Yohanɛɛsɩ 16:2 - New Testament

² Pɔkɔŋ-mɩ ɖaŋʋʋ se ɩtaatasɩ wobu Ɛsɔ ɖɩsɛyɛ naɖɩyɛ taa. Halɩ alɩwaatʋ natʋyʋ kɔŋ nɛ mbá pakʋʋ-mɩ yɔ, pamaɣzɩ se Ɛsɔ tʋmɩyɛ palakɩ ḿbʋ́.

Yohanɛɛsɩ 16:2 ပူးပေါင်းရင်းမြစ်များ

Maatiyee 10:28

Ɩtaasɔɔndɩ mbá pakʋʋ tomnaɣ nɛ paapɩzɩɣ pakʋ kalɩzaɣ yɔ. Ɛlɛ́, ɩsɔɔndɩ Ɛsɔ, mbʋ́ pʋyɔɔ yɔ, ɛpɩzɩɣ ɛkʋ ɛyʋ nɛ ɛtɛ ɛɖʋ e-tomnaɣ nɛ ɛ-kalɩzaɣ ɖenɖe kʋñɔŋ maatɛŋ wɛɛ yɔ.

Maatiyee 24:9

«Alɩwaatʋ ńdʋ́ʋ́ paɖʋzʋʋ-mɩ mi-koyindinaa nesi taa nɛ paɖʋ-mɩ kʋñɔŋ nɛ pakʋ-mɩ. Ajɛya kpeekpe taa ɛyáa kɔŋ-mɩ paɖʋʋ mɔ-yɔɔ.

Luka 6:22

Yee ɛyáa ɛpaɖɩɣ-mɩ yaa, pekiziɣ-mɩ yaa, patʋʋ-mɩ yaa, pɛwɛɛkɩɣ mɩ-hɩla Ɛyʋ Pɩyalʋ yɔɔ yɔ, ihiɣ mɩ-tɩ!

Yohanɛɛsɩ 12:42

Paa ḿbʋ́ yɔ, Yuda ñɩma awiya maɣmaɣ taa sakɩyɛ kɛwɛnɩ lidaʋ Yesu yɔɔ. Ɛlɛ́, Farɩsɩ ñɩma yɔɔ lɛ, pataasusuu-tʋ. Pɩtɛkɛ ḿbʋ́, paɖaŋɩɣ-wɛ se pataatasɩ wobu Ɛsɔ ɖɩsɛyɛ taa.

Yohanɛɛsɩ 16:25

Yesu tasɩ ɛ-tɔmkpɛlɩkɩyaa heyuu se: «Meheyi-mɩ tɔm ńdʋ́ tɩtɩŋa nɛ aduwa taa. Alɩwaatʋ natʋyʋ kaɣ kɔm nɛ maatasɩɣ-mɩ yɔɔdɩnaʋ ḿbʋ́. Ɛlɛ́, meheyiɣ-mɩ Caa tɔm kpayɩ.

Yohanɛɛsɩ 16:32

Tɔ! Alɩwaatʋ natʋyʋ kɔŋ, halɩ tɩtɛm talʋʋ. Tɩ-taa ɩmɩzɩɣ ɖama nɛ paa weyi ekpe ɛ-tɛ nɛ iyele men-ɖeke. Paa ḿbʋ́ yɔ, piiyeki men-ɖeke koŋ, Caa wɛɣ mɔn-cɔlɔ.

Yohanɛɛsɩ 4:21

Peeɖe Yesu heyi-i se: «Halʋ ña! Tisi se alɩwaatʋ natʋyʋ kɔŋ nɛ paatasɩɣ Caa Ɛsɔ tɛɛ luŋuu pʋʋ kʋnɛ kʋ-yɔɔ yaa Yeruusalɛm. Ɛlɛ́, poluŋuu ɛ-tɛɛ paa le.

