Yohanɛɛsɩ 6:41 - New Testament

⁴¹ Yuda ñɩma midaɣnɩ Yesu pe-liŋ tɛɛ se ɛyɔɔdaa se: «Ma lɛ tɔɔnaɣ ŋgá kalɩnɩ ɛsɔdaa nɛ ketii yɔ.»

Yohanɛɛsɩ 6:41 ပူးပေါင်းရင်းမြစ်များ

Luka 15:2

Peeɖe Farɩsɩ ñɩma nɛ paɣtʋ wɩlɩyaa pa-taa wɩnɩ-ɩ nɛ pɔyɔɔdʋʋ pa-taa pe-ɖeke se: «Ɩna ɛzɩma mbʋ́ ɛ nɛ kɩwɛɛkɩm laɖaa pɛkpɛndaa pɔtɔkɩ yɔ!»

Luka 19:7

Mbá patɩŋa pana ḿbʋ́ yɔ, pɩtamaɣ-wɛ nɛ pemidiɣ pa-taa pe-ɖeke se: «Halɩ ɛkʋyaa nɛ ewolo ɛsʋʋ kɩwɛɛkɩm laɖʋ tɛ!»

Luka 5:30

Peeɖe pɩtɛkɛdɩnɩ Farɩsɩ ñɩma nɛ paɣtʋ wɩlɩyaa mbá pɛkɛ pɔ-hɔɔlʋʋ taa ñɩma yɔ nɛ pɔpɔzɩ Yesu tɔmkpɛlɩkɩyaa se: «Pɩlabɩ ɛzɩma mɩ nɛ tikee mʋyaa nɛ kɩwɛɛkɩm laɖaa lɛlaa ɩkpɛndɩ ɩtɔkɩ nɛ ɩñɔʋ?»

Yohanɛɛsɩ 1:19

Yuda ñɩma ñʋndɩnaa kʋsɩ pɔ-cɔjɔnaa nɛ Leevi liɖe taa ñɩma nɛ Yeruusalɛm nɛ petiyi-wɛ se powolo pɔpɔzɩ Yohanɛɛsɩ se: «Ña lɛ anɩ?» Ɛlɛ́, ɛlɩzɩ aseɣɖe patɩŋa pɛ-ɛsɩndaa yem kpayɩ se: «Pɩtɛkɛ ma lɛ Weyi Ɛsɔ Lɩzaa Yɔ.»

Yohanɛɛsɩ 6:33

Mbʋ́ pʋyɔɔ yɔ, tɔɔnaɣ ŋgá Ɛsɔ haɣ yɔ lɛ ɛyʋ weyi ɛlɩnɩ ɛsɔdaa nɛ ɛhaɣ ɛyáa wezuu yɔ.»

Yohanɛɛsɩ 6:43

Ɛlɛ́, Yesu heyi-wɛ se: «Iyele miduu ḿbʋ́.

Yohanɛɛsɩ 6:48

Ma lɛ tɔɔnaɣ ŋgá kahaɣ wezuu yɔ.

Yohanɛɛsɩ 6:58

Tɔɔnaɣ ŋgá kalɩnɩ ɛsɔdaa yɔ, ŋ́gá lɛ. Kɛfɛyɩ ɛzɩ ŋgá mɩ-cɔzɔnaa tɔwaa yɔ: paba ñasɩba. Weyi ɛtɔkɩ-kɛ yɔ, ɛcakɩ wezuu tam.»

Yohanɛɛsɩ 6:60

Yesu tɔmkpɛlɩkɩyaa nɩ ḿbʋ́ lɛ, pa-taa sakɩyɛ yɔɔdɩ se: «Tɔm tʋnɛ, tɩwɛ kaɖɛ. Apɩzɩɣ etisi-tʋ?»

Yohanɛɛsɩ 6:66

Pɩkpaɣnɩ alɩwaatʋ ńdʋ́ lɛ, ɛ-tɔmkpɛlɩkɩyaa sakɩyɛ ha-ɩ siɣ́ye nɛ paatasɩɣ-ɩ tɩŋʋʋ.

Yohanɛɛsɩ 7:12

Ɛyáa samaɣ yɔɔdaɣ ɛ-tɔm siŋŋ: nabɛyɛ se: «Ɛkɛ ɛyʋ kɩbanʋ.» Lɛlaa se: «Aayɩ, epeɣziɣ ɛyáa.»

1 Kɔrɛntɩ 10:10

Pɩfɛyɩ ɖɔɖɔ se imidi ɛzɩ pa-taa lɛlaa kemiduu nɛ sɩm tiyiyu kʋ-wɛ yɔ.

Yuudi 1:16

Ɛyáa ḿbá, pɔ-nɔsɩ taa ɛɛnɩɣ nɛ pɛwɛɛ patɩmɩɣ. Palakɩ kɩdɛkɛdɩm mbʋ́ pa-maɣmaɣ pe-liu wɛɛ yɔ. Pɔyɔɔdʋʋ tɔm camɩyɛ nɛ pepeɣziɣ ɛyáa nɛ pɔ-nɔɔ leleŋ se pehiɣ kɛzɛɣa.