Yohanɛɛsɩ 3:11 - New Testament

¹¹ Peeɖe Yesu heyi-i se: «Toovenim lɛ, meheyiɣ-ŋ se mbʋ́ ɖɩsɩma yɔ, pʋ-tɔm ɖɩyɔɔdʋʋ, mbʋ́ ɖɩnanɩ ɖɛ-ɛsɛ yɔ, pɩ-aseɣɖe ɖɩlɩzɩɣ. Ɛlɛ́, mɩ miitisiɣ.

Yohanɛɛsɩ 3:11 ပူးပေါင်းရင်းမြစ်များ

Maatiyee 11:27

Pʋwayɩ lɛ, Yesu heyi ɛyáa se: «Pɩtɩŋa payɩ lɛ, man-Caa cɛlɩnɩ-m. Nɔɔyʋ tasɩ mbʋ́ mɛnkɛnaa yɔ nɛ pɩtasɩnɩ man-Caa. Đɔɖɔ lɛ, nɔɔyʋ tasɩm-ɩ nɛ pɩtasɩnɩ ɛ-Pɩyalʋ ma nɛ mbá mɔnsɔɔlaa nɛ mawɩlɩ-ɩ-wɛ yɔ.

Maatiyee 23:37

Pʋwayɩ lɛ, Yesu heyi Yeruusalɛm ñɩma se: «Hei! Yeruusalɛm ñɩma mɩ, ɩkʋʋ náyaa nɛ ɩyakɩ mbá Ɛsɔ tiyini-mɩ yɔ pɛɛ nɛ pasɩkɩ. Tam ɛzɩma mɔntɔsɔɔlɩ se menkpeɣli-mɩ mɔn-cɔlɔ nɛ mohuuzi mɩ-yɔɔ nɛ pʋyʋ ɛtaalabɩ-mɩ ɛzɩ ɖoyuu papʋʋ kɩ-kalɩmasɩ yɔɔ yɔ nɛ ikizi?

Luka 10:22

Pʋwayɩ lɛ, eheyi ɛyáa se: «Man-Caa cɛlɩ-m pɩtɩŋa payɩ. Nɔɔyʋ tasɩ mbʋ́ mɛnkɛnaa yɔ nɛ pɩtasɩnɩ man-Caa nɛ nɔɔyʋ tasɩm-ɩ nɛ pɩtasɩnɩ ɛ-Pɩyalʋ ma nɛ mbá mɔnsɔɔlaa se mawɩlɩ-ɩ-wɛ yɔ.»

Yohanɛɛsɩ 1:11

Ɛkɔm ɛ-maɣmaɣ ɛ-tɛ, ɛlɛ́, ɛ-ñɩma tamʋ-ɩ.

Yohanɛɛsɩ 1:18

Nɔɔyʋ tana Ɛsɔ wiɖiyi kaʋ. Ɛlɛ́, ɛ-Pɩyalʋ ɛgbamɩyɛ nɖɩ́ ɖɩ nɛ Caa pɛwɛ ɖama taa nɛ ɖɩkɛ Ɛsɔ yɔ, ńɖɩ́ wɩlɩnɩ-ɖʋ mbʋ́ Ɛsɔ kɛnaa yɔ.

Yohanɛɛsɩ 12:49

Mbʋ́ pʋyɔɔ yɔ, pɩtɛkɛ mon-ɖoŋ ɖeke mɔyɔɔdɩnaa. Ɛlɛ́, Caa weyi etiyi-m yɔ, ɛ-maɣmaɣ ɛɖʋnɩ tɔm ndʋ́ pʋwɛɛ se mɔyɔɔdɩ nɛ mawɩlɩ yɔ.

Yohanɛɛsɩ 14:24

Weyi ɛtɔsɔɔlɩ-m yɔ, ɛɛɖɔŋ mɔn-tɔm yɔɔ. Ndʋ́ meheyiɣ-mɩ ɛzʋnɔ yɔ, tɩtalɩnɩ mɔn-cɔlɔ, ɛlɛ́, man-Caa cɔlɔ tɩlɩnaa. Ɛnʋ tiyini-m.

Yohanɛɛsɩ 3:12

Yee meheyiɣ-mɩ mbʋ́ pɩlakɩ kedeŋa yɔɔ cɩnɛ yɔ pʋ-tɔm nɛ iitisiɣ lɛ, ɛzɩma ɩpɩzɩɣ itisi alɩwaatʋ ndʋ́ meheyiɣ-mɩ mbʋ́ pɩlakɩ ɛsɔdaa yɔ pɩ-ñɩndʋ yɔ?

Yohanɛɛsɩ 3:13

Nɔɔyʋ takpa ɛsɔdaa wiɖiyi kaʋ nɛ pɩtasɩnɩ Ɛyʋ Pɩyalʋ, ɛnʋ lɩnɩnɩ ɛsɔdaa nɛ etii.

