Yohanɛɛsɩ 4:10 - New Testament

¹⁰ Ɛlɛ́, Yesu heyi-i se: «Yee ŋŋsɩm mbʋ́ Ɛsɔ haɣ yɔ nɛ ŋtɩlɩ ɖɔɖɔ weyi ɛsʋlʋmʋʋ-ŋ lɩm yɔ yɔ, ñaasʋlʋmɩnɩ-ɩ, pʋbʋ ɛɛha-ŋ lɩm mbʋ́ pɩhaɣ wezuu yɔ.»

Yohanɛɛsɩ 4:10 ပူးပေါင်းရင်းမြစ်များ

Luka 11:13

Mbá mɩ ɩkɛ azaɣ́a yɔ, yee ɩsɩm haʋ mi-piya mbʋ́ pʋwɛ ɖeu yɔ lɛ, ɛzɩma mɩ-Caa Ɛsɔ weyi ɛwɛ ɛsɔdaa yɔ, ɛɛpɩzɩɣ ɛha e-Fezuu Kiɖeɖeu mbá pasʋlʋmʋʋ-ɩ-kʋ yɔ?»

Yohanɛɛsɩ 16:3

Pɔkɔŋ labʋ ḿbʋ́, mbʋ́ pʋyɔɔ yɔ, patasɩ Caa yaa ma.

Yohanɛɛsɩ 17:3

Ŋgʋ́, wezuu maatɛŋ lɛ se patɩlɩ weyi ña ñe-ɖeke koŋ lɛ Ɛsɔ siŋŋ yɔ nɛ ma Yesu Krɩstʋ weyi ŋtiyaa yɔ.

Yohanɛɛsɩ 3:16

Mbʋ́ pʋyɔɔ yɔ, Ɛsɔ sɔɔlɩ ɛyáa siŋŋ. Pʋ-yɔɔ ɛha ɛ-Pɩyalʋ ɛgbamɩyɛ se weyi ɛwɛnɩ lidaʋ ɛ-yɔɔ lɛ, ɛtaatɛŋɛlɩ, ɛlɛ́, ehiɣ wezuu maatɛŋ.

Yohanɛɛsɩ 4:14

Weyi ɛ́lɛ́ ñɔʋ lɩm mbʋ́ ma mahaɣ-ɩ yɔ, lɔkɔtʋ ɛɛtasɩɣ-ɩ ɖɔkʋʋ wiɖiyi kaʋ. Lɩm ḿbʋ́, pʋwɛɣ ɛ-taa ɛzɩ hiɖe nɖɩ́ ɖɩ-taa lɩm ɛɛtɛŋ kaʋ nɛ pɩhaɣ wezuu maatɛŋ yɔ.»

Yohanɛɛsɩ 6:35

Peeɖe Yesu kaɖɩ-wɛ se: «Ma lɛ tɔɔnaɣ ŋgá kahaɣ wezuu yɔ. Weyi ɛkɔŋ mɔn-cɔlɔ yɔ, ñɔɔsɩ ɛɛwɩɣ-ɩ wiɖiyi kaʋ, weyi ɛ́lɛ́ wɛɣnɩ lidaʋ mɔ-yɔɔ yɔ, lɔkɔtʋ ɛɛɖɔkʋʋ-ɩ ɖɔɖɔ kaʋ.

Yohanɛɛsɩ 6:51

Ma lɛ wezuu tɔɔnaɣ ŋgá kalɩnɩ ɛsɔdaa yɔ. Yee nɔɔyʋ ɛtɔɔ-kɛ yɔ, ɛcakɩ wezuu tam. Tɔɔnaɣ ŋgá mɔnkɔŋ haʋ yɔ, ŋ́gá lɛ mon-tomnaɣ. Mahaɣ-kɛ se kedeŋa kpeekpe ɛyáa ehiɣ wezuu.»

Tʋma Labʋ 9:11

Peeɖe Kɩpaɣlʋ heyi-i se: «Kʋyɩ kpaka nɛ ŋkpaɣ nʋmɔʋ ŋgʋ́ payaɣ se Kʋtʋʋzʋʋ yɔ nɛ ŋwolo Yudaasɩ ɖɩɣa taa nɛ ŋpɔzɩ Taarsɩ tʋ weyi payaɣ se Sɔɔlɩ yɔ ɛ-yɔɔ, ɛɖɔŋ sɛʋ Ɛsɔ.

