Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yohanɛɛsɩ 15:5 - New Testament

5 Ma lɛ tɩʋ ŋgʋ́ popuu ki-pee sʋlʋm yɔ nɛ mɩ lɛ pilinzi. Weyi ma nɛ ɩ ɖɩkpɛndɩ ɖama tam yɔ, ɛwɛɣ wazaɣ siŋŋ. Mbʋ́ pʋyɔɔ yɔ, pɩtɛkɛ mɔ-yɔɔ yɔ, ɩɩpɩzɩɣ ɩla pʋyʋ.

အခန်းကိုကြည့်ပါ။ ကော်ပီ




Yohanɛɛsɩ 15:5
28 ပူးပေါင်းရင်းမြစ်များ  

Krɩstʋ haɣnɩ-m ɖoŋ, ɛ-yɔɔ manpɩzɩɣ malakɩ pɩtɩŋa payɩ.


Pʋbʋ, ɩɖɔŋ Kɩpaɣlʋ ɛsɩndaa ɛzɩ pʋmʋnaʋ yɔ nɛ pɩkɛdɩnɩ-ɩ pɩtɩŋa pɩ-taa. Peeɖe ɩlakɩ tʋma kɩbana ndɩ ndɩ nɛ ɩtɛzɩ Ɛsɔ tɩlʋʋ kpem.


Pɩtɛkɛ mɩlɩzɩnɩ-m, ɛlɛ́, ma malɩzɩnɩ-mɩ nɛ mentiyi-mɩ se iwolo ɩla tʋmɩyɛ nɛ ɩwɛnɩ wazaɣ nɛ kɛwɛɛ ḿbʋ́. Peeɖe man-Caa haɣ-mɩ mbʋ́ pɩtɩŋa payɩ ɩpɔzʋʋ-ɩ nɛ mɔ-nɔɔ yɔ.


Ɛlɛ́, mbʋ́ Fezuu Kiɖeɖeu ñahaɣ yɔ lɛ: sɔɔlɩm nɛ laŋhʋlʋmɩyɛ nɛ laŋhɛzɩyɛ nɛ hɔyɛ ɖɔkʋʋ nɛ ɖeu labʋ nɛ camɩyɛ lakasɩ nɛ mbʋ́ ɛyʋ ɖʋwa se ɛlakɩ yɔ pʋ-yɔɔ labʋ


Mbʋ́ pʋyɔɔ yɔ, ɖɩfɛyɩnɩ ɖoŋ nɩɩyɩ se ɖɩɩɖɩɣnɩ toovenim nʋmɔʋ. Toovenim ḿbʋ́ pʋ-tɔm taa ɖɩwɛ ɖoŋ.


Peeɖe Yesu kaɖɩ-wɛ se: «Toovenim lɛ, meheyiɣ-mɩ se ma Ɛsɔ Pɩyalʋ lɛ, maapɩzɩɣ mala nabʋyʋ yem man-tɩ yɔɔ. Mbʋ́ man-Caa Ɛsɔ lakɩ nɛ manaɣ yɔ, pi-ɖeke koŋ malakɩ. Mbʋ́ pɩtɩŋa payɩ man-Caa lakɩ yɔ, ḿbʋ́ ɖɔɖɔ malakɩ.


Mbʋ́ pɩtɩŋa pahaɣ ɛyʋ nɛ pʋwɛ ɖeu pɩtɩɩfɛyɩ yɔ, Ɛsɔ weyi ɛwɛ ɛsɔdaa yɔ ɛ-cɔlɔ pɩlɩnaa. Ɛnʋ labɩnɩ wɩsɩ nɛ fenaɣ nɛ tɩɩnzɩ. Ɛɛlɛɣzɩɣ kaʋ: ɛfɛyɩ ɛzɩ kɩlɛmʋʋ yɔ.


Ɛlɛ́, pʋwɛɛ se ɩɖɛɛnɩ ɛsɩndaa lootiye nʋmɔʋ taa nɛ ɩtɛzɩ sɩm ɖa-Kɩpaɣlʋ Yesu Krɩstʋ weyi ɛkɛ ɖa-ñʋʋ yaɖʋ yɔ. Pasam-ɩ kpaɣ lɛɛlɛɛyɔ nɛ paa ɛzɩmtaa. Pɩla ḿbʋ́!


Toovenim lɛ, mankaɖɩɣ-mɩ se: yee potoɖuu mɩɖɛ piye nɛ ɖɩsɩ yɔ, ɖɩwɛɣ ɖi-ɖeke ḿbʋ́. Ɛlɛ́, yee poɖu-ɖɩ nɛ ɖɩsɩ yɔ, ɖɩlʋlʋʋ pee sakɩyɛ.


Man-taabalaa, ḿbʋ́ ɖɔɖɔ pʋwɛnɩ-mɩ. Paɣtʋ tatasɩ wɛnaʋ ɖoŋ mɩ-yɔɔ, mbʋ́ pʋyɔɔ yɔ, ɩwɛ ɛzɩ sɩɖaa yɔ. Mbʋ́ pʋyɔɔ yɔ, mɩ nɛ Krɩstʋ weyi ɛsɩba yɔ, ɩkpɛndaa nɛ ɩwɛɛ e-nesi taa. Ɛnʋ lɛ weyi ɛsɩba nɛ Ɛsɔ fezi-i yɔ. Đa nɛ ɩ ɖɩkpɛndaa se ɖa-tʋmɩyɛ ɛwɛɛ Ɛsɔ wazaɣ.


nɛ ɛ-lakasɩ kʋtʋʋzasɩ tɛzɩ ɖɔʋ mɩ-taa nɛ siyele pasa Ɛsɔ nɛ paɖʋ-ɩ hɩɖɛ.


