Yohanɛɛsɩ 2:23 - New Testament

²³ Paska Kazandʋ talaa lɛ, ɛyáa na hama lakasɩ nzɩ́ Yesu labɩ Yeruusalɛm yɔ nɛ pɛwɛnɩ lidaʋ ɛ-yɔɔ.

Yohanɛɛsɩ 2:23 ပူးပေါင်းရင်းမြစ်များ

Luka 8:13

Mbá paba wɛ ɛzɩ ɛwaɣ ŋgá kɔ-yɔɔ pee tɔlaa yɔ, panɩɣ-tʋ lɛ, petisi kpaagbaa nɛ laŋhʋlʋmɩyɛ. Ɛlɛ́, paayeki se tɩlabɩ-wɛ tʋmɩyɛ camɩyɛ. Pɛwɛɣnɩ lidaʋ tɩ-yɔɔ alɩwaatʋ pazɩ nɛ pʋkɔɔ pɩtakɩɣ-wɛ lɛ, pɔlɔ-kʋ.

Yohanɛɛsɩ 11:45

Yuda ñɩma mbá paawobi Maarɩɩ cɔlɔ yɔ, pana mbʋ́ Yesu laba yɔ. Pʋ-yɔɔ pa-taa sakɩyɛ wɛnɩ lidaʋ ɛ-yɔɔ.

Yohanɛɛsɩ 2:11

Ḿbʋ́ Yesu labɩ ɛ-kajalaɣ hama lakasɩ. Kana tɛtʋ ndʋ́ tɩwɛ Galilee egeetiye taa yɔ, tɩ-taa ɛlabɩ-sɩ. Ḿbʋ́ ɛwɩlɩnɩ e-ɖoŋ koboyaɣ ñɩŋ nɛ ɛ-tɔmkpɛlɩkɩyaa wɛnɩ lidaʋ ɛ-yɔɔ.

Yohanɛɛsɩ 2:13

Yuda ñɩma Paska Kazandʋ ñɔtaa. Pʋ-yɔɔ Yesu kʋyaa nɛ ewolo Yeruusalɛm.

Yohanɛɛsɩ 3:2

Abalʋ ɛnʋ, ɛkʋyɩ ɖoó naayɛ taa nɛ ewolo Yesu cɔlɔ nɛ eheyi-i se: «Wɩlɩyʋ! Đɩnawa se Ɛsɔ tiyini-ŋ se ŋkɔɔ ŋwɩlɩ-ɖʋ ɛ-tɔm. Mbʋ́ pʋyɔɔ yɔ, nɔɔyʋ fɛyɩ se ɛpɩzɩɣ ɛla hama lakasɩ nzɩ́ ŋlaba yɔ nɛ Ɛsɔ fɛyɩ ɛ-cɔlɔ.»

Yohanɛɛsɩ 4:45

Ɛlɛ́, ɛtalɩ Galilee lɛ, peeɖe ñɩma mʋ-ɩ ɖeu. Mbʋ́ pʋyɔɔ yɔ, paawobi ɖɔɖɔ Yeruusalɛm kazandʋ tɔɔʋ nɛ pana mbʋ́ pɩtɩŋa payɩ ɛɛlaba yɔ.

Yohanɛɛsɩ 5:36

Ma lɛ, malɩzɩɣ aseɣɖe nɖɩ́ ɖɩkɩlɩ Yohanɛɛsɩ ñɩnɖɛ yɔ. Mbʋ́ pʋyɔɔ yɔ, tʋma wena man-Caa ɖʋ-m nɛ malakɩ yɔ, a-maɣmaɣ alɩzɩɣnɩ ma-aseɣɖe se Caa Ɛsɔ tiyini-m.

Yohanɛɛsɩ 6:14

Ɛyáa ḿbá, pana hama lakasɩ nzɩ́ Yesu laba yɔ lɛ, pɔtɔ se: «Toovenim, ɛnɛ lɛ náyʋ weyi paayɔɔdaa se ɛkɔŋ kedeŋa yɔɔ yɔ.»

Yohanɛɛsɩ 6:2

Ɛtalɩ peeɖe lɛ, ɛyáa samaɣ tɩŋɩɣ ɛ-wayɩ, mbʋ́ pʋyɔɔ yɔ, paana hama lakasɩ nzɩ́ ɛlakaɣ nɛ kʋdɔndɩnaa yɔɔ cɛkɩ yɔ.

Yohanɛɛsɩ 7:31

Ŋgʋ́ ɛyáa samaɣ taa lɛ, sakɩyɛ kɛwɛnɩ lidaʋ ɛ-yɔɔ nɛ pɔpɔzʋʋ se: «Weyi Ɛsɔ Lɩzaa Yɔ, ɛkɔŋ lɛ, ɛlakɩ hama lakasɩ nɛ pɩkɩlɩ nzɩ́ abalʋ ɛnɛ ɛlaba yɔ yaa we?»

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

1 Yohanɛɛsɩ 3:23

Ɛ-paɣtʋ ńdʋ́ lɛ se: ɖɩwɛnɩ lidaʋ ɛ-Pɩyalʋ Yesu Krɩstʋ yɔɔ nɛ ɖɩsɔɔlɩ ɖama ɛzɩ ɛ́lɛ́ ɖʋʋ-ɖʋ se ɖɩla yɔ.