Yohanɛɛsɩ 17:3 - New Testament

³ Ŋgʋ́, wezuu maatɛŋ lɛ se patɩlɩ weyi ña ñe-ɖeke koŋ lɛ Ɛsɔ siŋŋ yɔ nɛ ma Yesu Krɩstʋ weyi ŋtiyaa yɔ.

Yohanɛɛsɩ 17:3 ပူးပေါင်းရင်းမြစ်များ

Maarkɩ 9:37

«Yee nɔɔyʋ ɛmʋ piya cikpesi sɩnɛ sɩ-taa nakɛyɛ mɔ-yɔɔ yɔ, man-tɩ tɩŋa ɛmʋwa. Weyi ɛmʋ-m yɔ, pɩtɛkɛ man-tɩ tɩŋa ɛmʋwa, ɛlɛ́, weyi etiyi-m yɔ ɛmʋwa.»

Luka 9:48

nɛ eheyi-wɛ se: «Yee nɔɔyʋ ɛmʋ pɩɣa cikpelaɣ ɛzɩ kanɛ yɔ mɔ-yɔɔ yɔ, man-tɩ tɩŋa pʋdʋ mʋwa. Weyi ɛmʋ-m yɔ, ɛmʋ ɖɔɖɔ weyi etiyi-m yɔ. Mbʋ́ pʋyɔɔ yɔ, weyi ɛpɩsɩ ɛ-tɩ mɩ-taa pɩɣa yɔ, ɛnʋ lɛ sɔsɔ.»

Yohanɛɛsɩ 10:36

Yee ḿbʋ́ lɛ, pɩlabɩ ɛzɩma mɔntɔ se: ma lɛ Ɛsɔ Pɩyalʋ nɛ ɩtɔŋ se mɛwɛɛkɩɣ ɛ-hɩɖɛ yɔ? Ŋgʋ́, ma ɛlɩzaa nɛ etiyi kedeŋa yɔɔ.

Yohanɛɛsɩ 11:42

Ma lɛ, manawa se ŋnɩɣnɩ-m tam. Ɛlɛ́, ɛyáa samaɣ ŋgá kɔcɔ-m kata yɔ, kɔ-yɔɔ mɔyɔɔdʋʋ ḿbʋ́ se papɩzɩ petisi se ñetiyini-m.»

Yohanɛɛsɩ 14:26

Sɩnɩyʋ ɛnʋ lɛ Fezuu Kiɖeɖeu. Ŋ́gʋ́ Caa kɔŋ-mɩ tiyinaʋ nɛ mɔ-nɔɔ. Kɩkɔŋ-mɩ wɩlʋʋ pɩtɩŋa nɛ kɩtɔzɩ-mɩ mbʋ́ pɩtɩŋa payɩ meheyi-mɩ yɔ.

Yohanɛɛsɩ 17:18

Mentiyi-wɛ kedeŋa yɔɔ ñɩma hɛkʋ taa ɛzɩ ŋtiyuu-m kɔ-yɔɔ ñɩma hɛkʋ taa yɔ.

Yohanɛɛsɩ 17:21

Mentendiɣ-ŋ se ŋyele nɛ patɩŋa payɩ pala nɔɔ kʋɖʋmaɣ. Caa! Yele ɖa nɛ wɛ ɖɩwɛɛ ɖama taa ɛzɩ ma nɛ ŋ ɖɩwɛʋ ɖama taa yɔ. Ḿbʋ́ wɩlɩɣnɩ kedeŋa ñɩma se ñetiyini-m.

Yohanɛɛsɩ 17:23

Ḿbʋ́ ma nɛ wɛ ɖɩwɛɣ ɖama taa nɛ ma nɛ ŋ ɖɩwɛɛ ɖama taa. Mentendiɣ-ŋ se ŋyele nɛ pala nɔɔ kʋɖʋmaɣ siŋŋ nɛ kedeŋa ñɩma tɩlɩ se ñetiyini-m. Đɔɖɔ lɛ, ŋsɔɔlɩ-wɛ ɛzɩ ŋsɔɔlʋʋ-m yɔ.