Room 8:32

Ɛnʋ weyi etohuuzi ɛ-maɣmaɣ ɛ-Pɩyalʋ yɔɔ nɛ eyele palaa-ɩ ɖatɩŋa payɩ ɖɔ-yɔɔ yɔ, ɛzɩma ɛɛhaɣ-ɖʋ mbʋ́ pɩtɩŋa payɩ pʋwɛ ɛ-cɔlɔ yɔ falaa?

1 Kɔrɛntɩ 1:30

Ŋgʋ́, Ɛsɔ kpɛndɩ mɩ nɛ Krɩstʋ Yesu. Ɛsɔ ɛnʋ eyebina se ɛkɛ ɖɔ-lɔŋsɩnɖɛ. Ɛ-yɔɔ Ɛsɔ tɩŋnaa nɛ ɛpɩsɩ-ɖʋ kʋtʋʋzaa nɛ ɖɩpɩsɩ ɛ-ñɩma nɛ ɛya ɖa-ñʋʋ.

1 Kɔrɛntɩ 10:4

nɛ pɔñɔɔ ɖɔɖɔ patɩŋa payɩ Ɛsɔ pɩyɛ nɖɩ́ ɖɩtɩŋaɣ pa-wayɩ yɔ ɖɩ-lɩm. Pɩyɛ ńɖɩ́ lɛ Krɩstʋ.

2 Kɔrɛntɩ 9:15

Đɩsa Ɛsɔ ɛ-kʋjɔʋ ŋgʋ́ kɩkɩlɩ pɩtɩŋa payɩ yɔ kʋ-yɔɔ!

Efɛɛzɩ 2:8

E-lootiye ńɖɩ́ ɖɩ-yɔɔ ɛtɩŋnɩ lidaʋ ŋgʋ́ ɩwɛnɩ Krɩstʋ yɔɔ yɔ kʋ-yɔɔ nɛ ɛya mɩ-ñʋʋ. Pɩtɛkɛ mɩ-cɔlɔ pɩlɩnaa, Ɛsɔ kʋjɔʋ pɩkɛnaa.

Ebree 6:4

Nabɛyɛ wɛɛ, Ɛsɔ ñalɩmɩyɛ kɛtɛm pɔ-yɔɔ ñalʋʋ nɛ paɖɩŋ ɛsɔdaa kʋjɔʋ nɛ Fezuu Kiɖeɖeu wɛɛ pɔ-cɔlɔ

1 Yohanɛɛsɩ 5:20

Đɩnawa ɖɔɖɔ se Ɛsɔ Pɩyalʋ kɔm kedeŋa yɔɔ nɛ ɛha-ɖʋ lɛɣtʋ se ɖɩpɩzɩ ɖɩtɩlɩ Ɛsɔ. Ɛsɔ ɛnʋ lɛ Ɛsɔ maɣmaɣ kpem. Ɛ-Pɩyalʋ Yesu Krɩstʋ yɔɔ pɩtɩŋnaa nɛ ɖa nɛ ɩ ɖɩwɛɛ ɖama taa. Ɛnʋ lɛ Ɛsɔ maɣmaɣ kpem, ɛnʋ lɛ wezuu maatɛŋ.

Wɩlʋʋ 21:6

Ɛtasɩ-m heyuu se: «Pɩlabɩ ḿbʋ́! Ma lɛ Nʋmɔɖɛyʋ nɛ Ɛɖɩɣyɛ, manpazɩnɩ pɩtɩŋa payɩ, mɛntɛzɩɣnɩ-pʋ. Weyi lɔkɔtʋ ɖɔkɩ-ɩ yɔ, mahaɣ-ɩ hiɖe nɖɩ́ ɖɩ-taa lɩm haɣ wezuu yɔ ɖɩ-taa lɩm falaa.

Wɩlʋʋ 22:17

Fezuu Kiɖeɖeu nɛ Halɩmvalʋ pɔtɔŋ se: «Kɔɔ!» Weyi ɛnɩɣ yɔ, ɛtɔ ɖɔɖɔ se: «Kɔɔ!» Weyi lɔkɔtʋ ɖɔkɩ-ɩ yɔ, ɛkɔɔ: weyi e-liu wɛ wezuu lɩm yɔ, ecozi-pʋ falaa!

Wɩlʋʋ 7:17

Mbʋ́ pʋyɔɔ yɔ, Heɣa ŋgá kɛwɛ kewiyaɣ kpelaɣ hɛkʋ taa yɔ, keɖiyiɣ-wɛ nɛ kowoni-wɛ wezuu lɩm hiɖe cɔlɔ nɛ Ɛsɔ hɛzɩ pɛ-ɛsɩtɛɣlɩm tɩŋa.»