Yohanɛɛsɩ 17:6 - New Testament

⁶ Meyeba nɛ ɛyáa mbá ŋlɩzɩ kedeŋa kanɛ kɔ-yɔɔ nɛ ŋɖʋzɩ me-nesi taa yɔ, pasɩm-ŋ. Ñaatɩnɩ-wɛ nɛ ŋɖʋzɩ-wɛ me-nesi taa nɛ pɔɖɔŋ ñɔ-tɔm yɔɔ.

Yohanɛɛsɩ 17:6 ပူးပေါင်းရင်းမြစ်များ

Yohanɛɛsɩ 1:18

Nɔɔyʋ tana Ɛsɔ wiɖiyi kaʋ. Ɛlɛ́, ɛ-Pɩyalʋ ɛgbamɩyɛ nɖɩ́ ɖɩ nɛ Caa pɛwɛ ɖama taa nɛ ɖɩkɛ Ɛsɔ yɔ, ńɖɩ́ wɩlɩnɩ-ɖʋ mbʋ́ Ɛsɔ kɛnaa yɔ.

Yohanɛɛsɩ 12:28

Caa! Yele nɛ ña-hɩɖɛ sɛɛ!» Peeɖe pʋyɔɔdɩnɩ ɛsɔdaa se: «Mɛntɛm yebu nɛ ɖɩsɛɛ, ɛlɛ́, meyeki nɛ ɖɩtasɩ sɛʋ!»

Yohanɛɛsɩ 15:19

Yee ɩɩkɛ pa-taa ñɩma yɔ, paasɔɔlɩ-mɩ se ɩkɛ pa-ñɩma. Ɛlɛ́, malɩzɩ-mɩ pa-taa nɛ mɩ nɛ wɛ ɩɩyaɣ ɖama pʋyʋ, pʋ-yɔɔ papaɖɩɣ-mɩ ḿbʋ́.

Yohanɛɛsɩ 15:3

Tɔm ndʋ́ mawɩlɩ-mɩ yɔ, tɩtɛm-mɩ ñɔɔzʋʋ nɛ ɩwɛɛ cɩɖɩcɩɖɩ.

Yohanɛɛsɩ 15:7

Yee ɩkpɛndɩ mɔ-yɔɔ tam nɛ ɩɖɔŋ mɔn-tɔm yɔɔ yɔ, paa ɛbɛ mi-liu ɛwɛɛ nɛ ɩpɔzɩ yɔ, pahaɣ-mɩ-pʋ.

Yohanɛɛsɩ 17:12

Alɩwaatʋ ndʋ́ ma nɛ wɛ ɖɩɩwɛɛ yɔ, ño-ɖoŋ taa mɔncɔŋaɣnɩ mbá ŋɖʋzɩ me-nesi taa yɔ pɔ-yɔɔ: mohuuzi pɔ-yɔɔ nɛ pa-taa nɔɔyʋ tele nɛ pɩtasɩnɩ weyi pɩɩwɛɛ se ele nɛ tɔm ndʋ́ pama Ɛsɔtɔm Takayaɣ taa yɔ, tɩla yɔ.

Yohanɛɛsɩ 17:14

Mawɩlɩ-wɛ ñɔ-tɔm nɛ kedeŋa ñɩma paɖɩɣ-wɛ, mbʋ́ pʋyɔɔ yɔ, pa nɛ wɛ patakaa lɩmaɣza ɛzɩ ma nɛ kedeŋa ñɩma ḿbá ɖɩwɛʋ nɛ ɖɩtakaa lɩmaɣza yɔ.

Yohanɛɛsɩ 17:16

Pa nɛ kedeŋa ñɩma patakaa lɩmaɣza ɛzɩ ma nɛ wɛ ɖɩwɛʋ nɛ ɖɩtakaa lɩmaɣza yɔ.

Yohanɛɛsɩ 17:2

Mbʋ́ pʋyɔɔ yɔ, ŋha-m waɖɛ ɛyáa tɩŋa yɔɔ se maha mbá patɩŋa payɩ ŋɖʋzɩ me-nesi taa yɔ wezuu maatɛŋ.

Yohanɛɛsɩ 17:24

Caa! Ñaɖʋzɩnɩ-wɛ me-nesi taa. Me-liu wɛɛ se pɛwɛɛ ɖenɖe mɔnkɔŋ wɛʋ yɔ nɛ pana mon-koboyaɣ. Ñahanɩ-m-kɛ, mbʋ́ pʋyɔɔ yɔ, ŋŋsɔɔlɩ-m nɛ pʋcɔ ŋla kedeŋa.