Yohanɛɛsɩ 17:25

Caa kʋtʋʋzʋ! Keɖeŋa ñɩma tasɩm-ŋ. Ɛlɛ́, ma mansɩm-ŋ nɛ mbá ŋɖʋzɩ me-nesi taa yɔ, patɩlɩ se ñetiyini-m.

Yohanɛɛsɩ 17:8

Mbʋ́ pʋyɔɔ yɔ, meheyi-wɛ tɔm ndʋ́ ŋheyi-m yɔ nɛ petisi-tʋ. Pana toovenim se ñɔ-cɔlɔ malɩnaa nɛ petisi se ñetiyini-m.

Yohanɛɛsɩ 3:17

Toovenim lɛ, Ɛsɔ tetiyi ɛ-Pɩyalʋ ɛyáa cɔlɔ se ɛhʋʋnɩ-wɛ nɛ ɛkʋ pɔ-tɔm. Ɛlɛ́, etiyi-i se ɛya pa-ñʋʋ.

Yohanɛɛsɩ 3:34

Weyi Ɛsɔ tiyi-i yɔ, ɛyɔɔdʋʋ Ɛsɔ tɔm. Mbʋ́ pʋyɔɔ yɔ, Ɛsɔ tɛzɩ-ɩ haʋ e-Fezuu Kiɖeɖeu.

Yohanɛɛsɩ 5:44

Mbá mɩ ɩyɩɣyɩɣ ɖama nɛ ɩɩcaɣ se Ɛsɔ ɖeke koŋ ɛyɩɣyɩnɩ-mɩ yɔ, ɛzɩma ɩpɩzɩɣ ɩwɛnɩ lidaʋ mɔ-yɔɔ?

Yohanɛɛsɩ 6:57

Caa weyi etiyini-m yɔ, ɛwɛnɩ wezuu, ɛ-yɔɔ mɛwɛnɩ wezuu ɖɔɖɔ. Ḿbʋ́ ɖɔɖɔ weyi ɛtɔkɩ-m yɔ, ɛwɛɣnɩ wezuu mɔ-yɔɔ.

Yohanɛɛsɩ 7:29

Ɛlɛ́, ma mansɩm-ɩ, mbʋ́ pʋyɔɔ yɔ, ɛ-cɔlɔ malɩnaa, ɛnʋ tiyini-m.»

Yohanɛɛsɩ 8:19

Peeɖe pɔpɔzɩ-ɩ se: «Le ña-Caa wɛɛ?» Ecosi-wɛ se: «Yee ɩɩsɩm-m yɔ, ɩɩsɩm ɖɔɖɔ man-Caa. Ɩtasɩm-m, ɩtasɩ ɖɔɖɔ man-Caa.»

1 Kɔrɛntɩ 15:34

Pʋ-yɔɔ lɛ, ɩmaɣzɩ mɩ-ñʋŋ taa camɩyɛ ɛzɩ pʋpɔzʋʋ yɔ nɛ iyele kɩwɛɛkɩm labʋ. Me-liu wɛɛ se fɛyɛ ɛkpa-mɩ yɔɔ mɔyɔɔdʋʋ se mɩ-taa nabɛyɛ tasɩ Ɛsɔ.

1 Kɔrɛntɩ 8:4

Lɛɛlɛɛyɔ, mancaɣ se mɔyɔɔdɩ kɩlaʋ nandʋ tɔɔʋ tɔm. Đɩnawa se agɔlɩma fɛyɩnɩ wazaɣ nakɛyɛ kedeŋa yɔɔ cɩnɛ. Đɩnawa ɖɔɖɔ se Ɛsɔ kʋɖʋm koŋ wɛna.

