Yohanɛɛsɩ 7:31 - New Testament

³¹ Ŋgʋ́ ɛyáa samaɣ taa lɛ, sakɩyɛ kɛwɛnɩ lidaʋ ɛ-yɔɔ nɛ pɔpɔzʋʋ se: «Weyi Ɛsɔ Lɩzaa Yɔ, ɛkɔŋ lɛ, ɛlakɩ hama lakasɩ nɛ pɩkɩlɩ nzɩ́ abalʋ ɛnɛ ɛlaba yɔ yaa we?»

Yohanɛɛsɩ 7:31 ပူးပေါင်းရင်းမြစ်များ

Maatiyee 12:23

Peeɖe pɩɖɩɣzɩ ɛyáa samaɣ tɩŋa nɛ pɔtɔŋ se: «Yaa ɛnʋ lɛ wiyaʋ sɔsɔ Daaviidi Sayɩ?»

Luka 8:13

Mbá paba wɛ ɛzɩ ɛwaɣ ŋgá kɔ-yɔɔ pee tɔlaa yɔ, panɩɣ-tʋ lɛ, petisi kpaagbaa nɛ laŋhʋlʋmɩyɛ. Ɛlɛ́, paayeki se tɩlabɩ-wɛ tʋmɩyɛ camɩyɛ. Pɛwɛɣnɩ lidaʋ tɩ-yɔɔ alɩwaatʋ pazɩ nɛ pʋkɔɔ pɩtakɩɣ-wɛ lɛ, pɔlɔ-kʋ.

Yohanɛɛsɩ 11:45

Yuda ñɩma mbá paawobi Maarɩɩ cɔlɔ yɔ, pana mbʋ́ Yesu laba yɔ. Pʋ-yɔɔ pa-taa sakɩyɛ wɛnɩ lidaʋ ɛ-yɔɔ.

Yohanɛɛsɩ 12:11

Mbʋ́ pʋyɔɔ yɔ, ɛ-yɔɔ Yuda ñɩma sakɩyɛ seɣaɣ pɔ-cɔlɔ nɛ pɛwɛɣnɩ lidaʋ Yesu yɔɔ.

Yohanɛɛsɩ 12:42

Paa ḿbʋ́ yɔ, Yuda ñɩma awiya maɣmaɣ taa sakɩyɛ kɛwɛnɩ lidaʋ Yesu yɔɔ. Ɛlɛ́, Farɩsɩ ñɩma yɔɔ lɛ, pataasusuu-tʋ. Pɩtɛkɛ ḿbʋ́, paɖaŋɩɣ-wɛ se pataatasɩ wobu Ɛsɔ ɖɩsɛyɛ taa.

Yohanɛɛsɩ 2:11

Ḿbʋ́ Yesu labɩ ɛ-kajalaɣ hama lakasɩ. Kana tɛtʋ ndʋ́ tɩwɛ Galilee egeetiye taa yɔ, tɩ-taa ɛlabɩ-sɩ. Ḿbʋ́ ɛwɩlɩnɩ e-ɖoŋ koboyaɣ ñɩŋ nɛ ɛ-tɔmkpɛlɩkɩyaa wɛnɩ lidaʋ ɛ-yɔɔ.

Yohanɛɛsɩ 3:2

Abalʋ ɛnʋ, ɛkʋyɩ ɖoó naayɛ taa nɛ ewolo Yesu cɔlɔ nɛ eheyi-i se: «Wɩlɩyʋ! Đɩnawa se Ɛsɔ tiyini-ŋ se ŋkɔɔ ŋwɩlɩ-ɖʋ ɛ-tɔm. Mbʋ́ pʋyɔɔ yɔ, nɔɔyʋ fɛyɩ se ɛpɩzɩɣ ɛla hama lakasɩ nzɩ́ ŋlaba yɔ nɛ Ɛsɔ fɛyɩ ɛ-cɔlɔ.»

Yohanɛɛsɩ 4:29

«Iwolo ɩna abalʋ weyi eheyi-m mbʋ́ pɩtɩŋa payɩ malaba yɔ. Yaa ɛnʋ lɛ Weyi Ɛsɔ Lɩzaa Yɔ?»

Yohanɛɛsɩ 4:39

Halʋ ɛnʋ, ewobi Samaarɩɩ tɛtʋ ńdʋ́ tɩ-taa nɛ ɛkɛdɩ mbʋ́ pɩtɩŋa payɩ Yesu labɩ-ɩ yɔ lɛ, ɛyáa sakɩyɛ wɛnɩ lidaʋ ɛ́lɛ́ yɔɔ.

Yohanɛɛsɩ 6:2

Ɛtalɩ peeɖe lɛ, ɛyáa samaɣ tɩŋɩɣ ɛ-wayɩ, mbʋ́ pʋyɔɔ yɔ, paana hama lakasɩ nzɩ́ ɛlakaɣ nɛ kʋdɔndɩnaa yɔɔ cɛkɩ yɔ.

Yohanɛɛsɩ 7:26

Ɩna, ɛyɔɔdʋʋ ɛyáa ɛsɩndaa keɣlee nɛ paalakɩ-ɩ pʋyʋ! Yaa toovenim ɖa-awiya nawa se ɛnʋ lɛ Weyi Ɛsɔ Lɩzaa Yɔ?

Yohanɛɛsɩ 9:16

Pa-taa nabɛyɛ tɔŋaɣ se: «Abalʋ weyi ɛlabɩ ḿbʋ́ yɔ, ɛɛpɩzɩɣ ɛlɩnɩ Ɛsɔ cɔlɔ, mbʋ́ pʋyɔɔ yɔ, ɛɛɖɔŋ kɩyakʋ kɩhɛzʋʋ paɣtʋ yɔɔ.» Lɛlaa se: «Ɛzɩma kɩwɛɛkɩm laɖʋ pɩzɩɣ ɛla hama lakasɩ ḿbʋ́?» Peeɖe pɩtayɩ pɛ-hɛkʋ taa.

Tʋma Labʋ 8:13

Halɩ Siimɔɔ maɣmaɣ ñetisi nɛ palabɩ-ɩ-sɩ ɖɔɖɔ. Ɛɛwɛɛ ɛtɩŋɩɣ Filiipu nɛ pɩlakɩ-ɩ piti nɛ hama lakasɩ sɔsɔsɩ nzɩ́ ɛ́lɛ́ lakaɣnɩ Ɛsɔ ɖoŋ yɔ nɛ kawɩlɩsɩ nzɩ́ ɛwɩlaɣnɩ ɖoŋ ɛnʋ nɛ ɛnaɣ yɔ.

Yakubu 2:26

Toovenim lɛ, ɛzɩma mbʋ́ ɛyʋ ɛfɛyɩnɩ fezuu, ɛsɩba yɔ, ḿbʋ́ ɖɔɖɔ yee nɔɔyʋ ɛwɛnɩ lidaʋ Ɛsɔ yɔɔ nɛ ɛɛlakɩ lakasɩ kɩbanzɩ yɔ, e-lidaʋ ŋ́gʋ́ kɩsɩba.