Yohanɛɛsɩ 17:26

Meyeba nɛ pasɩm-ŋ, mɛwɛɣ pʋ-yɔɔ tam. Peeɖe pɔsɔɔlʋʋ ɖama ɛzɩ ŋsɔɔlʋʋ-m yɔ nɛ ma nɛ wɛ ɖɩwɛɛ ɖama taa.»

Yohanɛɛsɩ 17:7

Lɛɛlɛɛyɔ, panawa se mbʋ́ pɩtɩŋa payɩ ŋɖʋzɩ me-nesi taa yɔ, ñɔ-cɔlɔ pɩlɩnaa.

Yohanɛɛsɩ 18:9

Ɛyɔɔdɩ ḿbʋ́ se tɔm ndʋ́ ɛɛyɔɔdaa yɔ, tɩla. Ńdʋ́ lɛ se: «Caa, mentelesi ɛyáa mbá ŋɖʋzɩ me-nesi taa yɔ pa-taa nɔɔyʋ.»

Yohanɛɛsɩ 6:37

Ɛyáa mbá patɩŋa man-Caa cɛlɩɣ-m yɔ, pɔkɔŋ mɔn-cɔlɔ, maakiziɣ pa-taa nɔɔyʋ kaʋ.

Yohanɛɛsɩ 6:39

Ɩɩnaɣ mbʋ́ weyi etiyi-m yɔ e-liu wɛɛ yɔ. Ḿbʋ́ lɛ se: mantaalesi mbá ɛcɛlɩ-m yɔ pa-taa nɔɔyʋ. Ɛlɛ́, menfezi patɩŋa payɩ kɛtɛzaɣ kɩyakʋ wiye nɛ sɩm taa nɛ pɛwɛɛ wezuu.

Yohanɛɛsɩ 8:51

Toovenim lɛ, meheyiɣ-mɩ se: weyi ɛɖɔŋ mɔn-tɔm yɔɔ yɔ, ɛɛsɩkɩ kaʋ.»

Yohanɛɛsɩ 8:52

Peeɖe Yuda ñɩma heyi-i se: «Lɛɛlɛɛyɔ ɖɩnawa se ŋkem aleewaa yɔ! Abraham sɩba, náyaa ñasɩ nɛ ña ñɔtɔŋ se weyi ɛɖɔŋ ñɔ-tɔm yɔɔ yɔ, ɛɛsɩkɩ kaʋ!

Tʋma Labʋ 13:48

Mbá pɛtɛkɛ Yuda ñɩma yɔ, panɩ-tʋ ḿbʋ́ lɛ, pa-taa labɩ-tʋ nɛ leleŋ pɩŋŋ nɛ pɔtɔ se Kɩpaɣlʋ tɔm wɛ ɖeu. Peeɖe mbá patɩŋa pɩɩwɛɛ se pehiɣ wezuu maatɛŋ yɔ, pɛwɛnɩ lidaʋ Yesu yɔɔ.

Room 11:2

Ɛsɔ tɔlɔ ɛ-ñɩma mbá ɛɛlɩzɩ ɖooo lɔŋ yɔ. Pɩlakɩ-m ɛzɩ ɩsɩm Ɛsɔtɔm Takayaɣ taa ɖenɖe pamawa se Elii kpiɖaɣ Izrɛɛlɩ ñɩma yɔɔ Ɛsɔ ɛsɩndaa yɔ.

2 Kɔrɛntɩ 4:6

Mbʋ́ pʋyɔɔ yɔ, Ɛsɔ weyi ɛtɔm se: «Ñalɩmɩyɛ ɛñalɩ cɩkpɛndʋʋ taa» yɔ, ɛnʋ ɖɔɖɔ yebina nɛ ɛ-ñalɩmɩyɛ ñalɩ ɖa-laŋa taa. Ńɖɩ́ yekina se ɖɩtɩlɩ e-koboyaɣ ŋgá kañɩlɩsɩɣ Krɩstʋ ɛsɩndaa yɔ.

Koloosi 3:16

Iyele ɖɔɖɔ nɛ Krɩstʋ tɔm su mɩ-taa ɖo: ɩkpɛlɩkɩ ɖama nɛ ɩka ɖama ñʋŋ taa nɛ mɩ-lɔŋsɩnɖɛ tɩŋa. Itee hendu nɛ ɩsa Ɛsɔ nɛ mɩ-laŋɩyɛ tɩŋa pilim e-lootiye yɔɔ: ɩyaa keɣsi nɛ itee-i hendu ndʋ́ ndʋ́ e-Fezuu Kiɖeɖeu wɩlɩɣ-mɩ yɔ.

