9 Ɛlɛ́, pataanɩdɩ tɔm ndʋ́ pama Ɛsɔtɔm Takayaɣ taa se pʋwɛɛ se Yesu ɛsɩ nɛ efe yɔ tɩ-tɔbʋʋ.
Peeɖe Yesu cosi-wɛ se: «Ɩcɛtɩɣ mɩ-tɩ yem, mbʋ́ pʋyɔɔ yɔ, ɩtanɩɩ Ɛsɔtɔm tɔbʋʋ, ɩtasɩ ɖɔɖɔ e-ɖoŋ.
Pɩtaawɛɛ se Weyi Ɛsɔ Lɩzaa Yɔ, ɛtɔɔ kʋñɔŋ ḿbʋ́ nɛ pʋcɔ ɛsʋʋ e-koboyaɣ taa yaa we?»
Ɛlɛ́, patanɩɩ tɩ-tɔbʋʋ, mbʋ́ pʋyɔɔ yɔ, piihuuzi tɩ-yɔɔ se pataanɩɩ tɩ-tɔbʋʋ. Ŋgʋ́, pataakatɩɣ se pɔpɔzɩ-ɩ natʋyʋ tɩ-yɔɔ.
Pʋ-yɔɔ Yesu femnɩ sɩm taa lɛ, ɛ-tɔmkpɛlɩkɩyaa tɔzɩ se eeheyi-wɛ ḿbʋ́ nɛ petisi tɔm ndʋ́ eheyi-wɛ yɔ nɛ ndʋ́ pama Ɛsɔtɔm Takayaɣ taa yɔ se tɩkɛ toovenim.
Ɛlɩzɩ-wɛ tɩ-tɔbʋʋ nɛ ɛtɩŋnɩ tɩ-yɔɔ nɛ eheyi-wɛ se Weyi Ɛsɔ Lɩzaa Yɔ, pɩɩwɛ ḿbʋ́ se ɛtɔɔ kʋñɔŋ siŋŋ nɛ ɛkɔɔ ɛsɩ nɛ efe nɛ ɛlɩɩnɩ sɩɖaa taa. Eheyi-wɛ se Yesu weyi ɛkɛdɩɣ-wɛ ɛ-tɔm yɔ, ɛnʋ lɛ Weyi Ɛsɔ Lɩzaa Yɔ.
Ɛlɛ́, Ɛsɔ fezi-i nɛ ɛlɩzɩ-ɩ nɛ sɩm nesi taa. Mbʋ́ pʋyɔɔ yɔ, pɩtaapɩzɩɣ se pʋɖɔkɩ-ɩ tam.
Pepim-i nɛ efe kɩyakʋ naadozo ñɩŋgʋ wiye ɛzɩ paamaʋ ɖɔɖɔ Ɛsɔtɔm Takayaɣ taa yɔ.