Yohanɛɛsɩ 5:30 - New Testament

³⁰ Yesu tasɩ yɔɔdʋʋ ɖɔɖɔ se: «Maapɩzɩɣ mala nabʋyʋ yem man-tɩ yɔɔ. Mahʋʋnɩ ɛyáa ɛzɩ Ɛsɔ heyuu-m yɔ. Mɔn-tɔm hʋʋ tʋʋzaa, mbʋ́ pʋyɔɔ yɔ, maacaɣ se mala me-liu ñɩm. Ɛlɛ́, malakɩ mbʋ́ weyi etiyi-m yɔ e-liu wɛɛ yɔ.»

Yohanɛɛsɩ 5:30 ပူးပေါင်းရင်းမြစ်များ

Maatiyee 26:39

Ɛlɛ́, etuzi ɛ-tɩ ɛsɩndaa pazɩ nɛ eluŋ nɛ ɛpa ɛ-ɛsɛ nɛ tɛtʋ nɛ etendi Ɛsɔ se: «Man-Caa! Yee ŋtisiɣ yɔ, taayele nɛ kʋñɔŋ ŋ́gʋ́ kɩtalɩ-m. Ɛlɛ́, la mbʋ́ ñe-liu wɛɛ yɔ, taala mbʋ́ me-liu wɛɛ yɔ.»

Yohanɛɛsɩ 14:10

Ŋtetisi se ma nɛ Caa ɖɩwɛ ɖama taa yaa we? Tɔm ndʋ́ meheyiɣ-mɩ yɔ, tɩtalɩɩnɩ mɔn-cɔlɔ. Ɛlɛ́, Caa wɛ mɔn-cɔlɔ, ɛnʋ lakɩnɩ ɛ-tʋmɩyɛ.

Yohanɛɛsɩ 17:4

Meyeba nɛ ña-hɩɖɛ sɛɛ tataa cɩnɛ nɛ mɛntɛzɩ labʋ tʋmɩyɛ nɖɩ́ ŋɖʋ-m yɔ.

Yohanɛɛsɩ 18:11

Peeɖe Yesu heyi-i se: «Pɩsɩnɩ ña-sɩɣa ko-huyuu taa. Ŋmaɣzɩɣ se maatɔkɩ kʋñɔŋ ŋgʋ́ Caa ɖʋwa se mɔntɔɔ yɔ yaa we?»

Yohanɛɛsɩ 4:34

Ɛlɛ́, Yesu heyi-wɛ se: «Mɔn-tɔɔnaɣ lɛ se mala mbʋ́ weyi etiyi-m yɔ e-liu wɛɛ yɔ nɛ mala tʋmɩyɛ nɖɩ́ ɛɖʋ-m yɔ nɛ mɛntɛm-ɖɩ.»

Yohanɛɛsɩ 5:19

Peeɖe Yesu kaɖɩ-wɛ se: «Toovenim lɛ, meheyiɣ-mɩ se ma Ɛsɔ Pɩyalʋ lɛ, maapɩzɩɣ mala nabʋyʋ yem man-tɩ yɔɔ. Mbʋ́ man-Caa Ɛsɔ lakɩ nɛ manaɣ yɔ, pi-ɖeke koŋ malakɩ. Mbʋ́ pɩtɩŋa payɩ man-Caa lakɩ yɔ, ḿbʋ́ ɖɔɖɔ malakɩ.

Yohanɛɛsɩ 6:38

Mbʋ́ pʋyɔɔ yɔ, malɩnɩ ɛsɔdaa mentii se mala mbʋ́ weyi etiyi-m yɔ e-liu wɛɛ yɔ. Mɔntɔkɔɔ se mala mbʋ́ me-liu wɛɛ yɔ.

Yohanɛɛsɩ 8:28

Peeɖe Yesu heyi-wɛ se: «Alɩwaatʋ ndʋ́ ɩkpazɩɣ Ɛyʋ Pɩyalʋ kaamaŋkaɣ yɔɔ yɔ, ɩtɩlɩɣ se: ‹Ma lɛ weyi mɛnkɛnaa yɔ.› Ɩtɩlɩɣ ɖɔɖɔ se maalakɩ pʋyʋ nɛ ma-maɣmaɣ mɔn-sɔɔlɩm: tɔm ndʋ́ man-Caa wɩlɩ-m yɔ, ńdʋ́ mɔyɔɔdʋʋ.

Yohanɛɛsɩ 8:42

Ɛlɛ́, Yesu heyi-wɛ se: «Yee toovenim Ɛsɔ ɛɛkɛ mɩ-Caa yɔ, ɩɩsɔɔlɩ-m. Mbʋ́ pʋyɔɔ yɔ, ɛ-cɔlɔ malɩnaa nɛ mɔnkɔɔ mɛwɛɛ cɩnɛ. Pɩtɛkɛ mon-ɖoŋ mɔnkɔmnaa, ɛlɛ́, ɛnʋ tiyini-m.

Yohanɛɛsɩ 8:50

Ma lɛ, maañɩnɩɣ mon-koboyaɣ. Ɛlɛ́, nɔɔyʋ wɛɛ, ɛnʋ ñɩnɩɣnɩ-kɛ, ɛnʋ hʋʋnɩ tɔm.

Room 15:3

Mbʋ́ pʋyɔɔ yɔ, Krɩstʋ tanɩɩnɩ mbʋ́ pɩkɛdɩnɩ ɛ-maɣmaɣ yɔ. Ɛlɛ́, pɩtalɩ-ɩ e-wezuu caɣʋ taa ɛzɩ pamaʋ Ɛsɔtɔm Takayaɣ taa se: «Tʋtʋ ndʋ́ patʋ ña Ɛsɔ yɔ, tɩpɩsɩ mɔ-yɔɔ» yɔ.

Room 2:2

Đɩnawa se Ɛsɔ hʋʋnɩ mbá palakɩ ḿbʋ́ yɔ nɛ toovenim.

Room 2:5

Ɛlɛ́, ña-laŋɩyɛ wɛ kpɩzɩŋ nɛ ŋŋcaɣ lɛɣzʋʋ. Pʋ-yɔɔ lɛ, Ɛsɔ pana tɛzɩɣ-ŋ kpanaʋ siŋŋ kɩyakʋ ŋgʋ́ ɛhʋʋnɩ ɛyáa tɔm siɣsiɣ yɔ.