Yohanɛɛsɩ 7:23 - New Testament

²³ Yee ɩpɩzɩɣ se ɩpɛlɩ abalɩbɩɣa nakɛyɛ kɩyakʋ kɩhɛzʋʋ wiye nɛ ɩɖɔ Mooyiizi paɣtʋ yɔɔ lɛ, pɩlabɩ ɛzɩma mɩ-pana kpaɣnɩ-m se malaba nɛ ɛyʋ maɣmaɣ pilim yɔɔ cɛ kɩyakʋ kɩhɛzʋʋ wiye yɔ?

Yohanɛɛsɩ 7:23 ပူးပေါင်းရင်းမြစ်များ

Maatiyee 12:10

Abalʋ nɔɔyʋ kɛwɛ peeɖe, e-nesi camaa. Mbá pɛwɛ peeɖe yɔ, pacaɣaɣ se pehiɣ kawanaɣ nakɛyɛ nɛ pakʋyɩ ɛ-yɔɔ. Pʋ-yɔɔ pɔpɔzɩ-ɩ se: «Pɩha nʋmɔʋ se pala nɛ kʋdɔndʋ nɔɔyʋ yɔɔ cɛ kɩyakʋ kɩhɛzʋʋ wiye yaa pataala?»

Maatiyee 12:2

Palakaɣ ḿbʋ́ lɛ, Farɩsɩ ñɩma nabɛyɛ na-wɛ nɛ powolo peheyi Yesu se: «Cɔnɩ ŋna ñɔ-tɔmkpɛlɩkɩyaa lakʋʋ mbʋ́ paɖʋ Mooyiizi paɣtʋ taa se pataala kɩyakʋ kɩhɛzʋʋ wiye yɔ.»

Maatiyee 12:5

Yaa ɩtakalɩ Mooyiizi paɣtʋ takayɩsɩ taa se: cɔjɔnaa lakɩ tʋmɩyɛ Ɛsɔ ɖɩɣa taa halɩ pɩkpɛndɩnɩ kɩyakʋ kɩhɛzʋʋ wiye yaa we? Ɛlɛ́, payʋsaa yaa we?

Yohanɛɛsɩ 5:10

Pʋ-yɔɔ Yuda ñɩma awiya heyi-i se: «Sɔnɔ pɩkɛ kɩyakʋ kɩhɛzʋʋ, ɖa-paɣtʋ taha nʋmɔʋ se ŋsɩɣlɩ ña-ñalʋʋ.»

Yohanɛɛsɩ 7:21

Ecosi-wɛ se: «Hama lakasɩ kʋɖʋmsɩ malaba nɛ pɩɖɩɣzɩ mɩtɩŋa yaa we!

Yohanɛɛsɩ 9:16

Pa-taa nabɛyɛ tɔŋaɣ se: «Abalʋ weyi ɛlabɩ ḿbʋ́ yɔ, ɛɛpɩzɩɣ ɛlɩnɩ Ɛsɔ cɔlɔ, mbʋ́ pʋyɔɔ yɔ, ɛɛɖɔŋ kɩyakʋ kɩhɛzʋʋ paɣtʋ yɔɔ.» Lɛlaa se: «Ɛzɩma kɩwɛɛkɩm laɖʋ pɩzɩɣ ɛla hama lakasɩ ḿbʋ́?» Peeɖe pɩtayɩ pɛ-hɛkʋ taa.