Yohanɛɛsɩ 3:16 - New Testament

¹⁶ Mbʋ́ pʋyɔɔ yɔ, Ɛsɔ sɔɔlɩ ɛyáa siŋŋ. Pʋ-yɔɔ ɛha ɛ-Pɩyalʋ ɛgbamɩyɛ se weyi ɛwɛnɩ lidaʋ ɛ-yɔɔ lɛ, ɛtaatɛŋɛlɩ, ɛlɛ́, ehiɣ wezuu maatɛŋ.

Yohanɛɛsɩ 3:16 ပူးပေါင်းရင်းမြစ်များ

Maatiyee 9:13

Iwolo ɩñɩnɩ Ɛsɔtɔm Takayaɣ taa tɔm ndʋ́ pamawa yɔ tɩ-tɔbʋʋ. Ńdʋ́ lɛ se: ‹Ma Ɛsɔ mɔntɔsɔɔlɩ mɩ-kɩlaŋ, ɛlɛ́, me-liu wɛɛ se ɩna ɖama pʋtɔdɩyɛ.› » Yesu tasɩ yɔɔdʋʋ se: «Pɩtɛkɛ mbá pamaɣzɩɣ se pɛkɛ kʋtʋʋzaa yɔ pa-wayɩ mɔnkɔma. Ɛlɛ́, mbá pasɩm pa-tɩ se pɛkɛ kɩwɛɛkɩm laɖaa yɔ pa-wayɩ mɔnkɔm se pɛlɛɣzɩ wɛtʋ.»

Maarkɩ 12:6

Hayɩm tʋ ɛnʋ, ɛ-pɩyalʋ kʋsɔɔlʋ ɖeke koŋ pɩɩkazɩ ɛ-cɔlɔ. Ɛɛnaɣ se ɛla ɛzɩma lɛ, ɛtɛzɩ-ɩ tiyuu pɔ-cɔlɔ nɛ ɛhʋʋ ɛ-taa se: ‹Paa pɩɩla ɛzɩma, pañaŋ-ɩ.›

Luka 2:14

«Pasa Ɛsɔ ɖooo ɛsɔdaa nɛ ɛ-laŋhɛzɩyɛ wɛɛ tataa ɛyáa mbá ɛsɔɔlɩ-wɛ yɔ pɔ-cɔlɔ.»

Yohanɛɛsɩ 1:14

Weyi payaɣ se Tɔm yɔ, ɛpɩsɩ ɛyʋ nɛ ɛkɔɔ ɛwɛɛ ɖɛ-hɛkʋ taa. Ɛkɛ lootiye tʋ siŋŋ nɛ ɛtɛ ɛkɛ toovenim tʋ siŋŋ. Đɩna e-koboyaɣ, kɛwɛ ɛzɩ Caa Pɩyalʋ ɛgbamɩyɛ ñɩŋga yɔ.

Yohanɛɛsɩ 1:18

Nɔɔyʋ tana Ɛsɔ wiɖiyi kaʋ. Ɛlɛ́, ɛ-Pɩyalʋ ɛgbamɩyɛ nɖɩ́ ɖɩ nɛ Caa pɛwɛ ɖama taa nɛ ɖɩkɛ Ɛsɔ yɔ, ńɖɩ́ wɩlɩnɩ-ɖʋ mbʋ́ Ɛsɔ kɛnaa yɔ.

Yohanɛɛsɩ 1:29

Tɛʋ fema lɛ, Yohanɛɛsɩ na Yesu wokaɣ ɛ-cɔlɔ. Peeɖe eheyi ɛyáa se: «Ɩna Ɛsɔ Heɣa. Ŋ́gá mʋʋnɩ ɛyáa tɩŋa payɩ kɩwɛɛkɩm.

Yohanɛɛsɩ 10:28

Mahaɣ-ɩ wezuu maatɛŋ, ɩɩtɛŋɛlɩɣ kaʋ. Nɔɔyʋ ɛɛkaɣ-ɩ lɛɣʋ me-nesi taa.

Yohanɛɛsɩ 3:15

nɛ weyi ɛwɛnɩ lidaʋ ɛ-yɔɔ lɛ, ehiɣ wezuu maatɛŋ.

Yohanɛɛsɩ 3:18

Weyi ɛwɛnɩ lidaʋ Ɛsɔ Pɩyalʋ yɔɔ yɔ, Ɛsɔ ɛɛhʋʋnɩ-ɩ nɛ ɛkʋ ɛ-tɔm. Ɛlɛ́, weyi ɛ́lɛ́ fɛyɩnɩ lidaʋ ɛ-yɔɔ yɔ, Ɛsɔ tɛm-ɩ hʋnaʋ nɛ ɛkʋ ɛ-tɔm. Mbʋ́ pʋyɔɔ yɔ, ɛfɛyɩnɩ lidaʋ ɛ-yɔɔ, ŋgʋ́ ɛnʋ lɛ ɛ-Pɩyalʋ ɛgbamɩyɛ.

Yohanɛɛsɩ 3:36

Weyi ɛwɛnɩ lidaʋ Ɛsɔ Pɩyalʋ yɔɔ yɔ, ehiɣ wezuu maatɛŋ. Weyi ɛ́lɛ́ ɛɛñaŋ-ɩ yɔ, eehikiɣ-kʋ. Ɛlɛ́, Ɛsɔ pana wɛɣ-ɩ kpanaʋ yɔɔ.»

