Yohanɛɛsɩ 2:19 - New Testament

¹⁹ Yesu cosi-wɛ se: «Yee ɩyɔkɩ Ɛsɔ ɖɩɣa kanɛ yɔ, mamaɣ-kɛ nɛ kɩyakɩŋ naadozo.»

Yohanɛɛsɩ 2:19 ပူးပေါင်းရင်းမြစ်များ

Maatiyee 12:40

Mbʋ́ pʋyɔɔ yɔ, ɛzɩma mbʋ́ Yoonaasɩ caɣ kɩyakɩŋ naadozo wɩsɩ nɛ ɖoó kpakpayaɣ sɔsɔɔ taa yɔ, ḿbʋ́ ɖɔɖɔ Ɛyʋ Pɩyalʋ kɔŋ caɣʋ tɛtɛɛ kɩyakɩŋ naadozo wɩsɩ nɛ ɖoó.

Maatiyee 16:21

Alɩwaatʋ ńdʋ́ʋ́ Yesu pazɩ ɛ-tɔmkpɛlɩkɩyaa yɔɔdɩnaʋ nɛ ɛkaɖɩ-wɛ se pʋwɛɛ se ewolo Yeruusalɛm nɛ ɛtɔɔ kʋñɔŋ siŋŋ Yuda ñɩma sɔsaa nɛ pɔ-cɔjɔnaa sɔsaa nɛ pa-paɣtʋ wɩlɩyaa pe-nesi taa nɛ pakʋ-ɩ nɛ ɛsɩ nɛ kɩyakɩŋ naadozo wiye lɛ, Ɛsɔ fezi-i.

Maatiyee 27:40

se: «Weyi ña ŋtɔŋaɣ se ŋyɔkʋʋ Ɛsɔ ɖɩɣa nɛ ŋɖaɣnɩ-kɛ maʋ nɛ kɩyakɩŋ naadozo yɔ, ya ña-maɣmaɣ ña-ñʋʋ! Yee ŋkɛ Ɛsɔ Pɩyalʋ yɔ, tibini kaamaŋkaɣ yɔɔ nɛ ɖɩna!»

Maatiyee 27:63

nɛ peheyi-i se: «Đajaa! Đɩtɔzʋʋ se alɩwaatʋ ndʋ́ pɔbɔtʋ ɛnɛ ɛɛwɛnɩ ɛ-ɛsɛ yɔ, ɛtɔm se kɩyakɩŋ naadozo wayɩ lɛ, efeŋ.

Maarkɩ 14:58

«Ɛyɔɔdaa se ɛyɔkʋʋ Ɛsɔ ɖɩɣa ŋgá ɛyáa mawa yɔ nɛ ɛɖaɣnɩ maʋ kɩfalaɣ ŋgá ɛyáa ɩɩpɩzɩɣ pama yɔ nɛ kɩyakɩŋ naadozo.»

Maarkɩ 15:29

Nʋmɔɖɔnaa mbá pɛɖɛɣaɣnɩ peeɖe yɔ, pekpiɣyiɣ-i ñʋŋ nɛ patʋʋ-ɩ se: «Hei! Weyi ña ŋtɔŋaɣ se ŋyɔkʋʋ Ɛsɔ ɖɩɣa nɛ ŋɖaɣnɩ-kɛ maʋ nɛ kɩyakɩŋ naadozo yɔ,

Maarkɩ 8:31

Yesu wɩlaɣ ɛ-tɔmkpɛlɩkɩyaa se peɖiɣzini se ɛnʋ Ɛyʋ Pɩyalʋ lɛ, pʋwɛɛ se ɛtɔɔ kʋñɔŋ siŋŋ nɛ Yuda ñɩma sɔsaa nɛ cɔjɔnaa sɔsaa nɛ pa-paɣtʋ wɩlɩyaa pekizi ɛ-tɔm nɛ pakʋ-ɩ ɛsɩ. Kɩyakʋ naadozo ñɩŋgʋ wiye lɛ, Ɛsɔ fezi-i.

Yohanɛɛsɩ 11:25

Yesu heyi-i se: «Mefeziɣni sɩɖaa nɛ mahaɣ-wɛ wezuu. Weyi ɛwɛnɩ lidaʋ mɔ-yɔɔ yɔ, paa ɛsɩba yɔ, ɛwɛɣ wezuu.

Yohanɛɛsɩ 5:19

Peeɖe Yesu kaɖɩ-wɛ se: «Toovenim lɛ, meheyiɣ-mɩ se ma Ɛsɔ Pɩyalʋ lɛ, maapɩzɩɣ mala nabʋyʋ yem man-tɩ yɔɔ. Mbʋ́ man-Caa Ɛsɔ lakɩ nɛ manaɣ yɔ, pi-ɖeke koŋ malakɩ. Mbʋ́ pɩtɩŋa payɩ man-Caa lakɩ yɔ, ḿbʋ́ ɖɔɖɔ malakɩ.

