Yohanɛɛsɩ 7:17 - New Testament

¹⁷ Weyi ɛcaɣ se ɛla mbʋ́ Ɛsɔ liu wɛɛ yɔ, ɛkɔŋ naʋ se mbʋ́ mawɩlɩɣ yɔ, Ɛsɔ cɔlɔ pɩlɩnaa yaa ma-maɣmaɣ mɔn-cɔlɔ pɩlɩnaa.

Yohanɛɛsɩ 7:17 ပူးပေါင်းရင်းမြစ်များ

Maatiyee 6:22

Yesu tasɩ-wɛ heyuu se: «Ɛyʋ ɛsɛ lɛ e-tomnaɣ kanɖʋ, ana ɛnaɣna. Yee ñɛ-ɛsɛ ɩnaɣ camɩyɛ yɔ, ñatɩŋa payɩ ŋwɛ ñalɩmɩyɛ taa.

Luka 8:15

Lɛlaa ñɛwɛ ɛzɩ tɛtʋ kɩbandʋ ndʋ́ tɩ-taa pee tɔlaa yɔ. Pewelesiɣ Ɛsɔtɔm nɛ hɔyɛ kɩbanɖɛ nɛ pamʋ-tʋ nesi naalɛ nɛ pañaɣ pana pɔɖɔ tɩ-yɔɔ nɛ tɩwɛɛ-wɛ kɛzɛɣa.»

Yohanɛɛsɩ 3:21

Ɛlɛ́, weyi ɛlakɩ toovenim yɔ, ɛlɩɣ ñalɩmɩyɛ taa se ɛyáa ɛna se mbʋ́ ɛlakɩ yɔ, pɩlɩnɩ Ɛsɔ cɔlɔ.»

Yohanɛɛsɩ 8:43

Pɩlabɩ ɛzɩma nɛ ɩɩnɩɣ tɔm ndʋ́ meheyiɣ-mɩ yɔ tɩ-tɔbʋʋ? Pʋwɛ ḿbʋ́, mbʋ́ pʋyɔɔ yɔ, ɩɩpɩzɩɣ iwelesi mɔn-tɔm.

Yohanɛɛsɩ 8:44

Mɩ-caa lɛ eleeu. Mbʋ́ e-liu wɛɛ yɔ, ḿbʋ́ ɩsɔɔlɩ labʋ. Ɛkɛ ɛyáa kʋyʋ ɖooo kiɖe tɛɛ. Ɛɛɖɔŋ toovenim nʋmɔʋ taa, mbʋ́ pʋyɔɔ yɔ, toovenim ḿbʋ́, pɩfɛyɩ ɛ-taa. Ɛkʋyʋʋ cɛtʋʋ lɛ, ɛyɔɔdʋʋ ɛzɩ ɛ-maɣmaɣ ɛwɛʋ yɔ: ɛkɛ cɛtɩyʋ, ɛ-cɔlɔ cɛtɩm lɩɣna.

Yohanɛɛsɩ 8:47

Weyi ɛkɛ Ɛsɔ ñɩnʋ yɔ, ewelesiɣ ɛ-tɔm. Ɛlɛ́, mɩ mɩtɛkɛ ɛ-ñɩma, pʋ-yɔɔ iiwelesiɣ ɛ-tɔm.»

Tʋma Labʋ 17:11

Peeɖe Yuda ñɩma lɩmaɣza kɛwɛ ɖeu nɛ pɩkɩlɩ Tesalooniki ñɩma, mbʋ́ pʋyɔɔ yɔ, paatisi Ɛsɔtɔm nɛ pa-laŋɩyɛ tɩŋa pilim. Paa ɖooye pañɩnaɣ Ɛsɔtɔm Takayaɣ taa se pana se tɔm ndʋ́ Pɔɔlɩ yɔɔdʋʋ yɔ, tɩkɛ toovenim na.