Yohanɛɛsɩ 15:7 - New Testament

⁷ Yee ɩkpɛndɩ mɔ-yɔɔ tam nɛ ɩɖɔŋ mɔn-tɔm yɔɔ yɔ, paa ɛbɛ mi-liu ɛwɛɛ nɛ ɩpɔzɩ yɔ, pahaɣ-mɩ-pʋ.

Yohanɛɛsɩ 15:7 ပူးပေါင်းရင်းမြစ်များ

Maatiyee 7:7

Yesu tasɩ-wɛ heyuu se: «Ɩsʋlʋmɩ Ɛsɔ, ɛhaɣ-mɩ, ɩñɩnɩ ɛ-cɔlɔ, ihikiɣ, ɩma pɔɔyʋʋ yɔɔ, ɛtʋlʋʋ-mɩ.

Yohanɛɛsɩ 14:13

Mbʋ́ pɩtɩŋa payɩ ɩpɔzʋʋ-ɩ nɛ mɔ-nɔɔ yɔ, malakɩ-pʋ se pɩtɩŋnɩ mɔ-yɔɔ nɛ man-Caa hɩɖɛ sɛɛ.

Yohanɛɛsɩ 15:16

Pɩtɛkɛ mɩlɩzɩnɩ-m, ɛlɛ́, ma malɩzɩnɩ-mɩ nɛ mentiyi-mɩ se iwolo ɩla tʋmɩyɛ nɛ ɩwɛnɩ wazaɣ nɛ kɛwɛɛ ḿbʋ́. Peeɖe man-Caa haɣ-mɩ mbʋ́ pɩtɩŋa payɩ ɩpɔzʋʋ-ɩ nɛ mɔ-nɔɔ yɔ.

Yohanɛɛsɩ 16:23

Puwiye ńɖɩ́ lɛ, ɩɩtasɩɣ-m pɔzʋʋ natʋyʋ. Toovenim lɛ, meheyiɣ-mɩ se: mbʋ́ pɩtɩŋa payɩ ɩsʋlʋmʋʋ Caa nɛ mɔ-nɔɔ yɔ, ɛhaɣ-mɩ-pʋ.

Yohanɛɛsɩ 8:31

Peeɖe Yesu heyi Yuda ñɩma mbá pɛwɛnɩ lidaʋ ɛ-yɔɔ yɔ se: «Yee ɩwɛɛ ɩɖɔŋ mɔn-tɔm yɔɔ yɔ, ɩkɛɣ mɔn-tɔmkpɛlɩkɩyaa siŋŋ.

Yohanɛɛsɩ 8:37

Manawa se ɩkɛ Abraham liɖe taa ñɩma. Ɛlɛ́, ɩcaɣ se ɩkʋ-m, mbʋ́ pʋyɔɔ yɔ, mɔn-tɔm fɛyɩnɩ ɖɩjaɣyɛ mɩ-taa.

Galaatɩ 4:2

Paa ḿbʋ́ yɔ, alɩwaatʋ ndʋ́ ɛwɛ pɩcatʋ taa yɔ, ɛyáa nabɛyɛ nesi taa ɛwɛɛ nɛ pɔcɔŋnɩ ɛ-yɔɔ nɛ pʋkɔɔ pɩsɩɩnɩ alɩwaatʋ ndʋ́ ɛ-caa kaɖʋwa yɔ.

Galaatɩ 5:16

Pʋ-yɔɔ lɛ, meheyiɣ-mɩ se: iyele nɛ Fezuu Kiɖeɖeu wɩlɩ-mɩ nʋmɔʋ mi-wezuu caɣʋ taa. Yee itisi ḿbʋ́ yɔ, ɩɩtasɩɣ tɩŋʋʋ nʋmɔŋ kɩdɛkɛdɩŋ weyi mɩ-maɣmaɣ ɩsɔɔlaa yɔ.

Koloosi 3:16

Iyele ɖɔɖɔ nɛ Krɩstʋ tɔm su mɩ-taa ɖo: ɩkpɛlɩkɩ ɖama nɛ ɩka ɖama ñʋŋ taa nɛ mɩ-lɔŋsɩnɖɛ tɩŋa. Itee hendu nɛ ɩsa Ɛsɔ nɛ mɩ-laŋɩyɛ tɩŋa pilim e-lootiye yɔɔ: ɩyaa keɣsi nɛ itee-i hendu ndʋ́ ndʋ́ e-Fezuu Kiɖeɖeu wɩlɩɣ-mɩ yɔ.

1 Yohanɛɛsɩ 2:14

Men-piya! Mama-mɩ-tʋ, mbʋ́ pʋyɔɔ yɔ, ɩsɩm Caa Ɛsɔ. Man-caanaa! Mama-mɩ-tʋ, mbʋ́ pʋyɔɔ yɔ, ɩsɩm weyi ɛɛwɛɛ nɛ pʋcɔ Ɛsɔ la kedeŋa yɔ. Evebiya! Mama-mɩ-tʋ, mbʋ́ pʋyɔɔ yɔ, ɩwɛ ɖoŋ. Ɩɖɔkɩ Ɛsɔtɔm mɩ-laŋa taa kpam nɛ ɩwa Satanɩ.

1 Yohanɛɛsɩ 2:27

Mɩ lɛ, Fezuu ŋgʋ́ Yesu Krɩstʋ ha-mɩ ɛzɩ papɩyʋʋ ɛyʋ ñʋʋ taa num yɔ, kɩwɛ mɩ-cɔlɔ. Yee ḿbʋ́ pɩtatasɩ pɔzʋʋ se nɔɔyʋ ɛkpɛlɩkɩ-mɩ, mbʋ́ pʋyɔɔ yɔ, kɩwɩlɩɣ-mɩ pɩtɩŋa payɩ nɛ toovenim, cɛtɩm fɛyɩ pɩ-taa. Pʋ-yɔɔ lɛ, mɩ nɛ Yesu Krɩstʋ mɩ-kpɛndʋʋ ɛwɛɛ ḿbʋ́ ɛzɩ Fezuu Kiɖeɖeu ŋ́gʋ́ kɩwɩlʋʋ-mɩ yɔ.

1 Yohanɛɛsɩ 3:22

Ɛhaɣ-ɖʋ ɖɔɖɔ mbʋ́ ɖɩpɔzʋʋ-ɩ yɔ pɩtɩŋa payɩ, mbʋ́ pʋyɔɔ yɔ, ɖɩɖɔŋ ɛ-paɣtʋ yɔɔ nɛ ɖɩlakɩ mbʋ́ pɩkɛdɩnɩ-ɩ yɔ.

1 Yohanɛɛsɩ 5:14

Yee ɖɩpɔzʋʋ Ɛsɔ mbʋ́ e-liu wɛɛ yɔ yɔ, ɛnɩɣnɩ-ɖʋ. Pʋ-yɔɔ ɖɩsɩŋɩɣ ɛ-ɛsɩndaa kaalɛyɩtʋ.