Yohanɛɛsɩ 19:4 - New Testament

⁴ Pɩkɛdaa lɛ, Pilaatɩ ɖaɣnɩ lɩʋ nɛ eheyi ɛyáa samaɣ se: «Iwelesi nɛ ɩnɩɩ, malɩzɩɣ-ɩ mɩ-cɔlɔ awayɩ nɛ pʋcɔ ɩtɩlɩ se maanaɣ kɩdɛkɛdɩm mbʋ́ ɛlaba nɛ pʋpɔzʋʋ se pakʋ ɛ-tɔm yɔ.»

Yohanɛɛsɩ 19:4 ပူးပေါင်းရင်းမြစ်များ

Maatiyee 27:19

Pilaatɩ kacaɣ tɔm ɖɩhʋyɛ. Pɩkɛdaa lɛ, ɛ-halʋ tiyi se peheyi-i se: «Taaɖʋ ñɔ-nɔɔ ɛyʋ kʋtʋʋzʋ ɛnʋ ɛ-tɔm taa. Monɖozi-i ɖeɖe ɖoó taa nɛ ɛ-tɔm labɩ-m kʋñɔŋ pɩtɩɩfɛyɩ.»

Maatiyee 27:24

Pilaatɩ nawa se paa ɛwɛɛ ɛyɔɔdʋʋ, pɩɩlɛɣzɩɣ pʋyʋ, ɛlɛ́, pɩtɛzɩɣ miŋ saʋ kɩsaʋ. Alɩwaatʋ ńdʋ́ʋ́ etiyaa se pɔkɔnɩ-ɩ lɩm. Pɔkɔnɩ-pʋ lɛ, ɛsɩŋ ɛyáa ɛsɩndaa nɛ ɛsaŋ e-nesi nɛ ɛtɔ se: «Pɩtɛkɛ mɔntɔmna se pakʋ ɛyʋ kʋtʋʋzʋ ɛnɛ! Mɩ-cɔlɔ lɛ!»

Maatiyee 27:4

Ewoba lɛ, eheyi-wɛ se: «Malabɩ kɩwɛɛkɩm: mankpa ɛyʋ ɛnɛ ɖulum nɛ mɛncɛlɩ se pakʋ-ɩ.» Ɛlɛ́, pocosi-i se: «Ñɔ-cɔlɔ lɛ! Pɩtana-ɖʋ.»

Maatiyee 27:54

Room sɔɔja sɔsɔ nɛ lɛlaa mbá ɛ nɛ wɛ paaɖaŋ Yesu yɔɔ yɔ, pana tɛtʋ ñamsʋʋ nɛ mbʋ́ pɩtɩŋa payɩ pɩlabɩ ḿbʋ́ yɔ lɛ, sɔɔndʋ kpa-wɛ siŋŋ nɛ pɔtɔ se: «Toovenim, ɛnɛ ɛɛkɛ Ɛsɔ Pɩyalʋ!»

Luka 23:4

Ɛlɛ́, Pilaatɩ heyi Cɔjɔnaa sɔsaa nɛ ɛyáa samaɣ ŋgá kɛwɛ peeɖe yɔ se: «Maanaɣ ɛzaɣ́tʋ ndʋ́ abalʋ ɛnɛ ɛlaba nɛ pʋwɛɛ se mankʋ ɛ-tɔm yɔ.»

Luka 23:41

Đa yɔ, pʋmʋnaa se paɖʋ-ɖʋ-kʋ ḿbʋ́ ɖa-lakasɩ kɩdɛkɛdɩsɩ yɔɔ. Ŋgʋ́ ɛnʋ yɔ, ɛtala kɩwɛɛkɩm nabʋyʋ.

Luka 23:47

Peeɖe Room sɔɔja sɔsɔ na mbʋ́ pɩtɩŋa pɩlaba yɔ nɛ ɛsa Ɛsɔ nɛ ɛtɔ se: «Ɛnɛ, ɛɛkɛ ɛyʋ kʋtʋʋzʋ toovenim!»

Yohanɛɛsɩ 18:33

Ɛlɛ́, Pilaatɩ pɩsɩ ɛsʋʋ nɛ ɛ́yáa Yesu nɛ ɛpɔzɩ-ɩ se: «Ña lɛ Yuda ñɩma wiyaʋ sɔsɔ naa we?»

