Yohanɛɛsɩ 5:44 - New Testament

⁴⁴ Mbá mɩ ɩyɩɣyɩɣ ɖama nɛ ɩɩcaɣ se Ɛsɔ ɖeke koŋ ɛyɩɣyɩnɩ-mɩ yɔ, ɛzɩma ɩpɩzɩɣ ɩwɛnɩ lidaʋ mɔ-yɔɔ?

Yohanɛɛsɩ 5:44 ပူးပေါင်းရင်းမြစ်များ

Maatiyee 23:5

Palakɩ pɩtɩŋa payɩ se ɛyáa ɛna-wɛ. Pʋ-yɔɔ pamaɣ Ɛsɔtɔm tɔnzɩ nzɩ́ sɩkɩlɩ walʋʋ yɔ sɩ-yɔɔ nɛ pataŋ pe-nesi nɛ pe-kila pa-taa. Pataŋ ɖɔɖɔ po-tokonaa nesi taa toma nɛ akɩlɩɣ lɛlaa tɛ.

Luka 19:17

Ɛlɛ́, wiyaʋ heyi-i se: ‹Pʋwɛ ɖeu, ŋkɛ tʋmlaɖʋ kɩbanʋ. Đenɖe ŋlabɩ mbʋ́ pʋpɔzʋʋ yɔ cikpem taa yɔ, ŋtɔkɩ kewiyaɣ tɛtʋ hiu taa.›

Yohanɛɛsɩ 12:43

Paasɔɔlaa se ɛyáa ɛyɩɣyɩ-wɛ nɛ pɩkɩlɩ Ɛsɔ yɩɣyʋʋ-wɛ yɔ.

Yohanɛɛsɩ 17:3

Ŋgʋ́, wezuu maatɛŋ lɛ se patɩlɩ weyi ña ñe-ɖeke koŋ lɛ Ɛsɔ siŋŋ yɔ nɛ ma Yesu Krɩstʋ weyi ŋtiyaa yɔ.

Yohanɛɛsɩ 3:20

Weyi ɛlakɩ ɛzaɣ́tʋ yɔ, ɛɛcaɣ ñalɩmɩyɛ kpem, ɛɛñɔtʋʋnɩ-ɖɩ ɖɔɖɔ: eseɣ se pataana mbʋ́ ɛlakɩ yɔ nɛ pakʋyɩ ɛ-yɔɔ.

Yohanɛɛsɩ 5:41

Pɩtɛkɛ ɛyáa samtʋ mañɩnɩɣ.

Yohanɛɛsɩ 8:43

Pɩlabɩ ɛzɩma nɛ ɩɩnɩɣ tɔm ndʋ́ meheyiɣ-mɩ yɔ tɩ-tɔbʋʋ? Pʋwɛ ḿbʋ́, mbʋ́ pʋyɔɔ yɔ, ɩɩpɩzɩɣ iwelesi mɔn-tɔm.

Room 2:10

Weyi ɛlakɩ camɩyɛ yɔ, ɛwɛɣ koboyaɣ nɛ laŋhɛzɩyɛ pa-taa, paɖʋʋ-ɩ hɩɖɛ. Pɩpazɩɣnɩ Yuda ñɩma nɛ pʋkɔɔ pɩtamnɩ mbá pɛtɛkɛ Yuda ñɩma yɔ!

Room 2:29

Ɛlɛ́, mbʋ́ pʋwɛ ɛyʋ taa yɔ, ḿbʋ́ wɩlɩɣna se ɛkɛ Yuda tʋ siŋŋ. Pɛlʋʋ siŋŋ lɛ mbʋ́ pɩlɩnɩ Fezuu Kiɖeɖeu cɔlɔ nɛ pʋwɛɛ ɛyʋ taa yɔ. Pɩtɛkɛ mbʋ́ pɩlɩnɩ paɣtʋ taa yɔ. Yuda tʋ siŋŋ ɛnʋ, pɩtɛkɛ ɛyáa saŋnɩ-ɩ, ɛlɛ́, Ɛsɔ saŋnɩ-ɩ.

Room 2:7

ɛhaɣ mbá pañakɩ pana se pala camɩyɛ yɔ wezuu maatɛŋ. Palakɩ ḿbʋ́ se ɛha-wɛ e-koboyaɣ nɛ ɛɖʋ-wɛ hɩɖɛ nɛ ɛha-wɛ mbʋ́ pɩɩɖazɩɣ yɔ.