Yohanɛɛsɩ 3:3

Ɛlɛ́, Yesu kaɖɩ-ɩ se: «Toovenim lɛ, meheyiɣ-ŋ se yee pataɖaɣnɩ nɔɔyʋ lʋlʋʋ yɔ, ɛɛkɛɣ Ɛsɔ Kewiyaɣ taa tʋ.»

Yohanɛɛsɩ 3:5

Yesu cosi-i se: «Toovenim lɛ, meheyiɣ-ŋ se weyi paɖaɣnɩɣ-ɩ lʋlʋʋ nɛ pɩtɩŋnɩ lɩm nɛ Fezuu Kiɖeɖeu pɔ-yɔɔ yɔ, e-ɖeke ɛkɛɣnɩ Ɛsɔ Kewiyaɣ taa tʋ.

Yohanɛɛsɩ 5:43

Mɔnkɔm man-Caa lone taa, ɛlɛ́, ɩɩcaɣ se ɩmʋ-m. Ŋgʋ́, yee nɔɔyʋ ɛkɔmnɩ ɛ-maɣmaɣ e-ɖoŋ yɔ, ɩmʋʋ-ɩ nesi naalɛ.

Yohanɛɛsɩ 7:16

Yesu cosi-wɛ se: «Mbʋ́ mawɩlɩɣ ɛyáa yɔ, pɩtalɩɩnɩ mɔn-cɔlɔ, ɛlɛ́, weyi etiyi-m yɔ, ɛ-cɔlɔ pɩlɩnaa.

Yohanɛɛsɩ 8:14

Yesu cosi-wɛ se: «Paa malɩzɩɣ man-tɩ tɩŋa ma-aseɣɖe yɔ, mɔyɔɔdʋʋ toovenim. Mbʋ́ pʋyɔɔ yɔ, mansɩm ɖenɖe malɩnaa nɛ ɖenɖe mowoki yɔ. Mɩ lɛ, ɩtasɩ ɖenɖe malɩnaa nɛ ɖenɖe mowoki yɔ.

Yohanɛɛsɩ 8:26

Mɛwɛnɩ tɔm sakɩyɛ se mɔyɔɔdʋʋ nɛ mahʋʋnɩ-mɩ. Ɛlɛ́, weyi etiyi-m yɔ, ɛyɔɔdʋʋ toovenim. Ndʋ́ eheyi-m yɔ, ti-ɖeke meheyiɣ ɛyáa.»

Yohanɛɛsɩ 8:38

Mbʋ́ mana man-Caa cɔlɔ yɔ, pʋ-tɔm mɛnkɛdɩɣ-mɩ. Ḿbʋ́ ɖɔɖɔ mɩ mɩlakɩ mbʋ́ mɩ-caa heyi-mɩ yɔ.»

Tʋma Labʋ 22:18

nɛ mana Kɩpaɣlʋ nɛ eheyiɣ-m se: ‹Kʋyɩ kpaka nɛ ŋlɩɩ Yeruusalɛm tɛtʋ wayɩ lɔŋ, mbʋ́ pʋyɔɔ yɔ, Yuda ñɩma ɛɛkaɣ tisuu mɔn-tɔm ndʋ́ ŋheyiɣ-wɛ yɔ.›

2 Kɔrɛntɩ 4:4

Laŋa kpɩzɩŋ tɩnaa mbá kedeŋa wiyaʋ kañadʋ huuzi pa-lɩmaɣza yɔɔ yɔ, ḿbá tɩwɛ cɩkpɛndʋʋ. Pɩlabɩ ḿbʋ́ se pataana ɛzɩma mbʋ́ Laŋhɛzɩyɛ Tɔm ñalɩmɩyɛ wɩlɩɣ Krɩstʋ koboyaɣ yɔ. Ɛnʋ lɛ Ɛsɔ lɛzʋʋ.

Wɩlʋʋ 1:5

Yesu Krɩstʋ weyi ɛkɛ aseɣɖe tʋ weyi ɛlakɩ mbʋ́ ɛɖʋwa se ɛlakɩ yɔ, ɛlabɩ-mɩ ḿbʋ́ ɖɔɖɔ. Ɛnʋ pacalɩ fezuu nɛ sɩɖaa taa, ɛkɛ kedeŋa yɔɔ awiya taa Wiyaʋ. Ɛsɔɔlɩ-ɖʋ nɛ ɛtɩŋnɩ ɛ-calɩm mbʋ́ ɛkpɛdɩ ɖɔ-yɔɔ yɔ pʋ-yɔɔ nɛ ɛlɩzɩ-ɖʋ ɖa-kɩwɛɛkɩm taa

Wɩlʋʋ 3:14

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Laodisee Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma payaɣ se Pɩla Ḿbʋ́ nɛ mɛnkɛ aseɣɖe tʋ weyi ɛlakɩ mbʋ́ pʋpɔzʋʋ yɔ nɛ ɛtɛ ɛkɛ toovenim tʋ yɔ, weyi ma mɛnkɛ mbʋ́ pɩtɩŋa payɩ Ɛsɔ laba yɔ pi-kiɖe yɔ, mɔntɔŋna se: