnɩ lidaʋ Yesu yɔɔ yɔ. Ɛlɛ́, alɩwaatʋ ńdʋ́ tɩ-taa lɛ, kɩtatɩɩkɔmda, mbʋ́ pʋyɔɔ yɔ, Ɛsɔ teyebida se ɛ-hɩɖɛ ɛsɛɛ.

Yohanɛɛsɩ 8:41

Mbʋ́ mɩ-caa lakɩ yɔ ɩlakɩ.» Peeɖe pocosi-i se: «Đɩtɛkɛ habɩŋ taa piya, Caa kʋɖʋm koŋ ɖɩwɛna, ɛnʋ lɛ Ɛsɔ.»

Yohanɛɛsɩ 8:50

Ma lɛ, maañɩnɩɣ mon-koboyaɣ. Ɛlɛ́, nɔɔyʋ wɛɛ, ɛnʋ ñɩnɩɣnɩ-kɛ, ɛnʋ hʋʋnɩ tɔm.

Tʋma Labʋ 3:13

Đɔ-cɔzɔnaa Abraham nɛ Izaakɩ nɛ Yakɔɔbʋ pɛ-Ɛsɔ ɖʋnɩ ɛ-tʋmlaɖʋ Yesu hɩɖɛ. Mɩ lɛ, ɩkpa-ɩ mɩ-maɣmaɣ nɛ ɩɖʋzɩ ñʋndɩnaa nesi taa. Wiyaʋ Pilaatɩ tɔm se eyeki-i, ɛlɛ́, ikizi.

2 Kɔrɛntɩ 10:18

Mbʋ́ pʋyɔɔ yɔ, pɩtɛkɛ weyi ɛsaŋ ɛ-tɩ yɔ, ɛkɛnɩnɩ kɩbanʋ Kɩpaɣlʋ ɛsɩndaa. Ɛlɛ́, weyi Kɩpaɣlʋ saŋ-ɩ yɔ, ɛnʋ lɛ kɩbanʋ.

1 Pɩyɛ 1:12

Ɛsɔ wɩlɩ-wɛ kpayɩ se tɔm ndʋ́ posusaɣ yɔ, pɩtɛkɛ pa-tɩ posusaɣ-tʋ. Ɛlɛ́, mɩ posusaɣ-tʋ. Lɛɛlɛɛyɔ, Laŋhɛzɩyɛ Tɔm susiyaa heyi-mɩ-tʋ. Fezuu Kiɖeɖeu ŋgʋ́ kɩlɩnɩ ɛsɔdaa yɔ, ki-ɖoŋ paba heyini-mɩ-tʋ. Halɩ Ɛsɔ tiyiyaa maɣmaɣ ñɩnaɣ se patɩlɩ-tʋ.

1 Pɩyɛ 1:21

Ɛ-yɔɔ pɩtɩŋnaa nɛ ɩwɛnɩ lidaʋ Ɛsɔ yɔɔ. Ɛsɔ ɛnʋ efezini-i nɛ ɛlɩɩnɩ sɩɖaa taa nɛ ɛha-ɩ koboyaɣ. Ḿbʋ́ yekina nɛ ɩwɛnɩ lidaʋ Ɛsɔ ɛnʋ ɛ-yɔɔ nɛ ɩtaa-ɩ liu.

2 Pɩyɛ 1:17

Đɩɩwɛ alɩwaatʋ ndʋ́ Caa Ɛsɔ ɖʋ-ɩ hɩɖɛ nɛ ɛsam-ɩ yɔ. Ɛsɔ weyi e-koboyaɣ kɩlɩ pɩtɩŋa yɔ, ɛyɔɔdɩ alɩwaatʋ ńdʋ́ se: «Ɛnɛ lɛ man-Pɩyalʋ kʋsɔɔlʋ, maahʋʋ ɛ-yɔɔ kaʋ.»