Yohanɛɛsɩ 3:5 - New Testament

⁵ Yesu cosi-i se: «Toovenim lɛ, meheyiɣ-ŋ se weyi paɖaɣnɩɣ-ɩ lʋlʋʋ nɛ pɩtɩŋnɩ lɩm nɛ Fezuu Kiɖeɖeu pɔ-yɔɔ yɔ, e-ɖeke ɛkɛɣnɩ Ɛsɔ Kewiyaɣ taa tʋ.

Yohanɛɛsɩ 3:5 ပူးပေါင်းရင်းမြစ်များ

Maatiyee 18:3

nɛ ɛtɔ se: «Toovenim lɛ, meheyiɣ-mɩ se: yee ɩtɛlɛɣzɩ nɛ ɩwɛɛ ɛzɩ piya cikpesi yɔ yɔ, ɩɩsʋʋ Ɛsɔ Kewiyaɣ taa kaʋ.

Maatiyee 19:24

Pʋcɔ ñɩm tʋ nɔɔyʋ sʋʋ ka-taa lɛ, pʋwɛ kaɖɛ nɛ pɩkɩlɩ ɛzɩ kpaŋnɔ siɣá naalɛ tʋ sʋʋnɩ ɛjɔʋ pɔʋ taa yɔ.»

Maatiyee 21:31

Peeɖe Yesu pɔzɩ-wɛ se: «Sɩ-naalɛ sɩ-taa lɛ, ŋgá kalabɩ mbʋ́ ka-caa liu wɛɛ yɔ?» Pocosi-i se: «Kajalaɣ ñɩŋga.» Ɛlɛ́, eheyi-wɛ se: «Toovenim lɛ, mankaɖɩɣ-mɩ se tikee mʋyaa nɛ halaa mbá pɛpɛdɩɣ pa-tɩ yɔ, pɛlɛyɩɣ-mɩ sʋʋ Ɛsɔ Kewiyaɣ taa.

Maatiyee 28:19

Iwolo ajɛya kpeekpe taa ɛyáa cɔlɔ nɛ ɩla nɛ papɩsɩ mɔn-tɔmkpɛlɩkɩyaa nɛ ɩlabɩ-wɛ lɩm sɔʋ sɔnzɩ Caa Ɛsɔ nɛ ɛ-Pɩyalʋ nɛ e-Fezuu Kiɖeɖeu pa-hɩɖɛ taa.

Maatiyee 3:11

Meheyiɣ-mɩ se: «Ma lɛ, malakɩ-mɩ lɩm sɔʋ sɔnzɩ nɛ pɩwɩlɩ se ɩlɛɣzɩ wɛtʋ. Ma-wayɩ lɛ, weyi ɛkɔŋ yɔ, ɛkɩlɩ-m. Halɩ mantatɩɩmʋna se mankpaɣ ɛ-naataŋgbala nɛ mɔnɖɔkɩ. Ɛkɔŋ-mɩ labʋ sɔnzɩ nɛ Fezuu Kiɖeɖeu ɖoŋ nɛ miŋ.

Maatiyee 5:20

Mankaɖɩɣ-mɩ se yee ɩtala mbʋ́ Ɛsɔ liu wɛɛ yɔ nɛ pɩkɩlɩ paɣtʋ wɩlɩyaa nɛ Farɩsɩ ñɩma yɔ, ɩɩsʋʋ e-Kewiyaɣ taa wiɖiyi kaʋ.»

Maarkɩ 10:14

Yesu na ḿbʋ́ lɛ, pɩtɛkɛdɩnɩ-ɩ, ɛlɛ́ ɛkalɩ ɛ-tɔmkpɛlɩkɩyaa se: «Iyele piya nɛ sɩkɔɔ mɔn-cɔlɔ, ɩtaaɖaŋ-sɩ. Mbʋ́ pʋyɔɔ yɔ, mbá pɛwɛ ɛzɩ piya ńzɩ́ yɔ lɛ Ɛsɔ Kewiyaɣ taa ñɩma.

Maarkɩ 16:16

Yee nɔɔyʋ etisaa lɛ, ɩlabɩ-ɩ lɩm sɔʋ sɔnzɩ nɛ Ɛsɔ ya ɛ-ñʋʋ. Ɛlɛ́, yee nɔɔyʋ ekizaa yɔ, Ɛsɔ kʋʋ ɛ-tɔm.

