Yohanɛɛsɩ 17:2 - New Testament

² Mbʋ́ pʋyɔɔ yɔ, ŋha-m waɖɛ ɛyáa tɩŋa yɔɔ se maha mbá patɩŋa payɩ ŋɖʋzɩ me-nesi taa yɔ wezuu maatɛŋ.

Yohanɛɛsɩ 17:2 ပူးပေါင်းရင်းမြစ်များ

Maatiyee 11:27

Pʋwayɩ lɛ, Yesu heyi ɛyáa se: «Pɩtɩŋa payɩ lɛ, man-Caa cɛlɩnɩ-m. Nɔɔyʋ tasɩ mbʋ́ mɛnkɛnaa yɔ nɛ pɩtasɩnɩ man-Caa. Đɔɖɔ lɛ, nɔɔyʋ tasɩm-ɩ nɛ pɩtasɩnɩ ɛ-Pɩyalʋ ma nɛ mbá mɔnsɔɔlaa nɛ mawɩlɩ-ɩ-wɛ yɔ.

Maatiyee 25:46

Powokini-wɛ ɖenɖe kʋñɔŋ maatɛŋ wɛɛ yɔ nɛ piyele mbá patʋʋzaa yɔ, paba ñowolo ɖenɖe wezuu maatɛŋ wɛɛ yɔ.»

Maatiyee 28:18

Peeɖe Yesu woba pɔ-cɔlɔ nɛ eheyi-wɛ se: «Ɛsɔ ha-m ɖoŋ tɩŋa payɩ ɛsɔdaa nɛ tataa.

Yohanɛɛsɩ 17:24

Caa! Ñaɖʋzɩnɩ-wɛ me-nesi taa. Me-liu wɛɛ se pɛwɛɛ ɖenɖe mɔnkɔŋ wɛʋ yɔ nɛ pana mon-koboyaɣ. Ñahanɩ-m-kɛ, mbʋ́ pʋyɔɔ yɔ, ŋŋsɔɔlɩ-m nɛ pʋcɔ ŋla kedeŋa.

Yohanɛɛsɩ 17:6

Meyeba nɛ ɛyáa mbá ŋlɩzɩ kedeŋa kanɛ kɔ-yɔɔ nɛ ŋɖʋzɩ me-nesi taa yɔ, pasɩm-ŋ. Ñaatɩnɩ-wɛ nɛ ŋɖʋzɩ-wɛ me-nesi taa nɛ pɔɖɔŋ ñɔ-tɔm yɔɔ.

Yohanɛɛsɩ 17:9

Mentendiɣ-ŋ pɔ-yɔɔ. Maatendiɣ-ŋ kedeŋa ñɩma yɔɔ, ɛlɛ́, mbá ŋɖʋzɩ me-nesi taa yɔ, pɔ-yɔɔ mentendiɣ-ŋ. Mbʋ́ pʋyɔɔ yɔ, ñatɩnɩ-wɛ.

Yohanɛɛsɩ 3:35

Caa Ɛsɔ sɔɔlɩ ɛ-Pɩyalʋ nɛ ɛkpaɣ pɩtɩŋa payɩ ɛ́ɖʋzɩ e-nesi taa.

Yohanɛɛsɩ 4:14

Weyi ɛ́lɛ́ ñɔʋ lɩm mbʋ́ ma mahaɣ-ɩ yɔ, lɔkɔtʋ ɛɛtasɩɣ-ɩ ɖɔkʋʋ wiɖiyi kaʋ. Lɩm ḿbʋ́, pʋwɛɣ ɛ-taa ɛzɩ hiɖe nɖɩ́ ɖɩ-taa lɩm ɛɛtɛŋ kaʋ nɛ pɩhaɣ wezuu maatɛŋ yɔ.»

Yohanɛɛsɩ 6:27

Ɩtaala tʋmɩyɛ tɔɔnaɣ ŋgá kɛwɛɛkɩɣ yɔ kɔ-yɔɔ. Ɛlɛ́, ɩla ŋgá kacakɩ tam nɛ kahaɣ wezuu maatɛŋ yɔ kɔ-yɔɔ. Ɛyʋ Pɩyalʋ kɔŋnɩ-mɩ-kɛ haʋ, mbʋ́ pʋyɔɔ yɔ, Caa Ɛsɔ ñɩɣ ɛ-yɔɔ nesi.»

Yohanɛɛsɩ 6:37

Ɛyáa mbá patɩŋa man-Caa cɛlɩɣ-m yɔ, pɔkɔŋ mɔn-cɔlɔ, maakiziɣ pa-taa nɔɔyʋ kaʋ.

Yohanɛɛsɩ 6:39

Ɩɩnaɣ mbʋ́ weyi etiyi-m yɔ e-liu wɛɛ yɔ. Ḿbʋ́ lɛ se: mantaalesi mbá ɛcɛlɩ-m yɔ pa-taa nɔɔyʋ. Ɛlɛ́, menfezi patɩŋa payɩ kɛtɛzaɣ kɩyakʋ wiye nɛ sɩm taa nɛ pɛwɛɛ wezuu.