Yohanɛɛsɩ 4:23

Ɛlɛ́, alɩwaatʋ natʋyʋ kɔŋ, halɩ tɩtɛm talʋʋ. Tɩ-taa Caa Ɛsɔ haɣ ɛyáa e-Fezuu Kiɖeɖeu. Peeɖe mbá poluŋuu ɛ-tɛɛ nɛ toovenim yɔ, patɩŋɩɣnɩ e-Fezuu Kiɖeɖeu ŋ́gʋ́ kɩ-yɔɔ nɛ poluŋ ɛ-tɛɛ ɛzɩ ɛ-pɩyalʋ wɩlʋʋ-wɛ yɔ. Toovenim lɛ se, mbá poluŋuu Caa Ɛsɔ tɛɛ ḿbʋ́ yɔ, ḿbá ɛñɩnɩɣ. Pʋwɛɛ se patɩŋnɩ e-Fezuu Kiɖeɖeu yɔɔ nɛ poluŋ ɛ-tɛɛ ɛzɩ ɛ-pɩyalʋ wɩlʋʋ-wɛ yɔ.»

Yohanɛɛsɩ 9:22

Sɔɔndʋ kpaɣaɣ-wɛ nɛ Yuda ñɩma awiya yɔɔ pɔyɔɔdaɣ ḿbʋ́. Mbʋ́ pʋyɔɔ yɔ, paanɩnɩ ɖama se: «Yee nɔɔyʋ ɛyɔɔdaa se Yesu lɛ Weyi Ɛsɔ Lɩzaa Yɔ yɔ, paɖaŋɩɣ-ɩ se ɛtaatasɩ wobu Ɛsɔ ɖɩsɛyɛ taa.»

Yohanɛɛsɩ 9:34

Ɛlɛ́, papɩsɩnɩ-ɩ se: «Đooo ɛzɩ palʋlʋʋ-ŋ yɔ, kɩwɛɛkɩm taa ŋwɛ ñatɩŋa pilim. Ñacaɣnɩ se ŋkpɛlɩkɩ-ɖʋ lɛɣtʋ naa we?» Peeɖe pɔɖɔɔnɩ-ɩ Ɛsɔ ɖɩsɛyɛ taa.

Tʋma Labʋ 5:33

Tɔm hʋyaa nɩ ḿbʋ́ lɛ, pamʋ miŋ nɛ pacaɣ se pakʋ-wɛ.

Tʋma Labʋ 7:56

Peeɖe eheyi-wɛ se: «Iwelesi nɛ ɩnɩɩ: ɛsɔdaa tʋlaa nɛ manaɣ Ɛyʋ Pɩyalʋ sɩŋ Ɛsɔ cɔlɔ lone kɩbanɖɛ taa.»

1 Kɔrɛntɩ 4:13

Yee ɛyáa ɛyɔɔdʋʋ-ɖʋ tɔm ɛzaɣ́tʋ yɔ, ɖicosuu-wɛ camɩyɛ. Halɩ nɛ sɔnɔ, ɛyáa kpakɩɣ-ɖʋ ɛzɩ kedeŋa yɔɔ azuluma nɛ ñɩtʋ ndʋ́ pahazɩɣ yɔ.

Filiipu 3:6

Mɛ-ɛsɩyɛ kɛsɛnɩ Krɩstʋ ŋgbɛyɛ taa ñɩma wayɩ wɛʋ kaŋ kaŋ. Paɣtʋ yɔɔ ɖɔm lɛ, natʋyʋ fɛyɩ se paawanɩ-m.

Wɩlʋʋ 6:9

Pʋwayɩ lɛ, Heɣa ŋ́gá kɛkpɛzɩ nesi ñɩɣʋ kagbaanzɩ ñɩmbʋ nɛ manaɣ lone nɖɩ́ palaɣ ɖɩ-taa yɔ, ɖɩ-tɛɛ mbá paakʋ-wɛ yɔ pa-ciyamnaa. Ɛsɔtɔm nɛ aseɣɖe nɖɩ́ palɩzaa yɔ, pɔ-yɔɔ paakʋ-wɛ.