Yohanɛɛsɩ 5:18 - New Testament

¹⁸ Ɛyɔɔdɩ ḿbʋ́ lɛ, Yuda ñɩma awiya tɛzɩɣ ñɩnʋʋ se pakʋ-ɩ. Mbʋ́ pʋyɔɔ yɔ, pɩtasɩɩnɩ se ɛtɔɖɔ kɩyakʋ kɩhɛzʋʋ paɣtʋ yɔɔ, ɛlɛ́, ɛtɔm ɖɔɖɔ se Ɛsɔ lɛ ɛ-Caa nɛ pɩwɩlɩɣ se ɛ nɛ ɩ pɛwɛ kɩmaŋ.

Yohanɛɛsɩ 5:18 ပူးပေါင်းရင်းမြစ်များ

Maatiyee 12:5

Yaa ɩtakalɩ Mooyiizi paɣtʋ takayɩsɩ taa se: cɔjɔnaa lakɩ tʋmɩyɛ Ɛsɔ ɖɩɣa taa halɩ pɩkpɛndɩnɩ kɩyakʋ kɩhɛzʋʋ wiye yaa we? Ɛlɛ́, payʋsaa yaa we?

Yohanɛɛsɩ 1:19

Yuda ñɩma ñʋndɩnaa kʋsɩ pɔ-cɔjɔnaa nɛ Leevi liɖe taa ñɩma nɛ Yeruusalɛm nɛ petiyi-wɛ se powolo pɔpɔzɩ Yohanɛɛsɩ se: «Ña lɛ anɩ?» Ɛlɛ́, ɛlɩzɩ aseɣɖe patɩŋa pɛ-ɛsɩndaa yem kpayɩ se: «Pɩtɛkɛ ma lɛ Weyi Ɛsɔ Lɩzaa Yɔ.»

Yohanɛɛsɩ 10:30

Ma nɛ man-Caa ɖɩkɛ kʋɖʋm.»

Yohanɛɛsɩ 10:33

Paba cosi-i se: «Pɩtɛkɛ tʋmɩyɛ kɩbanɖɛ naɖɩyɛ yɔɔ ɖɩcaɣ se ɖɩkʋ-ŋ nɛ pɛɛ. Ɛlɛ́, ɖɩkʋʋ-ŋ se ŋwɛɛkɩ Ɛsɔ hɩɖɛ: ŋkɛ ɛyʋ yem nɛ ŋyaɣ ña-tɩ se Ɛsɔ.»

Yohanɛɛsɩ 14:23

Yesu cosi-i se: «Weyi ɛsɔɔlɩ-m yɔ, ɛɖɔŋ mɔn-tɔm yɔɔ. Man-Caa sɔɔlʋʋ-ɩ nɛ ma nɛ ɩ ɖiwolo ɖɩwɛɛ pʋdʋ tɛ.

Yohanɛɛsɩ 14:9

Yesu cosi-i se: «Filiipu! Đooo ma nɛ mɩ ɖɩwɛʋ yɔ, ŋtasɩm-m yaa we? Weyi ɛna-m yɔ, ɛna Caa. Pɩlabɩ ɛzɩma nɛ ŋtɔŋ se mawɩlɩ-mɩ Caa yɔ?

Yohanɛɛsɩ 19:7

Pocosi-i se: «Đɩwɛnɩ paɣtʋ natʋyʋ, tɩ-yɔɔ lɛ, pʋwɛɛ se abalʋ ɛnʋ ɛsɩ. Mbʋ́ pʋyɔɔ yɔ, ɛkaɖɩ kpayɩ se ɛnʋ lɛ Ɛsɔ Pɩyalʋ.»

Yohanɛɛsɩ 5:15

Peeɖe abalʋ ɛnʋ ewobi eheyi Yuda ñɩma awiya se Yesu labɩna nɛ ɛ-yɔɔ cɛ.

Yohanɛɛsɩ 5:16

Pʋ-yɔɔ pakʋyɩ ɛ́lɛ́ yɔɔ, mbʋ́ pʋyɔɔ yɔ, kɩyakʋ kɩhɛzʋʋ wiye ɛlabɩ ḿbʋ́.

Yohanɛɛsɩ 5:17

Peeɖe Yesu heyi-wɛ se: «Man-Caa Ɛsɔ lakɩ tʋmɩyɛ tam, ma ɖɔɖɔ ḿbʋ́.»

Yohanɛɛsɩ 5:23

nɛ piyele patɩŋa paɖʋ Ɛsɔ Pɩyalʋ hɩɖɛ ɛzɩ paɖʋʋ Caa Ɛsɔ yɔ. Weyi ɛɛɖʋʋ Ɛsɔ Pɩyalʋ hɩɖɛ yɔ, ɛɛɖʋʋ-ɖɩ ɖɔɖɔ Caa Ɛsɔ weyi etiyi-i yɔ.

Yohanɛɛsɩ 7:1

Pʋwayɩ lɛ, Yesu kʋyɩ nɛ ɛcɔʋ Galilee egeetiye taa. Ɛtaasɔɔlɩ se ɛcɔɔ Yudee ñɩnɖɛ taa, mbʋ́ pʋyɔɔ yɔ, Yuda ñɩma ñʋndɩnaa ñɩnaɣ se pakʋ-ɩ.

Yohanɛɛsɩ 7:19

Pɩcaɣaɣ Mooyiizi ɖʋ-mɩ paɣtʋ na? Ŋgʋ́, mɩ-taa nɔɔyʋ ɛɛɖɔŋ tɩ-yɔɔ. Pɩlabɩ ɛzɩma nɛ ɩcaɣ se ɩkʋ-m?»

Yohanɛɛsɩ 8:54

Peeɖe Yesu cosi-wɛ se: «Yee ma-maɣmaɣ meyekina se ma-hɩɖɛ ɛsɛɛ yɔ, pɩfɛyɩnɩ waɣzaɣ nakɛyɛ. Ɛlɛ́, man-Caa yekina se ɖɩsɛɛ. Ɛnʋ ɩtɔŋ se ɛnʋ lɛ mɩ-Ɛsɔ.

Yohanɛɛsɩ 8:58

Ecosi-wɛ se: «Toovenim lɛ, meheyiɣ-mɩ se maawɛɛ nɛ pʋcɔ palʋlɩ Abraham.»

Filiipu 2:6

Ɛ nɛ Ɛsɔ paawɛ kɩmaŋ. Ɛlɛ́, ɛtakpaɣ ɖɔndɩyɛ ńɖɩ́ nɛ ɛ́yáa pʋyʋ.

Wɩlʋʋ 22:1

Ɛsɔ tiyiyu ɛnʋ, ɛwɩlɩ-m ɖɔɖɔ pɔɔ ŋgá ka-taa lɩm haɣ wezuu yɔ. Lɩm ḿbʋ́, pʋwɛ kele kele ɛzɩ ñɩnʋʋ yɔ. Pɩlɩɣaɣnɩ Ɛsɔ nɛ Heɣa pe-kewiyaɣ kpelaɣ tɛɛ.

Wɩlʋʋ 22:3

Mbʋ́ Ɛsɔ wɩlɩ kpalʋʋ yɔ, pɩɩtasɩɣ wɛʋ tɩ-taa. Ɛsɔ nɛ Heɣa pe-kewiyaɣ kpelaɣ wɛɣ tɩ-taa. Ɛ-tʋmlaɖaa kɔŋ ɛ-tɛɛ luŋuu.