Room 6:23

Kɩwɛɛkɩm kɩhɛyʋʋ lɛ sɩm. Ɛlɛ́, kʋjɔʋ ŋgʋ́ Ɛsɔ lakɩ-ɖʋ falaa yɔ lɛ wezuu maatɛŋ ŋgʋ́ ɖihiɣ ɖa nɛ ɖa-Kɩpaɣlʋ Krɩstʋ Yesu ɖɛ-kpɛndʋʋ taa yɔ.

1 Kɔrɛntɩ 15:25

Mbʋ́ pʋyɔɔ yɔ, pʋwɛɛ se ɛtɔɔ kewiyaɣ ḿbʋ́ nɛ pʋkɔɔ pɩsɩɩnɩ alɩwaatʋ ndʋ́ Ɛsɔ kpa e-koyindinaa tɩŋa payɩ nɛ ɛ́ɖʋzɩ-wɛ e-nesi taa yɔ.

Efɛɛzɩ 1:20

Ɛnʋ ɛlabɩnɩ tʋmɩyɛ Krɩstʋ taa nɛ efezini-i sɩɖaa taa nɛ ɛcaɣzɩ-ɩ ɛ-cɔlɔ lone kɩbanɖɛ taa ɛsɔdaa.

Filiipu 2:10

Ɛlabɩ ḿbʋ́ se mbʋ́ pɩtɩŋa payɩ pʋwɛ ɛsɔdaa nɛ tataa cɩnɛ nɛ halɩ pɩkpɛndɩnɩ tɛtɛɛ yɔ, pɩnɩ hɩɖɛ ńɖɩ́ se Yesu lɛ, pɩñam-ɩ nɛ puluŋ pɩ-nɩmbɔla yɔɔ nɛ

1 Timootee 1:16

Pʋ-yɔɔ ɛna man-pʋtɔdɩyɛ se ɛwɩlɩ-mɩ ɛzɩma mbʋ́ ɛɖɔkʋʋ ɛ-hɔyɛ kpem yɔ. Ɛlabɩ ḿbʋ́ se mbá patɩŋa payɩ pɔkɔŋ wɛnaʋ lidaʋ ɛ-yɔɔ nɛ pehiɣ wezuu maatɛŋ yɔ pana.

Ebree 1:2

Ɛlɛ́, lɛɛlɛɛyɔ ɛtɩŋnɩ ɛ-Pɩyalʋ yɔɔ nɛ ɛyɔɔdɩnɩ-ɖʋ kɛtɛzaɣ kɩyakɩŋ ɩnɛ ɩ-taa. Ɛ-yɔɔ ɛtɩŋnaa nɛ ɛla kedeŋa. Ɛlɩzɩ-ɩ se ɛtɩɣyɩ pɩtɩŋa payɩ.

1 Pɩyɛ 3:22

Ɛnʋ kpanɩ ɛsɔdaa nɛ ɛcaɣ Ɛsɔ cɔlɔ lone kɩbanɖɛ taa. E-nesi taa Ɛsɔ ɖʋzɩ e-tiyiyaa nɛ mbʋ́ pɩtɩŋa payɩ pʋwɛnɩ ɖoŋ ɛsɔdaa yɔ.

1 Yohanɛɛsɩ 1:2

Wezuu ŋ́gʋ́, pɩlɩzɩ-kʋ nɛ pɩwɩlɩ-ɖʋ nɛ ɖɩna-kʋ yɔɔ ɖɩlɩzɩɣ kɩ-aseɣɖe. Ŋ́gʋ́ lɛ wezuu maatɛŋ ŋgʋ́ kɩwɛ Caa Ɛsɔ cɔlɔ yɔ. Kʋ-tɔm ɖɩkɛdɩɣ-mɩ.

1 Yohanɛɛsɩ 2:25

Mbʋ́ Yesu Krɩstʋ ɖʋwa se ɛhaɣ-ɖʋ yɔ lɛ: wezuu maatɛŋ.

1 Yohanɛɛsɩ 5:20

Đɩnawa ɖɔɖɔ se Ɛsɔ Pɩyalʋ kɔm kedeŋa yɔɔ nɛ ɛha-ɖʋ lɛɣtʋ se ɖɩpɩzɩ ɖɩtɩlɩ Ɛsɔ. Ɛsɔ ɛnʋ lɛ Ɛsɔ maɣmaɣ kpem. Ɛ-Pɩyalʋ Yesu Krɩstʋ yɔɔ pɩtɩŋnaa nɛ ɖa nɛ ɩ ɖɩwɛɛ ɖama taa. Ɛnʋ lɛ Ɛsɔ maɣmaɣ kpem, ɛnʋ lɛ wezuu maatɛŋ.

Yuudi 1:21

Mɩ-ɛsɛ ɛsɛɛnɩ Ɛsɔ sɔɔlʋʋ nɛ ɩwɛɛ ɖaŋʋʋ yɔɔ se ɖa-Kɩpaɣlʋ Yesu Krɩstʋ naɣ mɩ-pʋtɔdɩyɛ nɛ ɛha-mɩ wezuu maatɛŋ.