Yohanɛɛsɩ 4:11 - New Testament

¹¹ Ɛlɛ́, halʋ ɛnʋ eheyi Yesu se: «Đajaa! Lɔkɔ wɛ cukaŋ pɩtɩɩfɛyɩ, ŋgʋ́ ŋfɛyɩnɩ tɔka ŋgá poluuni lɩm yɔ. Ɛzɩma ŋpɩzɩɣ ŋhiɣ lɩm mbʋ́ pɩhaɣ wezuu yɔ?

Yohanɛɛsɩ 4:11 ပူးပေါင်းရင်းမြစ်များ

Yohanɛɛsɩ 3:4

Peeɖe Niikodɛm pɔzɩ-ɩ se: «Ɛzɩma papɩzɩɣ paɖaɣnɩ lʋlʋʋ ɛyʋ weyi ɛtɛm paɣlʋʋ yɔ? Ŋgʋ́, ɛɛpɩzɩɣ ɛpɩsɩ e-ɖoo taa nɛ ɛ́lɛ́ tasɩ-ɩ lʋlʋʋ!»

Yohanɛɛsɩ 4:14

Weyi ɛ́lɛ́ ñɔʋ lɩm mbʋ́ ma mahaɣ-ɩ yɔ, lɔkɔtʋ ɛɛtasɩɣ-ɩ ɖɔkʋʋ wiɖiyi kaʋ. Lɩm ḿbʋ́, pʋwɛɣ ɛ-taa ɛzɩ hiɖe nɖɩ́ ɖɩ-taa lɩm ɛɛtɛŋ kaʋ nɛ pɩhaɣ wezuu maatɛŋ yɔ.»

Yohanɛɛsɩ 7:37

Kɩyakʋ ŋgʋ́ pɛtɛzɩɣ kazandʋ tɔɔʋ yɔ, ŋ́gʋ́ lɛ kɩyakʋ sɔsɔʋ. Ki-wiye Yesu kʋyaa nɛ ɛsɩŋ ɛyáa samaɣ ɛsɩndaa nɛ ɛyɔɔdɩ se: «Yee lɔkɔtʋ ɛ́ɖɔ́kɩ nɔɔyʋ yɔ, ɛkɔɔ mɔn-cɔlɔ nɛ ɛñɔɔ lɩm.

Tʋma Labʋ 10:14

Ɛlɛ́, Pɩyɛ cosi se: «Pɩlɩ! Kɩpaɣlʋ, wiɖiyi mɔntɔtɔɔda mbʋ́ ŋɖʋwa se pataatɔɔ yɔ yaa mbʋ́ pɩfɛyɩ cɩɖɩcɩɖɩ yɔ.»

1 Kɔrɛntɩ 2:14

Ɛlɛ́, mbá ɛtaha-wɛ-kʋ yɔ, paapɩzɩɣ petisi toovenim tɔm ndʋ́ kiheyiɣ ɛyáa yɔ. Pamaɣzɩɣ se tɩkɛ kɩmɛlɛndʋ tɔm. Paapɩzɩɣ panɩɩ-tʋ. Mbʋ́ pʋyɔɔ yɔ, mbá Ɛsɔ ha-wɛ e-Fezuu Kiɖeɖeu yɔ pe-ɖeke papɩzɩɣna panɩɩ tɩ-tɔbʋʋ.

Wɩlʋʋ 21:6

Ɛtasɩ-m heyuu se: «Pɩlabɩ ḿbʋ́! Ma lɛ Nʋmɔɖɛyʋ nɛ Ɛɖɩɣyɛ, manpazɩnɩ pɩtɩŋa payɩ, mɛntɛzɩɣnɩ-pʋ. Weyi lɔkɔtʋ ɖɔkɩ-ɩ yɔ, mahaɣ-ɩ hiɖe nɖɩ́ ɖɩ-taa lɩm haɣ wezuu yɔ ɖɩ-taa lɩm falaa.

Wɩlʋʋ 22:1

Ɛsɔ tiyiyu ɛnʋ, ɛwɩlɩ-m ɖɔɖɔ pɔɔ ŋgá ka-taa lɩm haɣ wezuu yɔ. Lɩm ḿbʋ́, pʋwɛ kele kele ɛzɩ ñɩnʋʋ yɔ. Pɩlɩɣaɣnɩ Ɛsɔ nɛ Heɣa pe-kewiyaɣ kpelaɣ tɛɛ.

Wɩlʋʋ 22:17

Fezuu Kiɖeɖeu nɛ Halɩmvalʋ pɔtɔŋ se: «Kɔɔ!» Weyi ɛnɩɣ yɔ, ɛtɔ ɖɔɖɔ se: «Kɔɔ!» Weyi lɔkɔtʋ ɖɔkɩ-ɩ yɔ, ɛkɔɔ: weyi e-liu wɛ wezuu lɩm yɔ, ecozi-pʋ falaa!

Wɩlʋʋ 7:17

Mbʋ́ pʋyɔɔ yɔ, Heɣa ŋgá kɛwɛ kewiyaɣ kpelaɣ hɛkʋ taa yɔ, keɖiyiɣ-wɛ nɛ kowoni-wɛ wezuu lɩm hiɖe cɔlɔ nɛ Ɛsɔ hɛzɩ pɛ-ɛsɩtɛɣlɩm tɩŋa.»