Maarkɩ 9:47

Yee ñɛ-ɛsɩyɛ eyekini se ŋla kɩwɛɛkɩm yɔ, hɔɔzɩ-ɖɩ nɛ ŋpɛɖɩ. Pɩkɩlɩ ɖeu se ŋsʋʋ Ɛsɔ Kewiyaɣ taa nɛ ɛsɩyɛ kʋɖʋmɖɩyɛ ɛzɩ ŋŋwɛnɩ ɛsɛ naalɛ nɛ Ɛsɔ pɛɖɩ-ŋ kʋñɔŋ maatɛŋ taa ɖenɖe miŋ eeɖeŋ kaʋ yɔ.

Luka 13:24

«Meheyiɣ-mɩ se: ɩñaɣ pana nɛ ɩtɩŋnɩ ɖɛɛmɛnɖɛɛ taa nɛ ɩsʋʋ nɛ ihiɣ wezuu. Mbʋ́ pʋyɔɔ yɔ, ɛyáa sakɩyɛ kɔŋ ñɩnʋʋ se pasʋʋ, ɛlɛ́, paapɩzɩɣ.

Luka 13:3

Meheyiɣ-mɩ se pɩtɛkɛ ḿbʋ́. Ɛlɛ́, yee ɩtɛlɛɣzɩ wɛtʋ yɔ, ɩsɩkɩ mɩtɩŋa ɛzɩ pasɩbʋ ɖɔɖɔ yɔ.

Luka 13:5

Meheyiɣ-mɩ se pɩtɛkɛ ḿbʋ́. Ɛlɛ́, yee ɩtɛlɛɣzɩ wɛtʋ yɔ, ɩkɔŋ sɩbʋ mɩtɩŋa payɩ ɛzɩ ḿbá yɔ.»

Yohanɛɛsɩ 1:13

Patalʋlɩ-wɛ ɛzɩ ɛyáa sɔɔlʋʋ nɛ palʋlʋʋ pe-piya yɔ. Ɛlɛ́, Ɛsɔ hanɩ-wɛ wezuu kɩfalʋʋ.

Yohanɛɛsɩ 3:3

Ɛlɛ́, Yesu kaɖɩ-ɩ se: «Toovenim lɛ, meheyiɣ-ŋ se yee pataɖaɣnɩ nɔɔyʋ lʋlʋʋ yɔ, ɛɛkɛɣ Ɛsɔ Kewiyaɣ taa tʋ.»

Yohanɛɛsɩ 3:4

Peeɖe Niikodɛm pɔzɩ-ɩ se: «Ɛzɩma papɩzɩɣ paɖaɣnɩ lʋlʋʋ ɛyʋ weyi ɛtɛm paɣlʋʋ yɔ? Ŋgʋ́, ɛɛpɩzɩɣ ɛpɩsɩ e-ɖoo taa nɛ ɛ́lɛ́ tasɩ-ɩ lʋlʋʋ!»

Tʋma Labʋ 2:38

Ɛ́lɛ́ cosi-wɛ se: «Ɩlɛɣzɩ wɛtʋ nɛ pala paa mɩ-taa weyi lɩm sɔʋ sɔnzɩ Yesu Krɩstʋ hɩɖɛ taa nɛ pekpeɣ-mɩ mɩ-kɩwɛɛkɩm. Peeɖe Ɛsɔ haɣ-mɩ e-Fezuu Kiɖeɖeu.

Tʋma Labʋ 3:19

Pʋ-yɔɔ lɛ, ɩlɛɣzɩ wɛtʋ nɛ ɩpɩsɩnɩ Ɛsɔ yɔɔ nɛ ekpeɣ-mɩ mɩ-kɩwɛɛkɩm.

Room 14:17

Mbʋ́ pʋyɔɔ yɔ, Ɛsɔ Kewiyaɣ tɔm tɛkɛ tɔɔnaɣ nɛ sʋlʋm pa-ñɩndʋ. Ɛlɛ́, pɩkɛ mbʋ́ Fezuu Kiɖeɖeu haɣ yɔ. Ḿbʋ́ yɔ: tʋʋzʋʋ nɛ laŋhɛzɩyɛ nɛ laŋhʋlʋmɩyɛ.

Room 8:2

Mbʋ́ pʋyɔɔ yɔ, ɛzɩma mbʋ́ mɛwɛ Fezuu Kiɖeɖeu ŋgʋ́ kɩtɩŋnɩ Krɩstʋ Yesu yɔɔ nɛ kɩhaɣ-ɖʋ wezuu yɔ ki-nesi taa yɔ pʋ-yɔɔ lɛ, puholi-m nɛ kɩwɛɛkɩm nɛ sɩm pe-nesi taa.

