Yohanɛɛsɩ 4:34 - New Testament

³⁴ Ɛlɛ́, Yesu heyi-wɛ se: «Mɔn-tɔɔnaɣ lɛ se mala mbʋ́ weyi etiyi-m yɔ e-liu wɛɛ yɔ nɛ mala tʋmɩyɛ nɖɩ́ ɛɖʋ-m yɔ nɛ mɛntɛm-ɖɩ.»

Yohanɛɛsɩ 4:34 ပူးပေါင်းရင်းမြစ်များ

Maatiyee 26:39

Ɛlɛ́, etuzi ɛ-tɩ ɛsɩndaa pazɩ nɛ eluŋ nɛ ɛpa ɛ-ɛsɛ nɛ tɛtʋ nɛ etendi Ɛsɔ se: «Man-Caa! Yee ŋtisiɣ yɔ, taayele nɛ kʋñɔŋ ŋ́gʋ́ kɩtalɩ-m. Ɛlɛ́, la mbʋ́ ñe-liu wɛɛ yɔ, taala mbʋ́ me-liu wɛɛ yɔ.»

Maatiyee 3:15

Ɛlɛ́, Yesu cosi-i se: «Yele pɩla ḿbʋ́ lɛɛlɛɛyɔ. Ḿbʋ́ pʋmʋnaa se ɖɩla mbʋ́ pɩtɩŋa payɩ pʋtʋʋzaa yɔ.» Eheyi Yohanɛɛsɩ ḿbʋ́ lɛ, ɛ́lɛ́ tisi nɛ ɛlabɩ-ɩ lɩm sɔʋ sɔnzɩ.

Maatiyee 9:19

Peeɖe Yesu nɛ ɛ-tɔmkpɛlɩkɩyaa pakʋyaa patɩŋ-ɩ.

Luka 15:10

Meheyiɣ-mɩ se ḿbʋ́ ɖɔɖɔ pʋwɛɛ: yee kɩwɛɛkɩm laɖʋ kʋɖʋm nɔɔyʋ ɛlɛɣzɩ wɛtʋ yɔ, Ɛsɔ tiyiyaa laŋa hʋlʋmʋʋ ɖeu.»

Luka 19:10

Mbʋ́ pʋyɔɔ yɔ, Ɛyʋ Pɩyalʋ kɔm se ɛñɩnɩ mbá peleba yɔ nɛ ɛya pa-ñʋʋ.»

Luka 2:49

Ɛlɛ́, Yesu pɔzɩ-wɛ se: «Pɩlabɩ ɛzɩma nɛ ɩñɩnɩɣ-m? Ɩtatɩlɩ se pʋmʋnaa se mɛwɛɛ man-Caa ɖɩɣa taa yaa we?»

Yohanɛɛsɩ 17:4

Meyeba nɛ ña-hɩɖɛ sɛɛ tataa cɩnɛ nɛ mɛntɛzɩ labʋ tʋmɩyɛ nɖɩ́ ŋɖʋ-m yɔ.

Yohanɛɛsɩ 19:28

Yesu nawa se mbʋ́ pɩtɩŋa payɩ pɩɩwɛɛ se pɩla yɔ, pɩlaba lɛ, ɛtɔ se lɔkɔtʋ ɖɛ-m. Ɛyɔɔdɩ ḿbʋ́ se pɩla ɛzɩ pamaʋ Ɛsɔtɔm Takayaɣ taa yɔ.

Yohanɛɛsɩ 19:30

Ɛmʋzaa lɛ, ɛtɔ se: «Pɩtɩŋa payɩ pɩlaba!» Ɛlɛ́, ɛsɔ ñʋʋ nɛ ɛhɛɛ.

Yohanɛɛsɩ 4:32

Ɛlɛ́, ecosi-wɛ se: «Mɔntɔkɩ tɔɔnaɣ ŋgá yɔ, ɩtasɩm-kɛ.»

Yohanɛɛsɩ 5:30

Yesu tasɩ yɔɔdʋʋ ɖɔɖɔ se: «Maapɩzɩɣ mala nabʋyʋ yem man-tɩ yɔɔ. Mahʋʋnɩ ɛyáa ɛzɩ Ɛsɔ heyuu-m yɔ. Mɔn-tɔm hʋʋ tʋʋzaa, mbʋ́ pʋyɔɔ yɔ, maacaɣ se mala me-liu ñɩm. Ɛlɛ́, malakɩ mbʋ́ weyi etiyi-m yɔ e-liu wɛɛ yɔ.»

Yohanɛɛsɩ 5:36

Ma lɛ, malɩzɩɣ aseɣɖe nɖɩ́ ɖɩkɩlɩ Yohanɛɛsɩ ñɩnɖɛ yɔ. Mbʋ́ pʋyɔɔ yɔ, tʋma wena man-Caa ɖʋ-m nɛ malakɩ yɔ, a-maɣmaɣ alɩzɩɣnɩ ma-aseɣɖe se Caa Ɛsɔ tiyini-m.

Yohanɛɛsɩ 6:33

Mbʋ́ pʋyɔɔ yɔ, tɔɔnaɣ ŋgá Ɛsɔ haɣ yɔ lɛ ɛyʋ weyi ɛlɩnɩ ɛsɔdaa nɛ ɛhaɣ ɛyáa wezuu yɔ.»

Yohanɛɛsɩ 6:38

Mbʋ́ pʋyɔɔ yɔ, malɩnɩ ɛsɔdaa mentii se mala mbʋ́ weyi etiyi-m yɔ e-liu wɛɛ yɔ. Mɔntɔkɔɔ se mala mbʋ́ me-liu wɛɛ yɔ.

Yohanɛɛsɩ 8:29

Weyi etiyi-m yɔ, ɛwɛ mɔn-cɔlɔ, eteyebi-m men-ɖeke. Mbʋ́ pʋyɔɔ yɔ, malakɩ mbʋ́ pɩkɛdɩnɩ-ɩ yɔ alɩwaatʋ tɩŋa.»

Tʋma Labʋ 20:35

Mawɩlɩ-mɩ pɩtɩŋa pɩ-taa se ḿbʋ́ pʋwɛɛ se ɩla tʋmɩyɛ nɛ ɩsɩnɩ kʋñɔndɩnaa nɛ ɖatɩŋa ɖɩtɔzɩ tɔm ndʋ́ Kɩpaɣlʋ Yesu maɣmaɣ yɔɔdaa yɔ tɩ-yɔɔ. Ńdʋ́ lɛ se: ‹Ɛyʋ haʋ lɛlʋ pʋyʋ yɔ, pɩlakɩ-ɩ leleŋ pɩŋŋ nɛ pɩkɩlɩ ɛzɩ pahaʋ ɛ-maɣmaɣ yɔ.› »

Ebree 12:2

Đɩkɛzɩ ɛsɛ nɛ Yesu yɔɔ: ɛnʋ sɩnɩ ɖe-lidaʋ kiɖe, ɛnʋ kɔŋnɩ-kʋ tɛzʋʋ. Etisaa nɛ pakam-ɩ kaamaŋkaɣ yɔɔ nɛ ɛsɩ. Ɛlɛ́, fɛyɛ takpa-ɩ nɛ kaamaŋkaɣ yɔɔ sɩm ḿbʋ́, mbʋ́ pʋyɔɔ yɔ, ɛnawa se ɛkɔŋ wɛʋ laŋhʋlʋmɩyɛ taa. Lɛɛlɛɛyɔ, ɛcaɣ Ɛsɔ kewiyaɣ kpelaɣ cɔlɔ lone kɩbanɖɛ taa.