2 Timootee 1:13

Yele nɛ toovenim tɔm ndʋ́ meheyi-ŋ yɔ, tɩkɛnɩ ña-nʋmɔʋ lidaʋ wɛnaʋ nɛ sɔɔlɩm mbá ŋwɛnɩ ña nɛ Krɩstʋ Yesu mɩ-kpɛndʋʋ taa yɔ pa-taa.

Ebree 2:12

Halɩ ɛtɔm se: «Hayɩ Ɛsɔ! Mankaɣ heyuu ma-ñɩma ñɔ-tɔm. Mankaɣ-ŋ sam alɩwaatʋ ndʋ́ pekpeɣliɣ se pasam-ŋ yɔ.»

Ebree 3:6

Piyele Krɩstʋ lɛ, ɛ́lɛ́ ñalabɩ ɛ-ñɩnɖɛ camɩyɛ ɛzɩ abalɩbɩɣa ŋgá kɔcɔŋnɩ ka-caa ɖɩɣa yɔɔ yɔ. Yee ɖɩwɛɛ nɛ sɔɔndʋ ɛɛkpaɣ-ɖʋ nɛ ɖɩɖɔkɩ ɖe-lidaʋ wɛnaʋ mbʋ́ pʋkɔŋ labʋ yɔ pɩ-taa yɔ, pʋbʋ, ɖɩkɛ ɛ-ɖɩɣa taa ñɩma. Ḿbʋ́ ɖa-taa hʋlʋmɩnaa.

1 Pɩyɛ 1:1

Ma Pɩyɛ weyi ɛkɛ Yesu Krɩstʋ tiyiyu yɔ, mamaɣnɩ takayaɣ kanɛ. Mamaɣ-kɛ mbá mɩ Ɛsɔ lɩzaa se ɩkɛ ɛ-ñɩma nɛ ɩfɛyɩ mɩ-tɛ yɔ. Ɩmɩzɩ ɖama ageeta wena payaɣ se Pɔntɩ nɛ Galaasii nɛ Kapaadoosi nɛ Aazii nɛ Bitinii yɔ a-taa.

1 Yohanɛɛsɩ 5:20

Đɩnawa ɖɔɖɔ se Ɛsɔ Pɩyalʋ kɔm kedeŋa yɔɔ nɛ ɛha-ɖʋ lɛɣtʋ se ɖɩpɩzɩ ɖɩtɩlɩ Ɛsɔ. Ɛsɔ ɛnʋ lɛ Ɛsɔ maɣmaɣ kpem. Ɛ-Pɩyalʋ Yesu Krɩstʋ yɔɔ pɩtɩŋnaa nɛ ɖa nɛ ɩ ɖɩwɛɛ ɖama taa. Ɛnʋ lɛ Ɛsɔ maɣmaɣ kpem, ɛnʋ lɛ wezuu maatɛŋ.

Wɩlʋʋ 2:13

Mansɩm ɖenɖe ñɛ-ŋgbɛyɛ taa ñɩma wɛɛ yɔ: peeɖe Satanɩ kewiyaɣ kpelaɣ wɛɛ. Pɔɖɔkɩ ma-hɩɖɛ kpam nɛ pɔtɔlɔ lidaʋ ŋgʋ́ pɛwɛnɩ mɔ-yɔɔ yɔ, halɩ pɩkpɛndɩnɩ kɩyakɩŋ weyi ɩ-taa pakʋ ma-aseɣɖe tʋ Antiipaa yɔ. Ɛlakaɣ mbʋ́ ɛɖʋwa yɔ. Đenɖe Satanɩ wɛɛ yɔ, peeɖe pɩtɩŋa payɩ pɩɩlaba ḿbʋ́.

Wɩlʋʋ 3:10

Ɛzɩma mbʋ́ meheyi-wɛ se pɔ́ɖɔ́kɩ pa-tɩ nɛ petisi pɔ́ɖɔ́kɩ tɔm ńdʋ́ yɔ, ma ɖɔɖɔ mɔnɖɔkʋʋ-wɛ. Mɔnɖɔkʋʋ-wɛ alɩwaatʋ ndʋ́ pʋkɔŋ takʋʋ kedeŋa kpeekpe yɔɔ ɛyáa se pɩna pa-wayɩ yɔ.

Wɩlʋʋ 3:8

Mansɩm mbʋ́ ñɛ-ŋgbɛyɛ taa ñɩma lakɩ yɔ. Na: mantʋlɩ nɔnɔɔ ŋgá nɔɔyʋ ɛɛpɩzɩɣ ɛɖɩɣ yɔ ñɛ-ɛsɩndaa. Mbʋ́ pʋyɔɔ yɔ, pɛwɛnɩ ɖoŋ pazɩ, ɛlɛ́, pɔɖɔkɩ mɔn-tɔm nɛ pɛtɛkpɛzɩ se patasɩm-m.