Yohanɛɛsɩ 15:8 - New Testament

⁸ Alɩwaatʋ ndʋ́ ɩwɛɣ wazaɣ siŋŋ nɛ ɩwɩlɩɣ se ɩkɛ mɔn-tɔmkpɛlɩkɩyaa yɔ, man-Caa hɩɖɛ sɛɣ.

Yohanɛɛsɩ 15:8 ပူးပေါင်းရင်းမြစ်များ

Maatiyee 5:16

Ḿbʋ́ pʋmʋnaa se mɩ-ñalɩmɩyɛ ɛñalɩ ɛyáa ɛsɩndaa nɛ pana mɩ-camɩyɛ lakasɩ nɛ pasa mɩ-Caa weyi ɛwɛ ɛsɔdaa yɔ.»

Maatiyee 5:44

Ɛlɛ́, ma meheyiɣ-mɩ se: ɩsɔɔlɩ mi-koyindinaa nɛ ɩsɛɛ Ɛsɔ mbá pɛwɛ mɩ-wayɩ kaŋ kaŋ yɔ pɔ-yɔɔ

Maatiyee 9:8

Ɛyáa sakɩyɛ mbá paawɛɛ yɔ pana ḿbʋ́ lɛ, sɔɔndʋ kpa-wɛ nɛ pasa Ɛsɔ ɛzɩma mbʋ́ ɛha ɛyáa ɖoŋ ɛnʋ yɔ pʋ-yɔɔ.

Luka 6:35

Mɩ lɛ, pʋwɛɛ se ɩsɔɔlɩ mi-koyindinaa nɛ ɩla ɛyáa camɩyɛ. Ɩkɩndɩ-wɛ, ɛlɛ́, ɩtaaɖaŋ se paahɛyɩ-mɩ. Peeɖe ɩmʋʋ kɩhɛyʋʋ sɔsɔʋ nɛ pɩwɩlɩ se ɩkɛ Ɛsɔ Caabiyuu piya. Mbʋ́ pʋyɔɔ yɔ, ɛlakɩ mbá pɛfɛyɩnɩ ɛsɩmɩyɛ yɔ nɛ kañadɩnaa camɩyɛ lakasɩ.

Yohanɛɛsɩ 13:35

Yee ɩsɔɔlɩ ɖama yɔ, pʋbʋ ɛyáa tɩŋa naɣ se ɩkɛ mɔn-tɔmkpɛlɩkɩyaa.»

Yohanɛɛsɩ 15:5

Ma lɛ tɩʋ ŋgʋ́ popuu ki-pee sʋlʋm yɔ nɛ mɩ lɛ pilinzi. Weyi ma nɛ ɩ ɖɩkpɛndɩ ɖama tam yɔ, ɛwɛɣ wazaɣ siŋŋ. Mbʋ́ pʋyɔɔ yɔ, pɩtɛkɛ mɔ-yɔɔ yɔ, ɩɩpɩzɩɣ ɩla pʋyʋ.

Yohanɛɛsɩ 8:31

Peeɖe Yesu heyi Yuda ñɩma mbá pɛwɛnɩ lidaʋ ɛ-yɔɔ yɔ se: «Yee ɩwɛɛ ɩɖɔŋ mɔn-tɔm yɔɔ yɔ, ɩkɛɣ mɔn-tɔmkpɛlɩkɩyaa siŋŋ.

1 Kɔrɛntɩ 10:31

Pʋ-yɔɔ lɛ, paa ɛbɛ ɩtɔkɩ yaa ɩñɔʋ yaa ɩlakɩ yɔ, ɩla pɩtɩŋa payɩ se Ɛsɔ hɩɖɛ ɛsɛɛ.

1 Kɔrɛntɩ 6:20

Mbʋ́ pʋyɔɔ yɔ, ɩkɛ ɛyáa mbá Ɛsɔ yabɩ-wɛ yɔ. Pʋ-yɔɔ lɛ, ɩkpaɣ mi-tomnasɩ nɛ ɩɖʋnɩ Ɛsɔ hɩɖɛ.

Filiipu 1:11

nɛ ɛ-lakasɩ kʋtʋʋzasɩ tɛzɩ ɖɔʋ mɩ-taa nɛ siyele pasa Ɛsɔ nɛ paɖʋ-ɩ hɩɖɛ.

Tiiti 2:10

Pɩfɛyɩ ɖɔɖɔ se pesezi pa-ñɩm yɔɔ. Ɛlɛ́, pʋwɛɛ se pawɩlɩ pa-tɩ tam se pɛkɛ ɛyáa kɩbama nɛ toovenim tɩnaa. Peeɖe ɛyáa ɖʋʋ ɖa-ñʋʋ yaɖʋ Ɛsɔ tɔm ndʋ́ pawɩlɩɣ yɔ hɩɖɛ.

Tiiti 2:5

Pawɩlɩɣ-wɛ ɖɔɖɔ se pataawɛɛ ɛsɛ naɣnaɣ, ɛlɛ́, patɩlɩ pa-tɩ ɖɔkʋʋ. Pɛkɛ mɩzaɣ nɔɔ tʋmlaɖaa nɛ ɛyáa kɩbama nɛ pañaŋ pa-walaa se nɔɔyʋ ɛtaapɩzɩ ɛwɛɛkɩ Ɛsɔtɔm.

1 Pɩyɛ 2:12

Ɩwɛnɩ wɛtʋ kɩbandʋ mbá paañaŋ Ɛsɔ yɔ pɔ-cɔlɔ. Yee ɩlabɩ ḿbʋ́ yɔ, paa pakʋyʋʋ mɩ-yɔɔ se ɩkɛ kɩdɛkɛdɩm laɖaa yɔ, pɩkɛɣnɩ-wɛ kɩcɛyʋʋ nɛ pɔyɔɔdɩnɩ pɔ-nɔɔ se ɩlabɩ camɩyɛ nɛ pasa Ɛsɔ kɩyakʋ ŋgʋ́ ɛkɔŋ yɔ.

1 Pɩyɛ 4:11

Yee Ɛsɔ ɛha nɔɔyʋ se esusi ɛ-tɔm yɔ, ńdʋ́ pʋwɛɛ se esusi. Yee ɛha nɔɔyʋ se ɛsɩnɩ lɛlaa yɔ, pʋwɛɛ se ɛsɩnɩ-wɛ nɛ ɖoŋ weyi Ɛsɔ ha-ɩ yɔ. Ḿbʋ́ yekina nɛ ɛyáa tɩŋnɩ Yesu Krɩstʋ yɔɔ nɛ pasa Ɛsɔ mbʋ́ pɩtɩŋa payɩ ɩlakɩ yɔ pɩ-taa. Ɛnʋ tɩnɩ koboyaɣ nɛ ɖoŋ tam. Pɩla ḿbʋ́!