Yohanɛɛsɩ 3:6 - New Testament

⁶ Meheyiɣ-ŋ se: ɛyʋ lʋlʋʋ ɛyʋ. Ḿbʋ́ ɖɔɖɔ Fezuu Kiɖeɖeu yeki nɛ ɛyʋ kalɩzaɣ ɖaɣnɩ wɛʋ wezuu.

Yohanɛɛsɩ 3:6 ပူးပေါင်းရင်းမြစ်များ

Yohanɛɛsɩ 1:13

Patalʋlɩ-wɛ ɛzɩ ɛyáa sɔɔlʋʋ nɛ palʋlʋʋ pe-piya yɔ. Ɛlɛ́, Ɛsɔ hanɩ-wɛ wezuu kɩfalʋʋ.

Yohanɛɛsɩ 3:7

Pɩtaalabɩ-ŋ piti se mɔntɔm se pʋwɛɛ se paɖaɣnɩ-ŋ lʋlʋʋ.

Room 7:18

Mbʋ́ pʋyɔɔ yɔ, manawa se mbʋ́ pʋwɛ ɖeu yɔ, pɩfɛyɩ man-taa: pʋ-tɔbʋʋ se wɛtʋ ndʋ́ tɩ-taa mɛwɛɛ yɔ, mɛnfɛyɩ ɖoŋ lidaʋ nʋmɔʋ taa. Toovenim lɛ, me-liu wɛɛ se mala mbʋ́ pʋwɛ ɖeu yɔ. Ɛlɛ́, maapɩzɩɣ.

Room 7:25

Ɛsɔ lɩzɩɣnɩ-m! Đɩtɩŋnɩ ɖa-Kɩpaɣlʋ Yesu Krɩstʋ yɔɔ nɛ ɖɩsam-ɩ! Yee ḿbʋ́ ma-maɣmaɣ manpɩzɩɣ mɔnɖɔ Ɛsɔ paɣtʋ yɔɔ ma-lɩmaɣza taa. Ɛlɛ́, mɛ-wɛtʋ ñɔɖɔŋ kɩwɛɛkɩm nʋmɔʋ taa.

Room 7:5

Toovenim lɛ, alɩwaatʋ ndʋ́ ɖɩlakaɣ ɛzɩ ɖe-liu wɛʋ yɔ, paɣtʋ yɔɔ pɩtɛzaɣ-ɖʋ labʋ liu se ɖɩla kɩwɛɛkɩm. Ŋgʋ́, pɩtɛŋnɩ-ɖʋ sɩm.

Room 8:13

Mbʋ́ pʋyɔɔ yɔ, yee ɩcaɣ wezuu ɛzɩ pɩkɛdɩnaʋ mɩ-maɣmaɣ yɔ yɔ, ɩsɩkɩ. Ɛlɛ́, yee pɩtɩŋnɩ Fezuu Kiɖeɖeu yɔɔ nɛ ɩkɔ mɩ-ɛzaɣ́tʋ lakasɩ ñʋʋ yɔ, ɩwɛɣ wezuu.

1 Kɔrɛntɩ 6:17

Ɛlɛ́, weyi ɛ nɛ Kɩpaɣlʋ pɛkpɛndɩɣ yɔ, ɛ nɛ ɩ pa-kalɩzasɩ pɩsɩ kʋɖʋmaɣ.

2 Kɔrɛntɩ 5:17

Đɔɖɔ lɛ, yee nɔɔyʋ nɛ Krɩstʋ pɛkpɛndaa yɔ, pʋdʋ pɩsɩ ɛyʋ kɩfalʋ. Mbʋ́ pɩɩkɛ kɩbɩm yɔ, pɩɖɛwa nɛ kɩfam kɔɔ.

Galaatɩ 5:24

Mbá pɛkɛ Krɩstʋ Yesu ñɩma yɔ, pɛtɛm kpaɣʋ pa-lakasɩ kɩdɛkɛdɩsɩ nzɩ́ paasɔɔlɩ labʋ kpem yɔ sɩtɩŋa payɩ nɛ paka kaamaŋkaɣ yɔɔ.

Efɛɛzɩ 2:3

Đa ɖɔɖɔ ɖatɩŋa payɩ ɖɩɩwɛ pa-taa. Đɩɖɔŋaɣ ɛzɩ ɖa-maɣmaɣ ɖe-liu wɛʋ yɔ nɛ ɖɩlakɩ mbʋ́ pɩkɛdɩnɩ-ɖʋ yɔ nɛ mbʋ́ ɖɩmaɣzɩɣ yɔ. Pɩɩwɛɛ se Ɛsɔ ɛhʋʋnɩ-ɖʋ ɖɔɖɔ ɛzɩ lɛlaa yɔ wɛtʋ ndʋ́ tɩ-taa ɖɩwɛɛ yɔ tɩ-yɔɔ.

Koloosi 2:11

Mɩ nɛ ɩ mɩ-kpɛndʋʋ ḿbʋ́ pɩ-taa pɛpɛlɩ-mɩ. Pɛtɛpɛlɩ-mɩ ɛzɩ ɛyáa pɛlʋʋ yɔ, ɛlɛ́, pɛpɛlɩ-mɩ ɛzɩ Krɩstʋ ɖʋʋ yɔ. Ḿbʋ́ lɛ se ɩsɛtɩ mɩ-kɩwɛɛkɩm nɛ ɩlɔ.

1 Yohanɛɛsɩ 3:9

Weyi ɛkɛ Ɛsɔ pɩɣa yɔ, ɛɛtasɩɣ kɩwɛɛkɩm labʋ. Mbʋ́ pʋyɔɔ yɔ, Ɛsɔ ɖoŋ wɛ ɛ-taa. Ɛɛpɩzɩɣ ɛtasɩ labʋ kɩwɛɛkɩm: ɛ-Caa lɛ Ɛsɔ.