1 Kɔrɛntɩ 4:5

Pʋ-yɔɔ lɛ, ɩtaahʋʋnɩ ɖama nɛ pʋcɔ alɩwaatʋ ndʋ́ Ɛsɔ ɖʋwa se Kɩpaɣlʋ kɔŋ yɔ, tɩtalɩ. Ɛnʋ lɩzɩɣnɩ mbʋ́ pʋwɛ cɩkpɛndʋʋ taa yɔ nɛ ɛwɩlɩ. Ɛnʋ kuluuni ɖɔɖɔ mbʋ́ ɛyáa maɣzɩɣ pa-taa yɔ pʋ-yɔɔ. Peeɖe Ɛsɔ saŋ paa weyi mbʋ́ ɛlaba yɔ pʋ-yɔɔ.

2 Kɔrɛntɩ 10:18

Mbʋ́ pʋyɔɔ yɔ, pɩtɛkɛ weyi ɛsaŋ ɛ-tɩ yɔ, ɛkɛnɩnɩ kɩbanʋ Kɩpaɣlʋ ɛsɩndaa. Ɛlɛ́, weyi Kɩpaɣlʋ saŋ-ɩ yɔ, ɛnʋ lɛ kɩbanʋ.

Filiipu 2:3

Ɩtaala nabʋyʋ se ɩkɩlɩnɩ lɛlaa yaa ɩkʋndɩnɩ-pʋ falaa. Ɛlɛ́, iluzi mɩ-tɩ ɖama tɛɛ, paa weyi ɛkpaɣ lɛlaa se pakɩlɩ ɛ-maɣmaɣ.

1 Tesalooniki 2:6

Pɩtɛkɛ se ɖɩñɩnɩɣ se ɛyáa ɛsam-ɖʋ: paa mɩ yaa nabɛyɛ.

1 Timootee 1:17

Ɛyáa tɩŋa payɩ ɛsam-ɩ nɛ paɖʋ-ɩ hɩɖɛ tam. Mbʋ́ pʋyɔɔ yɔ, ɛnʋ lɛ Wiyaʋ sɔsɔ weyi e-kewiyaɣ tɔɔʋ fɛyɩ tɩnaɣ yɔ, ɛɛsɩkɩ, nɔɔyʋ ɛɛnaɣ-ɩ, e-ɖeke koŋ lɛ Ɛsɔ tam! Pɩla ḿbʋ́!

Ebree 3:12

Pʋ-yɔɔ lɛ, taabalaa! Ɩɖɔkɩ mɩ-tɩ camɩyɛ nɛ mɩ-taa nɔɔyʋ ɛtaawɛnɩ kañadɩnaa nɛ mbá paañaŋ Ɛsɔ yɔ pɔ-hɔ nɛ pʋdʋ kɔɔ ɛha Ɛsɔ wezuu tʋ siɣ́ye!

Yakubu 2:1

Man-taabalaa! Đenɖe ɩwɛnɩ lidaʋ ɖa-Kɩpaɣlʋ Yesu Krɩstʋ weyi ɛwɛ Ɛsɔ koboyaɣ taa yɔ ɛ-yɔɔ yɔ, ɩtaacɔnɩ nɔɔyʋ ɛsɩndaa nɛ pʋcɔ ɩlabɩ-ɩ pʋyʋ.

1 Pɩyɛ 1:7

Pɩlakɩ-mɩ ḿbʋ́ se pana ɛzɩma mbʋ́ ɩwɛnɩ lidaʋ siŋŋ Ɛsɔ yɔɔ yɔ. Sika wɛʋ yɔ, kɔkɔŋ mʋʋ́ʋ. Paa ḿbʋ́ yɔ, paɖʋʋ-kɛ miŋ taa se pana se kɛkɛ kɩbaŋga naa kɛtɛkɛ. Ḿbʋ́ ɖɔɖɔ Ɛsɔ maɣzɩɣ mbá mɩ mi-lidaʋ kɩlɩ sika wazaɣ yɔ se ɛna kɩ-tɩnaɣ. Ḿbʋ́ yekina nɛ ɛsam-mɩ nɛ ɛɖʋ-mɩ hɩɖɛ kɩyakʋ ŋgʋ́ Yesu Krɩstʋ lɩzɩɣ ɛ-tɩ nɛ ɛwɩlɩ yɔ.