2 Kɔrɛntɩ 4:6

Mbʋ́ pʋyɔɔ yɔ, Ɛsɔ weyi ɛtɔm se: «Ñalɩmɩyɛ ɛñalɩ cɩkpɛndʋʋ taa» yɔ, ɛnʋ ɖɔɖɔ yebina nɛ ɛ-ñalɩmɩyɛ ñalɩ ɖa-laŋa taa. Ńɖɩ́ yekina se ɖɩtɩlɩ e-koboyaɣ ŋgá kañɩlɩsɩɣ Krɩstʋ ɛsɩndaa yɔ.

Filiipu 3:10

Mbʋ́ pɩtɩŋa me-liu wɛɛ yɔ lɛ se: me-wezuu caɣʋ taa lɛ, mantɩlɩ Krɩstʋ nɛ mana ɖoŋ weyi efemnaa yɔ, nɛ mɔntɔɔ kʋñɔŋ ŋgʋ́ ɛtɔwaa yɔ nɛ mansɩ ɛzɩ ɛnʋ yɔ,

Filiipu 3:8

Halɩ mankpakɩɣ pɩtɩŋa payɩ se pʋɖʋzɩ-m, mbʋ́ pʋyɔɔ yɔ, mansɩm man-Kɩpaɣlʋ Krɩstʋ Yesu yɔ, pɩkɩlɩ-m wazaɣ pɩtɩŋa payɩ. Ɛ-yɔɔ lɛ, mentisaa se melesi pɩtɩŋa payɩ. Mankpakɩɣ pɩtɩŋa ɛzɩ azuluma pʋyʋ yɔ se manpɩzɩ mehiɣ Krɩstʋ ɛnʋ. Malakɩ ḿbʋ́ se ma nɛ ɩ ɖɩwɛɛ ɖama taa. Yee ḿbʋ́ pɩtɛkɛ paɣtʋ yɔɔ ɖɔm yebina nɛ manpɩsɩ ɛyʋ kʋtʋʋzʋ. Ɛlɛ́, mɛwɛnɩ lidaʋ Krɩstʋ yɔɔ yɔɔ manpɩsɩ ɛyʋ kʋtʋʋzʋ. Ɛsɔ cɔlɔ pɩlɩnaa se pɩtɩŋnɩ lidaʋ yɔɔ nɛ ɛyʋ pɩsɩ kʋtʋʋzʋ ḿbʋ́.

1 Tesalooniki 1:9

Pa-maɣmaɣ pɛkɛdɩɣ ɛzɩma mbʋ́ ɩmʋ-ɖʋ mɩ-tɛ yɔ pʋ-tɔm nɛ ɛzɩma mbʋ́ ɩha agɔlɩma siɣ́ye nɛ ɩnɩɣnɩ Ɛsɔ wezuu tʋ nɛ toovenim tʋ tʋmɩyɛ

2 Tesalooniki 1:8

miŋ sɔsɔŋ taa yɔ. Ḿbʋ́ ɛkɔŋ se ɛhɔ mbá patasɩ Ɛsɔ nɛ paañaŋ ɖa-Kɩpaɣlʋ Yesu Laŋhɛzɩyɛ Tɔm yɔ pa-nɩŋgbaaŋ.

Ebree 3:1

Pʋ-yɔɔ lɛ, taabalaa Ɛsɔ ñɩma mbá mɩ ɛya-mɩ ɖɔɖɔ yɔ, ɩcɔnɩ Yesu weyi Ɛsɔ tiyaa se ɛkɛ cɔjɔnaa ñʋʋdʋ yɔ. Ɛ-tɔm ɖiheyiɣ ɛyáa, ɛ-yɔɔ ɖɩwɛnɩ lidaʋ.

2 Pɩyɛ 1:2

Mɛnsɛ-mɩ: Ɛsɔ ɛtɩŋnɩ ɛzɩma mbʋ́ ɩsɩm ɛ nɛ ɖa-Kɩpaɣlʋ Yesu yɔ pʋ-yɔɔ nɛ ɛlabɩ-mɩ lootiye kpem nɛ ɛhɛzɩ mɩ-laŋa siŋŋ.

