Yohanɛɛsɩ 3:2 - New Testament

² Abalʋ ɛnʋ, ɛkʋyɩ ɖoó naayɛ taa nɛ ewolo Yesu cɔlɔ nɛ eheyi-i se: «Wɩlɩyʋ! Đɩnawa se Ɛsɔ tiyini-ŋ se ŋkɔɔ ŋwɩlɩ-ɖʋ ɛ-tɔm. Mbʋ́ pʋyɔɔ yɔ, nɔɔyʋ fɛyɩ se ɛpɩzɩɣ ɛla hama lakasɩ nzɩ́ ŋlaba yɔ nɛ Ɛsɔ fɛyɩ ɛ-cɔlɔ.»

Yohanɛɛsɩ 3:2 ပူးပေါင်းရင်းမြစ်များ

Maatiyee 22:16

Peeɖe petiyi pɔ-tɔmkpɛlɩkɩyaa taa lɛlaa nɛ Eroodi hɔɔlʋʋ taa ñɩma nabɛyɛ se powolo peheyi-i se: «Wɩlɩyʋ! Đɩnawa se ŋyɔɔdʋʋ toovenim nɛ ŋkpɛlɩkɩɣ ɛyáa mbʋ́ Ɛsɔ liu wɛɛ se pala yɔ pu-toovenim. Sɔɔndʋ ɛɛkpaɣ-ŋ nɛ nɔɔyʋ, mbʋ́ pʋyɔɔ yɔ, ŋtakpaɣ ɛyáa wɛtʋ nɛ ŋyaa pʋyʋ.

Maatiyee 23:7

Pɔsɔɔlaa se pɛsɛɣ-wɛ nɛ ñamtʋ ɛyáa ɖikpeɣliye taa. Pɔsɔɔlaa ɖɔɖɔ se payaɣ-wɛ se: ‹Wɩlɩyaa.›

Maatiyee 23:8

Mɩ lɛ, mɩ-taa nɔɔyʋ ɛtaayele nɛ payaa-ɩ se: ‹Wɩlɩyʋ.› Mbʋ́ pʋyɔɔ yɔ, mɩtɩŋa payɩ ɩkɛ ɛyáa kʋɖʋmaa, men-ɖeke koŋ lɛ mɩ-Wɩlɩyʋ.

Maarkɩ 12:14

Patalaa lɛ, peheyi-i se: «Wɩlɩyʋ! Đɩnawa se ŋyɔɔdʋʋ toovenim, sɔɔndʋ ɛɛkpaɣ-ŋ nɛ nɔɔyʋ. Mbʋ́ pʋyɔɔ yɔ, ŋtakpaɣ ɛyáa wɛtʋ nɛ ŋlabɩnɩ tʋmɩyɛ. Ŋwɩlɩɣ ɛyáa mbʋ́ Ɛsɔ liu wɛɛ se pala yɔ pu-toovenim. Đa-paɣtʋ haɣ waɖɛ se pɛhɛyɩ Room wiyaʋ sɔsɔ lambuu yaa pataahɛyɩ-ɩ? Đa yɔ, pʋwɛɛ se ɖɩhɛyɩ-ɩ yaa ɖɩtaahɛyɩ-ɩ? Cosi-ɖʋ nɛ ɖɩnɩɩ.»

Yohanɛɛsɩ 1:38

Yesu kisaa nɛ ɛna patɩŋaɣ-ɩ ḿbʋ́ lɛ, ɛpɔzɩ-wɛ se: «Ɛbɛ ɩñɩnɩɣ?» Paba ñɔpɔzɩ-ɩ se: «Raabii! Le ŋwɛɛ?» Raabii tɔbʋʋ se Wɩlɩyʋ.

Yohanɛɛsɩ 10:38

Ɛlɛ́, paa malakɩ-yɛ nɛ ɩfɛyɩnɩ lidaʋ mɔ-yɔɔ yɔ, itisi tʋma wena malakɩ yɔ a-yɔɔ. Peeɖe ɩnaɣ nɛ ɩtɩlɩ kpaagbaa se ma nɛ Caa ɖɩwɛ ɖama taa.»

Yohanɛɛsɩ 12:37

Ɛɛlaba hama lakasɩ ndɩ ndɩ Yuda ñɩma ɛsɩndaa, paa ḿbʋ́ yɔ, pɛfɛyɩnɩ lidaʋ ɛ-yɔɔ.

Yohanɛɛsɩ 14:10

Ŋtetisi se ma nɛ Caa ɖɩwɛ ɖama taa yaa we? Tɔm ndʋ́ meheyiɣ-mɩ yɔ, tɩtalɩɩnɩ mɔn-cɔlɔ. Ɛlɛ́, Caa wɛ mɔn-cɔlɔ, ɛnʋ lakɩnɩ ɛ-tʋmɩyɛ.

Yohanɛɛsɩ 15:24

Yee mantaala tʋma wena nɔɔyʋ tala pɛ-hɛkʋ taa kaʋ yɔ yɔ, pataakʋ pɔ-tɔm. Ŋgʋ́, lɛɛlɛɛyɔ pana man-tʋma, ɛlɛ́, papaɖɩɣ ma nɛ man-Caa.