Yohanɛɛsɩ 6:40

Ɩɩnaɣ mbʋ́ man-Caa liu wɛɛ yɔ: weyi ɛnaɣ ɛ-Pɩyalʋ ma nɛ ɛwɛnɩ lidaʋ mɔ-yɔɔ yɔ, ehikiɣ wezuu maatɛŋ. Menfeziɣ-i kɛtɛzaɣ kɩyakʋ wiye nɛ sɩm taa.»

Room 5:10

Đɩɩkɛ Ɛsɔ koyindinaa. Ɛlɛ́, eyele nɛ pɩtɩŋnɩ ɛ-Pɩyalʋ sɩm yɔɔ nɛ ɖa nɛ ɩ ɖɛ-hɛkʋ taa ñɔɔzɩ. Yee ɖa nɛ ɩ ɖɛ-hɛkʋ taa ɛñɔɔzaa lɛ, ɛzɩma ɛɛpɩzɩɣ ɛtɩŋnɩ ɛ-Pɩyalʋ wezuu yɔɔ nɛ ɛya ɖa-ñʋʋ yɔ?

Room 5:8

Ɛlɛ́, Ɛsɔ ñawɩlɩ-ɖʋ ɛzɩma mbʋ́ ɛsɔɔlɩ-ɖʋ yɔ. Mbʋ́ pʋyɔɔ yɔ, alɩwaatʋ ndʋ́ ɖɩɩkɛ kɩwɛɛkɩm laɖaa yɔ eyeba nɛ Krɩstʋ sɩ ɖɔ-yɔɔ.

Room 8:32

Ɛnʋ weyi etohuuzi ɛ-maɣmaɣ ɛ-Pɩyalʋ yɔɔ nɛ eyele palaa-ɩ ɖatɩŋa payɩ ɖɔ-yɔɔ yɔ, ɛzɩma ɛɛhaɣ-ɖʋ mbʋ́ pɩtɩŋa payɩ pʋwɛ ɛ-cɔlɔ yɔ falaa?

Efɛɛzɩ 2:4

Ɛlɛ́, ɛnaɣ ɛyáa pʋtɔdɩyɛ pɩŋŋ, ɛsɔɔlɩ-ɖʋ kámaɣ́ fɛyɩ.

2 Tesalooniki 2:16

Toovenim lɛ, ɖa-Caa Ɛsɔ sɔɔlɩ-ɖʋ nɛ ɛtɩŋnɩ e-lootiye yɔɔ nɛ eyele ɖa-laŋa hɛɛ tam nɛ ɖɩɖaŋ mbʋ́ ɛɖʋwa se ɛhaɣ-ɖʋ yɔ kpam. Ɛ nɛ ɖa-Kɩpaɣlʋ Yesu Krɩstʋ maɣmaɣ

Tiiti 3:4

Ɛlɛ́, alɩwaatʋ ndʋ́ ɖa-ñʋʋ yaɖʋ Ɛsɔ yeba nɛ ɛyáa na se ɛwɛ ɖeu nɛ ɛsɔɔlɩ-wɛ yɔ

Ebree 2:9

Ɛlɛ́, Ɛsɔ yeba nɛ Yesu luzi ɛ-tɩ Ɛsɔ ɛnʋ e-tiyiyaa tɛɛ alɩwaatʋ pazɩ. Ɛlabɩ ḿbʋ́ se pɩtɩŋnɩ e-lootiye yɔɔ nɛ Yesu sɩ ɛyáa tɩŋa payɩ yɔɔ. Ɛnʋ ɖɩnaɣ lɛɛlɛɛyɔ, Ɛsɔ pam-ɩ koboyaɣ hulaɣ nɛ ɛɖʋ-ɩ hɩɖɛ sɩm mbʋ́ ɛlabɩ kʋñɔŋ nɛ ɛsɩ yɔ pʋ-yɔɔ.

1 Yohanɛɛsɩ 3:1

Ɩna ɛzɩma mbʋ́ Caa Ɛsɔ sɔɔlɩ-ɖʋ kpem yɔ: ɛyaɣ-ɖʋ se e-piya. Toovenim ɖɔɖɔ lɛ, ɖɩkɛ e-piya. Ɛlɛ́, kedeŋa ñɩma tasɩm-ɖʋ, mbʋ́ pʋyɔɔ yɔ, patasɩm-ɩ.

1 Yohanɛɛsɩ 4:19

Đa lɛ, ɖɩsɔɔlɩ Ɛsɔ, mbʋ́ pʋyɔɔ yɔ, ɛnʋ calɩnɩ-ɖʋ sɔɔlʋʋ.

Wɩlʋʋ 1:5

Yesu Krɩstʋ weyi ɛkɛ aseɣɖe tʋ weyi ɛlakɩ mbʋ́ ɛɖʋwa se ɛlakɩ yɔ, ɛlabɩ-mɩ ḿbʋ́ ɖɔɖɔ. Ɛnʋ pacalɩ fezuu nɛ sɩɖaa taa, ɛkɛ kedeŋa yɔɔ awiya taa Wiyaʋ. Ɛsɔɔlɩ-ɖʋ nɛ ɛtɩŋnɩ ɛ-calɩm mbʋ́ ɛkpɛdɩ ɖɔ-yɔɔ yɔ pʋ-yɔɔ nɛ ɛlɩzɩ-ɖʋ ɖa-kɩwɛɛkɩm taa