2 Pɩyɛ 1:3

Yesu Krɩstʋ wɛnɩ Ɛsɔ ɖoŋ nɛ ɛha-ɖʋ pɩtɩŋa payɩ se ɖɩwɛɛ wezuu nɛ ɖɩla mbʋ́ Ɛsɔ liu wɛɛ yɔ. E-koboyaɣ nɛ ɛzɩma mbʋ́ ɛkɩlɩ pɩtɩŋa yɔ, pɔ-yɔɔ eyebi se ɖɩtɩlɩ Ɛsɔ weyi ɛya-ɖʋ se ɖɩkɛ ɛ-ñɩma yɔ.

2 Pɩyɛ 1:8

Toovenim lɛ, wɛtʋ ńdʋ́ʋ́ pʋwɛɛ se ɩwɛna nɛ iyele tɩɖɛɛnɩ ɛsɩndaa. Peeɖe mɩ-tʋmɩyɛ labʋ tɛzɩɣ ɖɛʋ nɛ ɛsɩndaa nɛ ɩtɛzɩ tɩlʋʋ ɖa-Kɩpaɣlʋ Yesu Krɩstʋ camɩyɛ.

1 Yohanɛɛsɩ 1:2

Wezuu ŋ́gʋ́, pɩlɩzɩ-kʋ nɛ pɩwɩlɩ-ɖʋ nɛ ɖɩna-kʋ yɔɔ ɖɩlɩzɩɣ kɩ-aseɣɖe. Ŋ́gʋ́ lɛ wezuu maatɛŋ ŋgʋ́ kɩwɛ Caa Ɛsɔ cɔlɔ yɔ. Kʋ-tɔm ɖɩkɛdɩɣ-mɩ.

1 Yohanɛɛsɩ 1:3

Điheyiɣ-mɩ mbʋ́ ɖɩnanɩ ɖɛ-ɛsɛ nɛ ɖɩnɩɩnɩ ɖa-nɩŋgbaaŋ yɔ se ɩkpɛndɩ ɖɔ-yɔɔ ɖa nɛ Caa nɛ ɛ-Pɩyalʋ Yesu Krɩstʋ ɖɛ-kpɛndʋʋ taa.

1 Yohanɛɛsɩ 2:23

Toovenim lɛ, weyi ekiziɣ Ɛsɔ Pɩyalʋ yɔ, ɛtasɩ ɖɔɖɔ Caa Ɛsɔ. Weyi ɛ́lɛ́ tisiɣ se ɛsɩm Ɛsɔ Pɩyalʋ yɔ, ɛsɩm ɖɔɖɔ Caa Ɛsɔ.

1 Yohanɛɛsɩ 4:6

Piyele ma nɛ mɩ lɛ, ɖɩkɛ Ɛsɔ ñɩma. Weyi ɛsɩm Ɛsɔ yɔ, ɛnɩɣnɩ-ɖʋ. Weyi ɛ́lɛ́ tɛkɛ Ɛsɔ ñɩnʋ yɔ, ɛɛnɩɣnɩ-ɖʋ. Ḿbʋ́ ɖɩtɩlɩɣnɩ se toovenim Fezuu wɛnɩ nɔɔyʋ cɔlɔ yaa cɛtɩm ñɩŋgʋ wɛna.

1 Yohanɛɛsɩ 5:20

Đɩnawa ɖɔɖɔ se Ɛsɔ Pɩyalʋ kɔm kedeŋa yɔɔ nɛ ɛha-ɖʋ lɛɣtʋ se ɖɩpɩzɩ ɖɩtɩlɩ Ɛsɔ. Ɛsɔ ɛnʋ lɛ Ɛsɔ maɣmaɣ kpem. Ɛ-Pɩyalʋ Yesu Krɩstʋ yɔɔ pɩtɩŋnaa nɛ ɖa nɛ ɩ ɖɩwɛɛ ɖama taa. Ɛnʋ lɛ Ɛsɔ maɣmaɣ kpem, ɛnʋ lɛ wezuu maatɛŋ.