Yohanɛɛsɩ 8:34 - New Testament

³⁴ Peeɖe Yesu heyi-wɛ se: «Toovenim lɛ, mankaɖɩɣ-mɩ se: weyi ɛlakɩ kɩwɛɛkɩm yɔ, ɛkɛ pu-yom.

Yohanɛɛsɩ 8:34 ပူးပေါင်းရင်းမြစ်များ

Maatiyee 5:18

Toovenim lɛ, meheyiɣ-mɩ se alɩwaatʋ ndʋ́ ɛsɔdaa nɛ tɛtʋ pɛwɛɣ yɔ, mayaɣ nakɛyɛ yaa cacayaɣ nakɛyɛ fɛyɩ se kalɩɣ paɣtʋ ńdʋ́ tɩ-taa nɛ pʋkɔɔ pɩsɩɩnɩ alɩwaatʋ ndʋ́ pɩtɩŋa payɩ pɩlaba yɔ.

Yohanɛɛsɩ 3:3

Ɛlɛ́, Yesu kaɖɩ-ɩ se: «Toovenim lɛ, meheyiɣ-ŋ se yee pataɖaɣnɩ nɔɔyʋ lʋlʋʋ yɔ, ɛɛkɛɣ Ɛsɔ Kewiyaɣ taa tʋ.»

Tʋma Labʋ 8:23

Mbʋ́ pʋyɔɔ yɔ, manawa se kañatʋ kadadaɣyaɣ suni ña-taa ɖo nɛ kɩwɛɛkɩm pɩsɩ-ŋ pu-yom.»

Room 6:12

Yee ḿbʋ́ pɩfɛyɩ se mi-tomnasɩ ɛtasɩ wɛʋ kɩwɛɛkɩm nesi taa nɛ piyele nɛ ɩla mbʋ́ sɩsɔɔlaa yɔ. Mbʋ́ pʋyɔɔ yɔ, sɩsɩkɩ.

Room 6:16

Ɩtatɩlɩ se yee ɩkpaɣ mɩ-tɩ nɛ ɩcɛlɩ nɔɔyʋ nɛ ɩkɛ e-yomaa nɛ ɩñaŋ-ɩ yɔ, pʋbʋ, ɩkɛ e-yomaa kpem yaa we? Ḿbʋ́ ɖɔɖɔ ɩpɩzɩɣ ɩkɛ kɩwɛɛkɩm yomaa yaa Ɛsɔ yomaa. Ɛlɛ́, yee ɛyʋ ɛkɛ kɩwɛɛkɩm yom yɔ, puwokini-i sɩm taa. Yee ɛkɛ Ɛsɔ yom yɔ, piyeki nɛ ɛla mbʋ́ pʋtʋʋzaa yɔ.

Room 6:6

Đɩsɩm ɖeu se: wɛtʋ ndʋ́ ɖɩɩwɛna ɖooo lɔŋ yɔ, alɩwaatʋ ndʋ́ pakam Krɩstʋ kaamaŋkaɣ yɔɔ yɔ, pɛkpɛndɩnɩ-tʋ nɛ paka. Pɩlabɩ ḿbʋ́ se ɖɛ-wɛtʋ ńdʋ́, tɩtaatasɩ wɛnaʋ ɖoŋ ɖɔ-yɔɔ nɛ ɖɩtasɩ kɛʋ kɩwɛɛkɩm yomaa.

Room 7:14

Đɩna toovenim se Fezuu Kiɖeɖeu ɖʋnɩ paɣtʋ. Ɛlɛ́, ma mɛnkɛ ɛjam weyi kɩwɛɛkɩm yabɩ-ɩ nɛ ɛwɛɛ pi-nesi taa ɛzɩ yom yɔ.

Room 7:25

Ɛsɔ lɩzɩɣnɩ-m! Đɩtɩŋnɩ ɖa-Kɩpaɣlʋ Yesu Krɩstʋ yɔɔ nɛ ɖɩsam-ɩ! Yee ḿbʋ́ ma-maɣmaɣ manpɩzɩɣ mɔnɖɔ Ɛsɔ paɣtʋ yɔɔ ma-lɩmaɣza taa. Ɛlɛ́, mɛ-wɛtʋ ñɔɖɔŋ kɩwɛɛkɩm nʋmɔʋ taa.

Room 8:21

ɛkɔŋ yebu nɛ pʋwɛɛ pɩ-tɩ yɔɔ nɛ pɩtaatasɩ wɛɛkʋʋ ɛzɩ e-piya wɛʋ sɩ-tɩ yɔɔ e-koboyaɣ taa yɔ.

Efɛɛzɩ 2:2

Ɩcakaɣ wezuu kɩwɛɛkɩm taa ɛzɩ pʋwɛʋ kedeŋa yɔɔ cɩnɛ yɔ nɛ ɩñaŋ ɛsɔdaa nɛ tataa pɛ-hɛkʋ taa ɖoŋ wiyaʋ. Wiyaʋ ɛnʋ lɛ Satanɩ. Ɛnʋ seɣtiɣni mbá paañaŋ Ɛsɔ yɔ lɛɛlɛɛyɔ.

Tiiti 3:3

Mbʋ́ pʋyɔɔ yɔ, ɖooo lɛ, ɖa ɖɔɖɔ ɖɩɩkɛ kɩmɛlɛmɩŋ nɛ kaañamtʋ tɩnaa, ɖiilebi nʋmɔʋ. Đɩɩwɛ ɛzɩ yomaa yɔ, mbʋ́ pʋyɔɔ yɔ, pɩɩkɛnɩ-ɖʋ kɩcɛyʋʋ se ɖɩla mbʋ́ mbʋ́ ɖe-liu wɛɛ yɔ nɛ mbʋ́ mbʋ́ pɩkɛdɩnɩ-ɖʋ yɔ. Đɩɩwɛ kañatʋ nɛ ɛsɛ naɣnaɣ pa-taa. Ɛyáa paɖaɣ-ɖʋ nɛ ɖɩpaɖɩɣ ɖama ɖɔɖɔ.

2 Pɩyɛ 2:19

Peheyiɣ-wɛ se pɔkɔŋ pa-tɩ yɔɔ wɛʋ. Ŋgʋ́, pa-maɣmaɣ pɛkɛ kɩwɛɛkɩm mbʋ́ puwokini-wɛ sɩm taa yɔ pu-yomaa. Mbʋ́ pʋyɔɔ yɔ, ɛyʋ kɛ mbʋ́ pʋwɛnɩ ɖoŋ ɛ-yɔɔ yɔ pu-yom.