1 Kɔrɛntɩ 15:50

Taabalaa, ndʋ́ meheyiɣ-mɩ yɔ lɛ se: ɖo-tomnasɩ nzɩ́ sɩwɛ ɛzʋnɔ yɔ, sɩɩpɩzɩɣ sɩsʋʋ Ɛsɔ Kewiyaɣ taa. Mbʋ́ pʋyɔɔ yɔ, mbʋ́ pɩɖazɩɣ yɔ, pɩɩpɩzɩɣ pɩpɩsɩ mbʋ́ pɩɩɖazɩɣ wiɖiyi kaʋ yɔ.

1 Kɔrɛntɩ 2:12

Ŋgʋ́ ɖa lɛ, pɩtɛkɛ kedeŋa fezuu paha-ɖʋ. Ɛlɛ́, Ɛsɔ hanɩ-ɖʋ e-Fezuu Kiɖeɖeu se ɖɩpɩzɩ ɖɩtɩlɩ ɛ-ñɩm mbʋ́ paha-ɖʋ falaa yɔ.

1 Kɔrɛntɩ 6:11

Ḿbʋ́ mɩ-taa lɛlaa lakaɣ. Ɛlɛ́ lɛɛlɛɛyɔ, Ɛsɔ ñalɩ mɩ-kɩwɛɛkɩm nɛ ɛpɩsɩ-mɩ ɛ-ñɩma nɛ pɩtɩŋnɩ e-Fezuu Kiɖeɖeu yɔɔ nɛ ɩkɛ kʋtʋʋzaa ɛ-ɛsɩndaa Kɩpaɣlʋ Yesu Krɩstʋ yɔɔ.

Galaatɩ 6:15

Paa pɛpɛlɩ nɔɔyʋ yaa pɛtɛpɛlɩ-ɩ yɔ, pɩfɛyɩ wazaɣ nakɛyɛ. Ɛlɛ́, mbʋ́ pʋwɛ wazaɣ yɔ lɛ se: ɖɩkɛ ɛyáa kɩfama.

Efɛɛzɩ 5:26

Ɛlabɩ ḿbʋ́ se ɛtɩŋnɩ lɩm nɛ tɔm pɔ-yɔɔ nɛ eyele pɛwɛɛ cɩɖɩcɩɖɩ nɛ papɩsɩ Ɛsɔ ñɩma.

1 Pɩyɛ 1:2

Caa Ɛsɔ kalɩzɩ-mɩ ɛzɩ ɛɛɖʋʋ yɔ se ɩkɛ ɛ-ñɩma. E-Fezuu Kiɖeɖeu ɖoŋ yebina nɛ ɩkɛ ḿbʋ́ nɛ ɩña Yesu Krɩstʋ. Mbʋ́ pʋyɔɔ yɔ, ɛ-calɩm pɔsɔ-mɩ se ɩpɩzɩ ɩwɛɛ cɩɖɩcɩɖɩ Ɛsɔ ɛsɩndaa. Mɛnsɛ-mɩ: Caa Ɛsɔ ɛtɛzɩ-mɩ labʋ lootiye nɛ ɛtɛzɩ mɩ-laŋa hɛzʋʋ.

1 Pɩyɛ 3:21

Pʋnɛ pɩtɩŋa payɩ pʋwɛ ɛzɩ lɩm sɔʋ sɔnzɩ nzɩ́ palabɩ-mɩ nɛ sɩya mɩ-ñʋʋ lɛɛlɛɛyɔ yɔ. Patalabɩ-mɩ-sɩ se sɩñalɩ mɩ-yɔɔ azuluma. Ɛlɛ́, sɩ-yɔɔ ɩtɩŋɩɣna nɛ itendi Ɛsɔ se eyele nɛ mɩ-taa wɛɛ ɖeu. Yesu Krɩstʋ fem yɔɔ Ɛsɔ tɩŋɩɣna nɛ ɛya mɩ-ñʋʋ.

1 Yohanɛɛsɩ 2:29

Ɩsɩm camɩyɛ se Krɩstʋ tʋʋzaa. Pʋ-yɔɔ lɛ, pʋwɛɛ ɖɔɖɔ se itisi se weyi ɛlakɩ mbʋ́ pʋtʋʋzaa yɔ, ɛkɛ Ɛsɔ pɩɣa.

1 Yohanɛɛsɩ 5:1

Weyi etisiɣ se Yesu lɛ Weyi Ɛsɔ Lɩzaa Yɔ yɔ, ɛkɛ Ɛsɔ pɩɣa. Đɔɖɔ lɛ, weyi ɛsɔɔlʋʋ Caa Ɛsɔ weyi ɛha-ɩ wezuu yɔ, ɛsɔɔlʋʋ ɖɔɖɔ e-piya.