Yohanɛɛsɩ 20:2 - New Testament

² Peeɖe esewa nɛ ewolo Siimɔɔ Pɩyɛ nɛ tɔmkpɛlɩkɩyʋ weyi Yesu kɩlɩ sɔɔlʋʋ yɔ pɔ-cɔlɔ nɛ eheyi-wɛ se: «Palɩzɩ Kɩpaɣlʋ ɛ-pɩlaʋ taa nɛ ɖɩɩnaɣ ɖenɖe pasɩ-ɩ yɔ.»

Yohanɛɛsɩ 20:2 ပူးပေါင်းရင်းမြစ်များ

Yohanɛɛsɩ 13:23

Alɩwaatʋ ńdʋ́ lɛ, pa-taa weyi Yesu kɩlɩ sɔɔlʋʋ yɔ, ɛɛwɛlɩ hʋyʋʋ yɔɔ ɛ-cɔlɔ tɔɔnaɣ ɖɩtɔɔyɛ.

Yohanɛɛsɩ 19:26

Pɩkɛdaa lɛ, Yesu na e-ɖoo, ɛ-tɔmkpɛlɩkɩyʋ weyi ɛkɩlɩ sɔɔlʋʋ yɔ, ɛsɩŋ ɛ-cɔlɔ. Peeɖe eheyi e-ɖoo se: «Mon-ɖoo! Kpaɣ-ɩ ɛzɩ ña-pɩyalʋ yɔ.»

Yohanɛɛsɩ 20:13

Peeɖe pɔpɔzɩ-ɩ se: «Đɔ-kɔɔ! Pɩlabɩ ɛzɩma nɛ ŋwiliɣ ḿbʋ́?» Ecosi-wɛ se: «Palɩzɩ man-Kɩpaɣlʋ nɛ maanaɣ ɖenɖe pasɩ-ɩ yɔ.»

Yohanɛɛsɩ 20:15

Peeɖe ɛ́lɛ́ pɔzɩ-ɩ se: «Đɔ-kɔɔ! Pɩlabɩ ɛzɩma nɛ ŋwiliɣ ḿbʋ́? Anɩ ŋñɩnɩɣ?» Ɛmaɣzaɣ se kaɖaɣ yɔɔ cɔnɩyʋ pɔzʋʋnɩ-ɩ ḿbʋ́. Pʋ-yɔɔ eheyi-i se: «Đajaa! Yee ñalɩzɩnɩ-ɩ yɔ, ŋheyi-m ɖenɖe ŋsɩ-ɩ yɔ nɛ mowolo mankpaɣ-ɩ.»

Yohanɛɛsɩ 20:9

Ɛlɛ́, pataanɩdɩ tɔm ndʋ́ pama Ɛsɔtɔm Takayaɣ taa se pʋwɛɛ se Yesu ɛsɩ nɛ efe yɔ tɩ-tɔbʋʋ.

Yohanɛɛsɩ 21:20

Yesu yɔɔdɩ ḿbʋ́ lɛ, Pɩyɛ kisi ɛ-wayɩ nɛ ɛna tɔmkpɛlɩkɩyʋ weyi Yesu kɩlɩ sɔɔlʋʋ yɔ, ewokaɣ pɔ-cɔlɔ. Ɛnʋ kɛwɛlɩnɩ ɛ-tɩ nɛ Yesu yɔɔ alɩwaatʋ ndʋ́ pɔtɔkaɣ tɔɔnaɣ yɔ nɛ ɛpɔzɩ-ɩ se: «Kɩpaɣlʋ! Akɔŋ-ŋ ɖʋzʋʋ koyindinaa nesi taa?»

Yohanɛɛsɩ 21:24

Tɔmkpɛlɩkɩyʋ ɛnʋ, ɛ-maɣmaɣ ɛlɩzɩnɩ aseɣɖe nɛ ɛma tɔm ndʋ́ tɩlabɩ ḿbʋ́ yɔ. Đa lɛ, ɖɩnawa se ɛ-aseɣɖe kɛ toovenim.

Yohanɛɛsɩ 21:7

Peeɖe tɔmkpɛlɩkɩyʋ weyi Yesu kɩlɩ sɔɔlʋʋ yɔ, eheyi Pɩyɛ se: «Naze Kɩpaɣlʋ!» Siimɔɔ Pɩyɛ nɩwa se Kɩpaɣlʋ, ŋgʋ́, ɛɛhɔzɩ e-toko nɛ ɛsɩɩ. Pʋ-yɔɔ ɛkpaɣ-kʋ esuu nɛ ɛfalɩ lɩm taa se ewoki ɛ-cɔlɔ.