Yohanɛɛsɩ 2:11

Ḿbʋ́ Yesu labɩ ɛ-kajalaɣ hama lakasɩ. Kana tɛtʋ ndʋ́ tɩwɛ Galilee egeetiye taa yɔ, tɩ-taa ɛlabɩ-sɩ. Ḿbʋ́ ɛwɩlɩnɩ e-ɖoŋ koboyaɣ ñɩŋ nɛ ɛ-tɔmkpɛlɩkɩyaa wɛnɩ lidaʋ ɛ-yɔɔ.

Yohanɛɛsɩ 20:16

Peeɖe Yesu ya-ɩ se: «Maarɩɩ!» Ɛlɛ́, ekisini ɛ-yɔɔ nɛ ɛsɛɛnɩ Ebree taa se: «Rabuunii!» Pʋ-tɔbʋʋ se Wɩlɩyʋ.

Yohanɛɛsɩ 3:26

Peeɖe powobi Yohanɛɛsɩ cɔlɔ nɛ pɔpɔzɩ-ɩ se: «Wɩlɩyʋ! Ŋtɔzʋʋ abalʋ weyi ña nɛ ɩ ɩɩwɛ Yɔɔrdaŋ pɔɔ wayɩ nɛ ŋheyi-ɖʋ ɛ-tɔm yɔ ɛ-yɔɔ yaa we? Lɛɛlɛɛyɔ, ɛlakɩ lɩm sɔʋ sɔnzɩ nɛ ɛyáa tɩŋa woki ɛ-cɔlɔ!»

Yohanɛɛsɩ 4:31

Alɩwaatʋ ńdʋ́ tɩ-taa Yesu tɔmkpɛlɩkɩyaa tendaɣ-ɩ se: «Wɩlɩyʋ! Kɔɔ ŋtɔɔ tɔɔnaɣ.»

Yohanɛɛsɩ 5:36

Ma lɛ, malɩzɩɣ aseɣɖe nɖɩ́ ɖɩkɩlɩ Yohanɛɛsɩ ñɩnɖɛ yɔ. Mbʋ́ pʋyɔɔ yɔ, tʋma wena man-Caa ɖʋ-m nɛ malakɩ yɔ, a-maɣmaɣ alɩzɩɣnɩ ma-aseɣɖe se Caa Ɛsɔ tiyini-m.

Yohanɛɛsɩ 6:2

Ɛtalɩ peeɖe lɛ, ɛyáa samaɣ tɩŋɩɣ ɛ-wayɩ, mbʋ́ pʋyɔɔ yɔ, paana hama lakasɩ nzɩ́ ɛlakaɣ nɛ kʋdɔndɩnaa yɔɔ cɛkɩ yɔ.

Yohanɛɛsɩ 7:31

Ŋgʋ́ ɛyáa samaɣ taa lɛ, sakɩyɛ kɛwɛnɩ lidaʋ ɛ-yɔɔ nɛ pɔpɔzʋʋ se: «Weyi Ɛsɔ Lɩzaa Yɔ, ɛkɔŋ lɛ, ɛlakɩ hama lakasɩ nɛ pɩkɩlɩ nzɩ́ abalʋ ɛnɛ ɛlaba yɔ yaa we?»

Yohanɛɛsɩ 9:16

Pa-taa nabɛyɛ tɔŋaɣ se: «Abalʋ weyi ɛlabɩ ḿbʋ́ yɔ, ɛɛpɩzɩɣ ɛlɩnɩ Ɛsɔ cɔlɔ, mbʋ́ pʋyɔɔ yɔ, ɛɛɖɔŋ kɩyakʋ kɩhɛzʋʋ paɣtʋ yɔɔ.» Lɛlaa se: «Ɛzɩma kɩwɛɛkɩm laɖʋ pɩzɩɣ ɛla hama lakasɩ ḿbʋ́?» Peeɖe pɩtayɩ pɛ-hɛkʋ taa.

Tʋma Labʋ 10:38

Ɛsɔ kɛwɛ Nazarɛɛtɩ tʋ Yesu cɔlɔ nɛ eyele e-Fezuu Kiɖeɖeu tii ɛ-yɔɔ nɛ kɩha-ɩ ɖoŋ. Pʋ-yɔɔ ɛcɔwaɣ lona ndɩ ndɩ taa nɛ ɛlakɩ ɛyáa ɖeu nɛ eholuu mbá patɩŋa payɩ pɛwɛ Satanɩ nesi taa yɔ.

Tʋma Labʋ 2:22

Peeɖe Pɩyɛ tasɩ-wɛ heyuu se: «Izrɛɛlɩ ñɩma mɩ! Iwelesi nɛ ɩnɩɩ ndʋ́ meheyiɣ-mɩ yɔ: mɩ-maɣmaɣ ɩtɛm sɩm ḿbʋ́ se Nazarɛɛtɩ tʋ Yesu lɛ weyi Ɛsɔ wɩlɩ-mɩ e-ɖoŋ yɔ. Mbʋ́ pʋyɔɔ yɔ, ɛtɩŋnɩ ɛ-yɔɔ nɛ ɛla hama lakasɩ ndɩ ndɩ nɛ ɛwɩlɩ kawɩlɩsɩ mɩ-hɛkʋ taa.

Filiipu 1:14

Đɔɖɔ lɛ, mbá pɛkɛ ɖa-taabalaa pa nɛ Kɩpaɣlʋ pɛ-kpɛndʋʋ yɔɔ yɔ, pa-taa sakɩyɛ nawa se mɛwɛ salaka taa lɛ, pɩlabɩ-wɛ hʋnʋm nɛ pɛtɛzɩɣ susuu Ɛsɔtɔm kaalɛyɩtʋ.