Yohanɛɛsɩ 7:16 - New Testament

¹⁶ Yesu cosi-wɛ se: «Mbʋ́ mawɩlɩɣ ɛyáa yɔ, pɩtalɩɩnɩ mɔn-cɔlɔ, ɛlɛ́, weyi etiyi-m yɔ, ɛ-cɔlɔ pɩlɩnaa.

Yohanɛɛsɩ 7:16 ပူးပေါင်းရင်းမြစ်များ

Yohanɛɛsɩ 14:10

Ŋtetisi se ma nɛ Caa ɖɩwɛ ɖama taa yaa we? Tɔm ndʋ́ meheyiɣ-mɩ yɔ, tɩtalɩɩnɩ mɔn-cɔlɔ. Ɛlɛ́, Caa wɛ mɔn-cɔlɔ, ɛnʋ lakɩnɩ ɛ-tʋmɩyɛ.

Yohanɛɛsɩ 14:24

Weyi ɛtɔsɔɔlɩ-m yɔ, ɛɛɖɔŋ mɔn-tɔm yɔɔ. Ndʋ́ meheyiɣ-mɩ ɛzʋnɔ yɔ, tɩtalɩnɩ mɔn-cɔlɔ, ɛlɛ́, man-Caa cɔlɔ tɩlɩnaa. Ɛnʋ tiyini-m.

Yohanɛɛsɩ 17:14

Mawɩlɩ-wɛ ñɔ-tɔm nɛ kedeŋa ñɩma paɖɩɣ-wɛ, mbʋ́ pʋyɔɔ yɔ, pa nɛ wɛ patakaa lɩmaɣza ɛzɩ ma nɛ kedeŋa ñɩma ḿbá ɖɩwɛʋ nɛ ɖɩtakaa lɩmaɣza yɔ.

Yohanɛɛsɩ 17:8

Mbʋ́ pʋyɔɔ yɔ, meheyi-wɛ tɔm ndʋ́ ŋheyi-m yɔ nɛ petisi-tʋ. Pana toovenim se ñɔ-cɔlɔ malɩnaa nɛ petisi se ñetiyini-m.

Yohanɛɛsɩ 3:11

Peeɖe Yesu heyi-i se: «Toovenim lɛ, meheyiɣ-ŋ se mbʋ́ ɖɩsɩma yɔ, pʋ-tɔm ɖɩyɔɔdʋʋ, mbʋ́ ɖɩnanɩ ɖɛ-ɛsɛ yɔ, pɩ-aseɣɖe ɖɩlɩzɩɣ. Ɛlɛ́, mɩ miitisiɣ.

Yohanɛɛsɩ 3:31

«Weyi palʋlɩ-ɩ tataa yɔ, ɛ-tɛ lɛ peeɖe, ɛyɔɔdʋʋ mbʋ́ pɩlakɩ tataa yɔ pʋ-tɔm. Weyi ɛ́lɛ́ lɩnɩ ɛsɔdaa yɔ, ɛkɩlɩ pɩtɩŋa payɩ.

Yohanɛɛsɩ 5:30

Yesu tasɩ yɔɔdʋʋ ɖɔɖɔ se: «Maapɩzɩɣ mala nabʋyʋ yem man-tɩ yɔɔ. Mahʋʋnɩ ɛyáa ɛzɩ Ɛsɔ heyuu-m yɔ. Mɔn-tɔm hʋʋ tʋʋzaa, mbʋ́ pʋyɔɔ yɔ, maacaɣ se mala me-liu ñɩm. Ɛlɛ́, malakɩ mbʋ́ weyi etiyi-m yɔ e-liu wɛɛ yɔ.»

Yohanɛɛsɩ 6:44

Man-Caa weyi etiyi-m yɔ, yee ɛtɔkɔnɩ nɔɔyʋ mɔn-cɔlɔ yɔ, pʋdʋ ɛɛpɩzɩɣ ɛkɔɔ. Weyi ɛkɔŋ mɔn-cɔlɔ yɔ, menfeziɣ-i kɛtɛzaɣ kɩyakʋ wiye nɛ sɩm taa.

Yohanɛɛsɩ 8:28

Peeɖe Yesu heyi-wɛ se: «Alɩwaatʋ ndʋ́ ɩkpazɩɣ Ɛyʋ Pɩyalʋ kaamaŋkaɣ yɔɔ yɔ, ɩtɩlɩɣ se: ‹Ma lɛ weyi mɛnkɛnaa yɔ.› Ɩtɩlɩɣ ɖɔɖɔ se maalakɩ pʋyʋ nɛ ma-maɣmaɣ mɔn-sɔɔlɩm: tɔm ndʋ́ man-Caa wɩlɩ-m yɔ, ńdʋ́ mɔyɔɔdʋʋ.

2 Yohanɛɛsɩ 1:9

Ɩtɩlɩ camɩyɛ se weyi ɛɖɛlɛsɩɣ niye nɛ ɛɛwɩlɩɣ Krɩstʋ tɔm tɩ-nasɩ taa yɔ, Ɛsɔ fɛyɩ ɛ-cɔlɔ. Weyi ɛ́lɛ́ wɩlɩɣ-tʋ tɩ-nasɩ taa yɔ, Ɛsɔ nɛ ɛ-Pɩyalʋ pɛwɛ ɛ-cɔlɔ.

Wɩlʋʋ 1:1

Mbʋ́ mbʋ́ Yesu Krɩstʋ wɩlaa yɔ, pʋ-tɔm pama takayaɣ kanɛ ka-taa. Ɛsɔ wɩlɩnɩ-ɩ-pʋ se ɛwɩlɩ ɛ-tʋmlaɖaa nɛ pana mbʋ́ pʋkɔŋ labʋ alɩwaatʋ pazɩ taa yɔ nɛ ɛtɩŋnɩ e-tiyiyu yɔɔ nɛ ɛwɩlɩ-pʋ ɛ-tʋmlaɖʋ Yohanɛɛsɩ.