Yohanɛɛsɩ 18:38

Peeɖe Pilaatɩ pɔzɩ-ɩ se: «Ɛbɛ ŋtɩɩyaɣ kpem se toovenim?» Pilaatɩ tɛm Yesu pɔzʋʋ ḿbʋ́ lɛ, ɛtasɩ lɩʋ Yuda ñɩma cɔlɔ nɛ ɛkaɖɩ-wɛ se: «Ma lɛ, maanaɣ mbʋ́ pʋ-yɔɔ pʋpɔzʋʋ se pakʋ abalʋ ɛnɛ ɛ-tɔm yɔ.

Yohanɛɛsɩ 19:6

Cɔjɔnaa sɔsaa nɛ Ɛsɔ ɖɩɣa yɔɔ ɖaŋɩyaa pana-ɩ lɛ, pamakɩ kobusi se: «Kam-ɩ kaamaŋkaɣ yɔɔ! Kam-ɩ kaamaŋkaɣ yɔɔ!» Ɛlɛ́, Pilaatɩ heyi-wɛ se: «Ɩkpaɣ-ɩ mɩ-maɣmaɣ nɛ iwoni-i ɩkam-ɩ. Mbʋ́ pʋyɔɔ yɔ, ma mantana mbʋ́ ɛwɛɛkaa nɛ pʋpɔzʋʋ se pakam-ɩ yɔ.»

2 Kɔrɛntɩ 5:21

Krɩstʋ tala kɩwɛɛkɩm kaʋ. Ɛlɛ́, Ɛsɔ sʋʋ-ɩ ɖa-kɩwɛɛkɩm se ɖa nɛ ɩ ɖɛ-kpɛndʋʋ taa lɛ, ɖɩpɩsɩ ɛyáa kʋtʋʋzaa Ɛsɔ ɛnʋ ɛ-ɛsɩndaa» yɔ.

Ebree 7:26

Toovenim lɛ, Yesu lɛ cɔjɔ sɔsɔ weyi pʋmʋnaa se ɖɩwɛna yɔ: ɛwɛ cɩɖɩcɩɖɩ, paanaɣ ndʋ́ paawanɩ-ɩ yɔ, ɛtala kɩwɛɛkɩm nabʋyʋ. Ɛ nɛ kɩwɛɛkɩm laɖaa pɛfɛyɩ ɖoli kʋɖʋm, ɛwɛ ɖooo ɛsɔdaa.

1 Pɩyɛ 1:19

Ɛlɛ́, Krɩstʋ weyi ɛwɛ ɛzɩ heɣa ŋgá kɔ-yɔɔ fɛyɩ azuluma yaa pɩtacam ko-ɖoli yɔ, ɛnʋ pala ɖɔ-yɔɔ. Kɩlaʋ ŋ́gʋ́ kɩkɩlɩnɩ wazaɣ.

1 Pɩyɛ 2:22

Ɛtala kɩwɛɛkɩm nabʋyʋ. Wiɖiyi patanɩɩ ɛ-nɔɔ taa cɛtɩm tɔm natʋyʋ.

1 Pɩyɛ 3:18

Toovenim lɛ, Krɩstʋ maɣmaɣ sɩbɩ ɛyáa kɩwɛɛkɩm yɔɔ kpaagbaa sɩbʋ. Ɛnʋ weyi ɛtʋʋzaa yɔ, ɛsɩbɩ mbá ɖa ɖɩtatʋʋzɩ yɔ ɖɔ-yɔɔ se ɛpɩzɩ ewoni-ɖʋ Ɛsɔ cɔlɔ. Pakʋ-ɩ nɛ ɛsɩ ɛzɩ ɛyáa sɩkʋʋ yɔ. Ɛlɛ́, Fezuu Kiɖeɖeu fezi-i.

1 Yohanɛɛsɩ 3:5

Ŋgʋ́, ɩnawa se Yesu Krɩstʋ kɔm kedeŋa yɔɔ se ɛlɩzɩ ɛyáa pa-kɩwɛɛkɩm taa, ɛtala kɩwɛɛkɩm nabʋyʋ.