Tʋma Labʋ 2:24

Ɛlɛ́, Ɛsɔ fezi-i nɛ ɛlɩzɩ-ɩ nɛ sɩm nesi taa. Mbʋ́ pʋyɔɔ yɔ, pɩtaapɩzɩɣ se pʋɖɔkɩ-ɩ tam.

Tʋma Labʋ 2:32

Yesu weyi mɔyɔɔdʋʋ ɛ-tɔm ɛzʋnɔ yɔ, Ɛsɔ fezi-i nɛ ɖa ɖana-ɩ nɛ ɖɛ-ɛsɛ ɖatɩŋa.

Tʋma Labʋ 3:15

Ḿbʋ́ ɩlaba nɛ iyele pakʋ Ɛyʋ Kʋtʋʋzʋ ɛnʋ, ŋgʋ́ ɛnʋ haɣnɩ wezuu. Ɛlɛ́, Ɛsɔ fezi-i nɛ ɖɩna-ɩ nɛ ɖɛ-ɛsɛ.

Tʋma Labʋ 3:26

Ḿbʋ́ Ɛsɔ calɩ ɛ-tʋmlaɖʋ Yesu tiyuu mɩ-cɔlɔ se ɛkɔɔ ɛlɩzɩ-mɩ mɩ-kɩwɛɛkɩm taa nɛ pɩwɩlɩ se ɛwazɩ mɩtɩŋa payɩ mɩ-yɔɔ.»

Tʋma Labʋ 6:14

Đɩnɩ ɛyɔɔdaa se Nazarɛɛtɩ tʋ Yesu kɔŋ yɔkʋʋ ɖɩɣa ŋ́gá nɛ piyele ɛlɛɣzɩ sɔnzɩ nzɩ́ Mooyiizi ɖʋ-ɖʋ yɔ.»

Room 4:24

Mbá ɖa ɛpɩsɩ-ɖʋ kʋtʋʋzaa yɔ, ɖɔ-yɔɔ ɖɔɖɔ pama-tʋ. Mbʋ́ pʋyɔɔ yɔ, ɖɩwɛnɩ lidaʋ Ɛsɔ weyi efezi ɖa-Kɩpaɣlʋ Yesu nɛ sɩm taa yɔ ɛ-yɔɔ.

Room 6:4

Yee ḿbʋ́ palabɩ-ɖʋ-sɩ yɔ, pɩwɩlɩɣ se ɖa nɛ ɩ ɖɩsɩbɩna nɛ pepim-ɖʋ. Pɩlabɩ ḿbʋ́ se ɖa ɖɔɖɔ ɖihiɣ wezuu caɣʋ kɩfam ɛzɩ pɩtɩŋnaʋ Caa ɖoŋ taa nɛ Krɩstʋ fe nɛ ɛlɩɩnɩ sɩɖaa taa yɔ.

Room 8:11

Yee Ɛsɔ weyi efezi Yesu nɛ ɛlɩɩnɩ sɩɖaa taa yɔ e-Fezuu Kiɖeɖeu ɛwɛ mɩ-cɔlɔ lɛ, ɛzɩma ɛɛpɩzɩɣ ɛtɩŋnɩ e-Fezuu Kiɖeɖeu ŋgʋ́ kɩwɛ mɩ-cɔlɔ yɔ kɩ-yɔɔ nɛ efezi ɖɔɖɔ mi-tomnasɩ nzɩ́ sɩsɩkɩ yɔ?

1 Kɔrɛntɩ 15:12

Yee ɖisusuu se Krɩstʋ sɩba nɛ efe lɛ, pɩlabɩ ɛzɩma mɩ-taa lɛlaa ñɔtɔŋ se sɩɖaa eefeŋ?

Koloosi 2:12

Palabʋ-mɩ lɩm sɔʋ sɔnzɩ yɔ, mɩ nɛ Krɩstʋ pepima. Mɩ nɛ ɩ ifemna ɖɔɖɔ, mbʋ́ pʋyɔɔ yɔ, ɩwɛnɩ lidaʋ ɖoŋ weyi Ɛsɔ fezini-i nɛ sɩɖaa taa yɔ ɛ-yɔɔ.

1 Pɩyɛ 3:18

Toovenim lɛ, Krɩstʋ maɣmaɣ sɩbɩ ɛyáa kɩwɛɛkɩm yɔɔ kpaagbaa sɩbʋ. Ɛnʋ weyi ɛtʋʋzaa yɔ, ɛsɩbɩ mbá ɖa ɖɩtatʋʋzɩ yɔ ɖɔ-yɔɔ se ɛpɩzɩ ewoni-ɖʋ Ɛsɔ cɔlɔ. Pakʋ-ɩ nɛ ɛsɩ ɛzɩ ɛyáa sɩkʋʋ yɔ. Ɛlɛ́, Fezuu Kiɖeɖeu fezi-i.