Yohanɛɛsɩ 7:12 - New Testament

¹² Ɛyáa samaɣ yɔɔdaɣ ɛ-tɔm siŋŋ: nabɛyɛ se: «Ɛkɛ ɛyʋ kɩbanʋ.» Lɛlaa se: «Aayɩ, epeɣziɣ ɛyáa.»

Yohanɛɛsɩ 7:12 ပူးပေါင်းရင်းမြစ်များ

Maatiyee 10:25

Ɛlɛ́, yee tɔmkpɛlɩkɩyʋ ɛñɩtaa ɛtalɩ ɛ-wɩlɩyʋ nɛ tʋmlaɖʋ ñatalɩ ɛ́lɛ́ caa yɔ, pɩmaɣaɣ. Petekizi weyi ma mɛnkɛ mɩ-caa yɔ yaʋ se Belzeebuuli nɛ pɩcandɩnɩ mbá mɩ ɩkɛ men-piya yɔ?»

Maatiyee 21:46

Peeɖe pañɩnaɣ nʋmɔŋ tɩŋa se pakpa-ɩ. Ɛlɛ́, peseɣaɣ ɛyáa samaɣ, mbʋ́ pʋyɔɔ yɔ, kamaɣzaɣ se ɛkɛ náyʋ.

Maatiyee 27:63

nɛ peheyi-i se: «Đajaa! Đɩtɔzʋʋ se alɩwaatʋ ndʋ́ pɔbɔtʋ ɛnɛ ɛɛwɛnɩ ɛ-ɛsɛ yɔ, ɛtɔm se kɩyakɩŋ naadozo wayɩ lɛ, efeŋ.

Luka 18:19

Ɛlɛ́, ecosi-i se: «Pɩlabɩ ɛzɩma ŋyaɣ-m se kɩbanʋ? Nɔɔyʋ tɛkɛ kɩbanʋ nɛ pɩtasɩnɩ Ɛsɔ.

Luka 23:47

Peeɖe Room sɔɔja sɔsɔ na mbʋ́ pɩtɩŋa pɩlaba yɔ nɛ ɛsa Ɛsɔ nɛ ɛtɔ se: «Ɛnɛ, ɛɛkɛ ɛyʋ kʋtʋʋzʋ toovenim!»

Luka 23:50

Alɩwaatʋ ńdʋ́ tɩ-taa lɛ, Yuda ñɩma tɔm hʋyaa sɔsaa taa nɔɔyʋ kɛwɛ peeɖe, payaɣ-ɩ se Yozɛɛfʋ. Ɛ-tɛ lɛ Ariimatee, Yudee egeetiye taa. Ɛ-lɩmaɣza kɛwɛ ndɩ nɛ tɔm hʋyaa lɛlaa. Mbʋ́ pʋyɔɔ yɔ, ɛtaatisiɣ se pakʋ Yesu. Ɛɛkɛ ɛyʋ kʋtʋʋzʋ siŋŋ nɛ ɛwɛɛ Ɛsɔ Kewiyaɣ ɖaŋʋʋ yɔɔ.

Luka 6:45

Ɛyʋ kɩbanʋ yɔɔdʋʋ tɔm kɩbandʋ ndʋ́ tɩhaɣ ɛ-taa yɔ. Piyele kɩdɛkɛdʋʋ ñɔyɔɔdʋʋ kɩdɛkɛdɩtʋ ndʋ́ tɩhaɣ kʋkʋ taa yɔ. Mbʋ́ pʋyɔɔ yɔ, tɔm ndʋ́ tɩhaɣ ɛyʋ taa yɔ, ńdʋ́ lɩɣnɩ ɛ-nɔɔ taa.»

Luka 7:16

Peeɖe sɔɔndʋ kpa patɩŋa nɛ pasaŋ Ɛsɔ nɛ pɔtɔŋ se: «Náyʋ sɔsɔ nɔɔyʋ kɔm ɖɛ-hɛkʋ taa, Ɛsɔ kɔm ɛlɩzɩ ɛ-ɛyáa pɩ-taa.»

Yohanɛɛsɩ 6:14

Ɛyáa ḿbá, pana hama lakasɩ nzɩ́ Yesu laba yɔ lɛ, pɔtɔ se: «Toovenim, ɛnɛ lɛ náyʋ weyi paayɔɔdaa se ɛkɔŋ kedeŋa yɔɔ yɔ.»

Yohanɛɛsɩ 7:32

Pɩkɛdaa lɛ, Farɩsɩ ñɩma nɩɩ se ɛyáa samaɣ wɛɛtɩɣ ɖama Yesu tɔm. Peeɖe pa nɛ Yuda ñɩma cɔjɔnaa sɔsaa petiyi Ɛsɔ ɖɩɣa yɔɔ ɖaŋɩyaa nabɛyɛ se powolo pakpa-ɩ.

Yohanɛɛsɩ 7:47

Ɛlɛ́, Farɩsɩ ñɩma pɔzɩ-wɛ se: «Yaa iyebi mɩ-tɩ nɛ ɛcɛtɩ-mɩ ɖɔɖɔ?

Yohanɛɛsɩ 7:52

Peeɖe pɔpɔzɩ-ɩ se: «Ña ɖɔɖɔ ŋkɛ Galilee tʋ naa we? Yee ŋkalɩ Ɛsɔtɔm Takayaɣ camɩyɛ yɔ, ŋnaɣ se náyʋ nɔɔyʋ fɛyɩ se ɛkɛ Galilee egeetiye taa tʋ.» [

Yohanɛɛsɩ 9:16

Pa-taa nabɛyɛ tɔŋaɣ se: «Abalʋ weyi ɛlabɩ ḿbʋ́ yɔ, ɛɛpɩzɩɣ ɛlɩnɩ Ɛsɔ cɔlɔ, mbʋ́ pʋyɔɔ yɔ, ɛɛɖɔŋ kɩyakʋ kɩhɛzʋʋ paɣtʋ yɔɔ.» Lɛlaa se: «Ɛzɩma kɩwɛɛkɩm laɖʋ pɩzɩɣ ɛla hama lakasɩ ḿbʋ́?» Peeɖe pɩtayɩ pɛ-hɛkʋ taa.

Tʋma Labʋ 11:24

Barnaabaasɩ ɛnʋ, ɛɛkɛ ɛyʋ kɩbanʋ nɛ ɛwɛnɩ lidaʋ Ɛsɔ yɔɔ siŋŋ nɛ ɛ́lɛ́ Fezuu Kiɖeɖeu wɛɛ ɛ-yɔɔ. Alɩwaatʋ ńdʋ́ʋ́ ɛyáa sakɩyɛ sɔzɩ mbá pɛwɛnɩ lidaʋ Kɩpaɣlʋ yɔɔ yɔ pɔ-yɔɔ.

Room 5:7

Paa ɛyʋ ɛtʋʋzaa yɔ, pʋwɛ kaɖɛ siŋŋ se nɔɔyʋ etisi nɛ ɛsɩ ɛ-yɔɔ. Pʋtɔmaɣ yɔ, ɛyʋ kɩbanʋ yɔɔ nɔɔyʋ pɩzɩɣ etisi nɛ ɛsɩ.

Filiipu 2:14

Mbʋ́ pɩtɩŋa payɩ ɩlakɩ yɔ, ɩlabɩ-pʋ, ɛlɛ́, ɩtaamidi mi-liŋ tɛɛ nɛ ɩhɔŋnɩ ɖama tɔm.