Yohanɛɛsɩ 18:8 - New Testament

⁸ Yesu cosi-wɛ se: «Mɛntɛm-mɩ heyuu se ma yɔ. Yee toovenim se ma ɩñɩnɩɣ yɔ, iyele lɛlaa nɛ pɛɖɛɛ.»

Yohanɛɛsɩ 18:8 ပူးပေါင်းရင်းမြစ်များ

Maatiyee 26:56

Ɛlɛ́, pɩtɩŋa pɩlabɩ ḿbʋ́ se tɔm ndʋ́ náyaa ma Ɛsɔtɔm Takayaɣ taa yɔ, tɩla.» Peeɖe ɛ-tɔmkpɛlɩkɩyaa tɩŋa payɩ mɩzɩ ɖama nɛ peyebi-i.

Yohanɛɛsɩ 10:28

Mahaɣ-ɩ wezuu maatɛŋ, ɩɩtɛŋɛlɩɣ kaʋ. Nɔɔyʋ ɛɛkaɣ-ɩ lɛɣʋ me-nesi taa.

Yohanɛɛsɩ 13:1

Kifeŋaɣ se pɔtɔɔ Paska Kazandʋ. Ɛlɛ́, Yesu na se ɛ-alɩwaatʋ talaa se ɛkʋyɩ kedeŋa kanɛ kɔ-yɔɔ nɛ ewolo ɛ-Caa cɔlɔ. Ɛɛsɔɔlɩ ɛ-ñɩma mbá pɛwɛ kɔ-yɔɔ yɔ kámaɣ́ fɛyɩ.

Yohanɛɛsɩ 13:36

Yesu yɔɔdɩ ḿbʋ́ lɛ, Siimɔɔ Pɩyɛ pɔzɩ-ɩ se: «Kɩpaɣlʋ! Le ŋwoki?» Ecosi-i se: «Lɛɛlɛɛyɔ, ŋŋpɩzɩɣ ŋtɩŋ-m ɖenɖe mowoki yɔ. Ɛlɛ́, pʋwayɩ ŋkɔŋ-m tɩŋʋʋ.»

Yohanɛɛsɩ 16:32

Tɔ! Alɩwaatʋ natʋyʋ kɔŋ, halɩ tɩtɛm talʋʋ. Tɩ-taa ɩmɩzɩɣ ɖama nɛ paa weyi ekpe ɛ-tɛ nɛ iyele men-ɖeke. Paa ḿbʋ́ yɔ, piiyeki men-ɖeke koŋ, Caa wɛɣ mɔn-cɔlɔ.

Yohanɛɛsɩ 18:7

Peeɖe ɛtasɩ-wɛ pɔzʋʋ se: «Anɩ ɩñɩnɩɣ yee?» Pocosi se: «Nazarɛɛtɩ tʋ Yesu.»

Yohanɛɛsɩ 18:9

Ɛyɔɔdɩ ḿbʋ́ se tɔm ndʋ́ ɛɛyɔɔdaa yɔ, tɩla. Ńdʋ́ lɛ se: «Caa, mentelesi ɛyáa mbá ŋɖʋzɩ me-nesi taa yɔ pa-taa nɔɔyʋ.»

1 Kɔrɛntɩ 10:13

Pɩtakɩɣ-mɩ takʋʋ mbʋ́ yɔ, pɩfɛyɩ ndɩ nɛ ɛyáa lɛlaa takʋʋ. Ɛsɔ tʋʋzaa. Ɛlakɩ mbʋ́ ɛɖʋwa yɔ. Eeyeki se pɩtakɩ-mɩ nɛ pɩɖɛɛ mi-ɖoŋ yɔɔ. Ɛlɛ́, alɩwaatʋ ndʋ́ pɩtakɩɣ-mɩ yɔ, ɛwɩlɩɣ-mɩ nʋmɔʋ ŋgʋ́ pʋwɛɛ se ɩtɩŋ nɛ ɩlɩɩ pɩ-taa yɔ.

2 Kɔrɛntɩ 12:9

Peeɖe ecosi-m se: lootiye nɖɩ́ ɖɩ-taa ŋwɛɛ yɔ, ɖɩɖɔ-ŋ. Mbʋ́ pʋyɔɔ yɔ, ñɛ-ɛjandʋ taa mawɩlɩɣ mon-ɖoŋ tɩŋa payɩ. Pʋ-yɔɔ lɛ, pɩkɩlɩ ɖeu se mankʋndɩ nɛ ma-laŋɩyɛ tɩŋa mɛ-ɛjandʋ yɔɔ nɛ Krɩstʋ ɖoŋ wɛɛ mɔ-yɔɔ.

Efɛɛzɩ 5:25

Mɩ walaa lɛ, paa weyi ɛsɔɔlɩ ɛ-halʋ ɛzɩ Krɩstʋ sɔɔlʋʋ ɛ-ŋgbɛyɛ nɛ ɛkpaɣ ɛ-maɣmaɣ ɛ-tɩ nɛ ɛha ɖɩ-taa ñɩma yɔɔ yɔ.

1 Pɩyɛ 5:7

Ɩkpaɣ lɩmaɣza wena atɩŋa payɩ akʋʋ-mɩ yɔ nɛ ɩɖʋzɩ e-nesi taa, mbʋ́ pʋyɔɔ yɔ, ɛnʋ cɔŋnɩnɩ mɩ-yɔɔ.