Yee abalʋ ɛnɛ ɛtaalɩnɩ Ɛsɔ cɔlɔ yɔ, ɛtaapɩzɩ ɛla nabʋyʋ.»


Pɩtɛkɛ se me-liu wɛ haɖɛ yɔɔ mɔyɔɔdʋʋ ḿbʋ́. Ɛlɛ́, mañɩnɩɣ se pɩsɛɛ-mɩ nɛ mɩ-ñɩm huúu Ɛsɔ cɔlɔ.


Ɛlɛ́, lɛɛlɛɛyɔ, Ɛsɔ holi-mɩ nɛ kɩwɛɛkɩm nesi taa nɛ ɩpɩsɩ e-yomaa. Mbʋ́ pɩlɩ-mɩ pɩ-taa yɔ lɛ se ɩpɩsɩ ɛ-ñɩma nɛ pɩtɛmna se ihikiɣ wezuu maatɛŋ.


Ñʋʋ yaɖʋ nɔɔyʋ fɛyɩ nɛ pɩtasɩnɩ-ɩ. Mbʋ́ pʋyɔɔ yɔ, Ɛsɔ talɩzɩ nɔɔyʋ kedeŋa yɔɔ cɩnɛ se pɩtɩŋnɩ ɛ́lɛ́ yɔɔ nɛ pɩpɩzɩ pɩya ɖa-ñʋʋ.»


Toovenim lɛ, Krɩstʋ wɛ ɛzɩ tomnaɣ kʋɖʋmaɣ ŋgá kɛwɛnɩ pilinzi sakɩyɛ yɔ. Paa ke-pilinzi ɛɖɔwa yɔ, kɛkɛ kʋɖʋmaɣ.


Ɩkpɩtɩnɩ-ɩ. Ɛnʋ lɛ pɩyɛ nɖɩ́ ɖɩhaɣ wezuu yɔ, ɛyáa kizi-ɖɩ se ɖɩɩwazɩɣ pʋyʋ. Ɛlɛ́, Ɛsɔ ñalɩzɩ-ɖɩ se ńɖɩ́ kɩlɩnɩ wazaɣ ɛ-ɛsɩndaa.


Mɩtɩŋa payɩ ɩkɛ Krɩstʋ tomnaɣ nɛ paa mɩ-taa weyi ɛkɛ tomnaɣ ŋ́gá ke-piliŋa.


Mbʋ́ pɩlɩɣnɩ ñalɩmɩyɛ taa yɔ lɛ: camɩyɛ lakasɩ tɩŋa nɛ tʋʋzʋʋ nɛ toovenim.


Ɛsɔ cɛlɩɣnɩ haɖʋ ɖomaɣ se eɖuu nɛ ɛhaɣ-ɩ tɔɔnaɣ se ɛtɔɔ. Ɛnʋ kɔŋnɩ-mɩ cɛlʋʋ ɖɔɖɔ mbʋ́ pɩtɩŋa payɩ pʋpɔzʋʋ-mɩ yɔ. Eyeki nɛ puhuu nɛ mɩ-camɩyɛ lakasɩ tɛzɩ ɖɔʋ.


Laŋhɛzɩyɛ Tɔm ńdʋ́, tɩtalɩ mɩ-tɛ ɛzɩ tɩcɔʋ kedeŋa kpeekpe yɔɔ ɛyáa cɔlɔ nɛ tɩlabɩ-wɛ tʋmɩyɛ siŋŋ yɔ. Ḿbʋ́ ɖɔɖɔ tɩlabɩ-mɩ tʋmɩyɛ kpaɣ ɖooo kɩyakʋ ŋgʋ́ ɩnɩ Ɛsɔ lootiye tɔm nɛ ɩtɩlɩ-ɖɩ kpem yɔ.


Ḿbʋ́ ɖɔɖɔ paa ɖɩɖɔwa yɔ, ɖɩwɛ ɛzɩ tomnaɣ kʋɖʋmaɣ ɖa nɛ Krɩstʋ ɖɛ-kpɛndʋʋ taa nɛ ɖatɩŋa payɩ ɖɩɖɔkɩ ɖama ɛzɩ ɛyʋ tomnaɣ hɔɔlɩŋ ɖɔkʋʋnɩ ɖama yɔ.


Kpɛndʋʋ caɖaɣ ŋgá ɖɩsɛɣ kɔ-yɔɔ Ɛsɔ yɔ, kaakpɛndɩɣ ɖa nɛ Krɩstʋ calɩm alɩwaatʋ ndʋ́ ɖɩñɔʋ-kɛ yɔ yaa we? Nɛ tindine nɖɩ́ ɖɩcɩyɩɣ yɔ, ɖɩɩkpɛndɩɣ ɖa nɛ Krɩstʋ tomnaɣ alɩwaatʋ ndʋ́ ɖɩtɔkɩ-ɖɩ yɔ yaa we?


Ɛlɛ́, paayeki se tɩlabɩ-wɛ tʋmɩyɛ camɩyɛ. Pɔɖɔkʋʋ-tʋ nɛ kʋñɔŋ nakʋyʋ talɩ-wɛ yaa pɛwɛɛ pa-wayɩ kaŋ kaŋ tɩ-yɔɔ lɛ, pɔtɔlɩ Ɛsɔ nʋmɔʋ taa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